Vil du jobbe deltid i 50% med oppgåver innan sivil rettspleie? – Kvam, Samnanger og Tysnes politistasjonsdistrikt, Vest politidistrikt
Uoppgitt/ ikke identifiserbare Ikke identifiserbare(1 dag siden)
Stillingsbeskrivelse
Published 17-10-2024
Deadline: 03-11-2024
Vil du jobbe deltid i 50% med oppgåver innan sivil rettspleie?
I Vest politidistrikt er det ledig ei fast stilling i 50% som seniorkonsulent (stillingskode 1363), for tida ved Kvam, Samnanger og Tysnes politistasjonsdistrikt, geografisk driftseining (GDE) Hordaland.
Kvam, Samnanger og Tysnes politistasjonsdistrikt består av Kvam herad, Samnanger kommune og Tysnes kommune, samt søre del av Bjørnafjorden kommune og del av Kvinnherad nord for Hardangerfjorden. Vi har stasjoner i Norheimsund, Eikelandsosen og på Våge. Nærare kor i tjenestestadeininga stillinga vert plassert, kjem ein tilbake til i samband med søknadsprosessen.
I Kvam, Samnanger og Tysnes politistasjonsdistrikt er det for tida 19 faste tilsette som er på jobb for å yte best mogleg sørvis for omlag 18.000 innbyggjarar. Me ynskjer å vera i førekant av kriminaliteten, og samarbeider tett med kommunane, frivillige organisasjonar og næringsliv. Arbeidsdagen er variert og hektisk, og det er behov for å «snu seg rundt»på kort varsel. Medarbeidarane i Kvam, Samnanger og Tysnes politistasjonsdistrikt fortel om eit ope og inkluderande arbeidsmiljø med godt ytring- og samarbeidsklima.
Kvam, Samnanger og Tysnes politistasjonsdistrikt har i dag 4 sivile årsverk innan den sivile rettspleia. Nedslagsfeltet for stillinga er primært Kvam, Samnanger og Tysnes politistasjonsdistrikt, men ein må pårekna å utføre arbeidsoppgåver i heile GDE Hordaland. Noko reiseaktivitet må påreknast.
Vi søkjer deg som er motivert, sjøvstendig og kvalitetsbevisst. Som seniorkonsulent skal du kunne drive sjølvstendig saksbehandling med høg grad av skjønnsvurdering, og med avgjerdsmynde innan eigen portefølje.
Sivil rettspleie er under omorganisering og stillinga vil kunne bli organisatorisk flytta til Felles eining for sivil rettspleie. Dette medfører ikkje endring i stadsplassering, men vil medføre at stillinga får ein ny leiar.
Arbeidsoppgåver
- Sakshandsamar innan sivil rettspleie
- Andre forvaltningsoppgåver
- Støtte til TTA føringer/arbeid
- Andre oppgåver pålagt av overordna, t.d. telefon- og eksedisjonsmottak mm
Kvalifikasjonar
Nødvendig
- Minimum 3-års utdanning på høgskule- eller universitetsnivå
- Relevant arbeidserfaring blir vektlagt og kan i særkilde høve (minimum 5 år) erstatte kravet til utdanning
- God IT- og systemkompetanse, med evne til å setje seg raskt inn i nye system
- God munnleg og skriftleg framføring
- Førarkort klasse B
- Du må ha plettfri vandel og vera skikka for teneste i politiet og politiattest (uttømmande og utvida) må innhentast ved ev. tilsetjing jfr. politilova § 18 og politiregisterlova § 41
Ynskjeleg
- Erfaring frå offentleg sektor vert vektlagt
- Erfaring frå sivil rettspleie vert vektlagt
- Kunnskap om avtaleverket i staten er ein fordel
Personlege eigenskapar
- Evne til å arbeide sjølvstendig, strukturert og effektivt
- Gode samarbeidsevnar og evne til å bidra til eit godt arbeidsmiljø
- Evne til å tileigna seg ny kunnskap
- Må kunne handtere endringar på ein positiv måte
- Vere serviceinnstilt og fleksibel i forhold til arbeidsoppgåver
- Løysingsorientert og med evne til å ta avgjerdar i pressa situasjonar
Som medarbeidar i politiet har du høgt etisk medvit, du blir kjenneteikna av å vera modig og helhetsorientert, du viser respekt og er tett på. Du kan lesa meir om dei etiske retningslinjene våre og medarbeidarplattform her: https://www.politiet.no/om-politiet/jobb-i-politiet/medarbeiderplattform/
Vi tilbyr
- Ein utfordrande og spanande arbeidsplass for deg som vil vere ein del av samfunnsoppdraget som politiet forvalter
- Stillinga blir lønna som seniorkonsulent (stillingskode 1363) frå ltr. 61/ kr 594 500,- . Vidare
lønnsutvikling vil skje gjennom lokale lønnsforhandlingar, jfr.
hovudtariffavtalane i staten. - Medlemskap i Statens pensjonskasse, med blant anna gode pensjons- og forsikringsordningar (sjå
https://www.spk.no/ for meir info) - Gode arbeidsvilkår (til dømes fleksibel arbeidstid, trening i arbeidstida, bedriftshelseteneste o.l.)
Generelt
Politiet meiner at inkludering og mangfald er ein styrke. Me treng medarbeidarar med ulike kompetansar, bakgrunn, erfaring og perspektiv for å bidra til endå betre oppgåveløysing. Dersom det er mogleg vil me leggja til rette for medarbeidarar som har behov for det.
Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal me kalla minst inn éin søkjar i kvar av desse gruppene til intervju. For å bli vurdert som søkjar i
desse gruppene, det vil seia positivt særbehandla på denne måten, må søkjarane oppfylla visse krav.
For å ha eit godt vurderingsgrunnlag ber me deg om å registrera utfyllande CV i rekrutteringsportalen vår og lasta opp relevante attestar og vitnemål. Dersom du har funksjonsnedsetjing, hol i CV-en eller innvandrarbakgrunn oppmodar me deg til å kryssa av for dette i rekrutteringsportalen vår. Avkryssingane dannar grunnlag for anonymisert statistikk som alle statlege verksemder rapporterer i årsrapportane sine.
Du kan lesa meir på arbeidsgivarportalen https://arbeidsgiver.difi.no/positivsaerbehandling .
Opplysningar om deg kan bli offentleggjort sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.
Vi ber om elektronisk søknad via lenka.
Ref.nr:24/239065
Kontaktinformasjon
Terje Sperrevik, Politistasjonssjef, 56553500
Spørsmål om elektronisk søknad/ CV, Seksjon for HR, 207.HR@politiet.no
Arbeidsstad
Bjørnafjorden
Nøkkelinformasjon:
Arbeidsgivar: Vest politidistrikt
Referansenr.: 4849329178
Stillingsprosent: 50%
Fast stilling
Søknadsfrist: 03.11.2024
DIVERSE INFO
Arbeidsgiver | Kvam, Samnanger og Tysnes politistasjonsdistrikt, Vest politidistrikt orgnr: |
---|---|
Kort om arbeidsgiver |
Vest politidistrikt |
Webside | www.politiet.no/jobb |
Bransje | Uoppgitt/ ikke identifiserbare |
Yrke | Ikke identifiserbare |
Sted | TYSNES (Adresse: Postnr: 5680) |
Stillingstype | Fast Deltid Antall stillinger: 1 |
Sektor | Offentlig |
Krav | Høyere utdanning |
Tiltredelse | Unknown |
Søknadsfrist | 03-11-2024 |