Vil du leie og utvikle heile Setesdal si lokalavis? – Setesdølen
Sales, retail and retail trade Personlig tjenesteyting(22 timer siden)
Stillingsbeskrivelse
Published 10-12-2024
Deadline: 01-01-1970
Vil du leie og utvikle heile Setesdal si lokalavis?
Setesdølen står i eit historisk skifte, og me søkjer ein handlekraftig leiar til å setje tydeleg retning og gjere avisa berekraftig digitalt. Er det deg?
Setesdølen er lokalavisa for Evje, Hornnes, Bygland, Valle, Bykle og Åseral. Avisa skal vere nyheitsleiande på hendingar, kultur og sport og gjere Setesdal til ein betre stad å leve og bu. Me tek folket på alvor!
Den nye redaktøren vil ha ansvar for å byggje vidare på det solide grunnlaget dagens eigarar har utvikla gjennom mange år. Me skal vere ei nyskapande og framtidsretta avis som speglar mangfaldet i Setesdal. Som lokalavis har me vekstambisjonar og skal spesielt auke talet på digitale abonnentar. Samtidig skal avisa over på nye teknologiplattformer. For å nå vekstmåla vil Setesdølen dra nytte av Polaris Media sin kompetanse og ressursar.
Vår nye ansvarlege redaktør må stå støtt i krevjande redaksjonelle avgjerder og syte for at Setesdølen er først med det siste. Du må vere oppglødd for lokaljournalistikken og vere motivert for å føre Setesdølen gjennom digital transformasjon.
Me søkjer ein dyktig redaksjonell leiar som kan balansere den digitale utviklinga til avisa med ei sterk lokal forankring. Som redaktør må du vere førebudd på ein variert arbeidsdag der du sjølv deltek aktivt i redaksjonell produksjon og dagleg drift. Og i Setesdølen skriv me sjølvsagt på nynorsk!
Dette er ei rolle der du kan lykkast utan mykje leiarerfaring, men du må ha vilje til å leie og ta ansvar, også kommersielt. Du må vere aktivt søkjande etter og utforske moglegheitene som finst for utvikling når avisa frå årsskiftet blir ein del av mediekonsernet Polaris Media.
Vår ambisjon er å bidra til ein brei samfunnsdebatt, og me ønskjer at arbeidsstyrken vår skal spegle samfunnet me lever i. Me fokuserer på kvalifikasjonskrava og er opptekne av ditt engasjement for stillinga.
Interessert i å vite meir?
Ta ein prat med rådgjevarane våre i FRAM! Styreleiar Håvard Kvalheim er også tilgjengeleg ved behov (tlf. 957 21 264)
DIVERSE INFO
