Vil du leie og utvikle portørtenesta for pasientar på Haukeland universitetssjukehus? – Drift/teknisk divisjon/ Hospitaldrift Transport, Helse Bergen
Kontor og økonomi Megling(15 timer siden)
Stillingsbeskrivelse
Published 20-10-2024
Deadline: 10-11-2024
Vil du leie og utvikle portørtenesta for pasientar på Haukeland universitetssjukehus?
Vi søker etter ein samlande og engasjert seksjonsleiar for seksjonen Portør i Hospitaldrift Transport. Du vil få ein spennande kvardag med stor variasjon i arbeidsoppgåvene og saman med einingsleiar har du ansvaret for å drive seksjonen framover. Vi ser etter deg som er fleksibel og som likar å leie og å motivere andre menneske. Eininga Transport er ei av einingane til Hospitaldrift, som igjen er ein del av Drift/Teknisk divisjon, som består av hovudparten av sjukehuset sine ikkje- medisinske avdelingar. Eininga er delt i tre seksjonar; Portørtenesta, Forsyningstenesta og Miljøhall og Varetransport og har totalt om lag 120 medarbeidarar. Vi utfører pasientportørtenester, vareforsyningstenester, avfallshandtering og andre interne transporttenester for sjukehuset. Vi er lærebedrift i portør- og logistikkfaget og nyleg i gjennvinningsfaget.
Vi søker no ein ny seksjonsleiar for Portørtenesta
Pasientrelaterte transporttenester er ein intern serviceseksjon med døgnkontinuerleg drift. Hovudaktiviteten er pasientransport, både på sjukehuset og til andre einingar innan Helse Bergen. Vi er ein viktig bidragsytar for god pasientflyt og logistikk for heile sjukehuset. Sjukehussektoren står framfor store krav til endring og det blir kontinuerleg gjennomført prosjekt og program innan digitalisering, organisasjonsutvikling og utbygging som medfører driftsomleggingar for sjukehuset. Seksjonen har om lag 70 tilsette og utfører årleg om lag 320 000 pasientransportar. Seksjonen utfører òg andre transporttenester som henting og levering av prøvar og blod, reine og skitne senger m.m. Portørfaget blei godkjend som eige fagbrev for nokre år sidan og vi satsar på utdanning av både lærlingar og fast tilsette.
Som seksjonsleiar vil du få gode moglegheiter for å utvikle seksjonen, dine medarbeidarar og deg sjølv og du kan bidra til å gjere kvardagen enklare for pasientar og andre tilsette ved sjukehuset. Du er sentral i arbeidet med forbetring av prosessar og logistikk saman med brukarklinikkane våre og dei samarbeidande seksjonane. Stillinga rapporterer til einingeleiar for Hospitaldrift Transport og inngår i leiargruppa for eininga.
Arbeidsoppgåver
- Leie og vidareutvikle arbeidet ved seksjonen
- Personal- og budsjettansvar
- Ansvar for dagleg drift, koordinering og organisering av seksjonen
- Ansvar for bemanning og arbeidsplanar
- Innføre nye system og arbeidsprosessar i seksjonen
- Sikre opplæring og fagleg utvikling av medarbeidarane
- Sikre god kommunikasjon med brukarane av tenestene
- Bidra til eit godt arbeidsmiljø for alle dei tilsette ved seksjonen
- Delta i eininga si leiargruppe og medverke til godt samarbeid på tvers i eininga
Kvalifikasjonar
- Leiarerfaring, gjerne frå større organisasjonar
- Høgskule-/universitetsutdanning innan helsefag, logistikk, økonomi, leiing eller anna relevant utdanning. Lang relevant erfaring og dokumenterte gode resultat kan kompensere for manglande utdanning
- Erfaring med bruk av aktivitet- og styringsdata for å definere bemanningsbehovet og planlegge turnus
- Erfaring med tverrfagleg samarbeid
- Erfaring frå, og interesse for endrings- og forbetringsprosessar
- God skriftleg og munnleg framstillingsevne
Personlege eigenskapar
- Engasjement for leiarfaget
- Du kommuniserer på ein tydeleg og motiverande måte som skapar tillit og gode relasjonar med andre
- Du er handlekraftig, fleksibel og arbeider målretta og strukturert
- Stillinga krev sjølvstende kombinert med evne til tverrfagleg samarbeid
- Du er opptatt av forbetring av tenestene og arbeidskvardagen for dei tilsette
- Du har eit godt lag med folk og får fram det beste i dei
- Du evnar å sjå heilskapen og korleis dine ansvarsområde påverkar denne
- Du er opptatt av samarbeid og har ein inkluderande stil
- Du er god på prioritering og delegering og trivst med høg arbeidstempo
Vi tilbyr
- Fagleg og personleg utvikling
- Varierte og utfordrande arbeidsoppgåver i eit aktivt arbeidsmiljø
- Deltaking i fagleg nettverk med portørleiarar ved andre sjukehus
- Lønn etter avtale
- Gode forsikrings- og pensjonsordningar
- Triveleg arbeidsmiljø
Vi oppfordrar alle søkarar til å nytte Vitnemålsportalen for å laste opp vitnemål og karakterutskrifter.
Ved å bruke Vitnemålsportalen sikrar du at dokumenta dine verifiserte og oppdaterte. Du finn meir informasjon om korleis du brukar Vitnemålsportalen på www.vitnemålsportalen.no. Har du har tatt utdanning i utlandet, må du legge ved godkjenning frå UDIR/Direktoratet for høgare utdanning og kompetanse (HR-dir) i søknaden. Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.
Kontaktinformasjon
Janne Kristensen , Rådgivar rekruttering, 48 28 63 00
Mona Halvorsen, Einingsleiar Transport, 92 97 76 78
Arbeidsstad
Haukelandsveien 26B
5009 Bergen
Nøkkelinformasjon:
Arbeidsgivar: Helse Bergen
Referansenr.: 4829899116
Stillingsprosent: 100%
Fast
Søknadsfrist: 10.11.2024
DIVERSE INFO
Arbeidsgiver | Drift/teknisk divisjon/ Hospitaldrift Transport, Helse Bergen orgnr: |
---|---|
Kort om arbeidsgiver |
Helse Bergen, Haukeland universitetssjukehus, har over 14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook. |
Webside | |
Bransje | Kontor og økonomi |
Yrke | Megling |
Sted | BERGEN (Adresse: Haukelandsveien 26B Postnr: 5009) |
Stillingstype | Fast Heltid Antall stillinger: 1 |
Sektor | Offentlig |
Krav | Høyere utdanning |
Tiltredelse | Unknown |
Søknadsfrist | 10-11-2024 |