Vi søkjer sjukepleiar/vernepleiar – Sikkerhet og rehabilitering post, Valen sjukehus
Health and social care Sykepleier(2 uker siden)
Stillingsbeskrivelse
Published 08-09-2024
Deadline: 29-09-2024
Vi søkjer sjukepleiar/vernepleiar
Vi har no ledig vikariat for sjukepleiar/vernepleiar i 100% turnus dag/kveld.
Eining for sikkerheit og rehabilitering er ei spesialeining med til saman åtte døgnbehandlingsplassar for kvinner og menn. To av døgnbehandlingsplassane er for kvinner med valds- og farligheitsproblematikk, fire av plassane er tiltenkt forsterka rehabilitering for pasientar med sikkerheitsproblematikk og dei resterande plassane er tiltenkt andre pasientar med behov for forsterka rehabilitering.
Gjennom kartlegging og utgreiing blir behandlinga tilpassa den enkelte pasient og deira sjukdomsbilde, evner og ressursar. Behandlinga kan bestå av legemidlar, samtaleterapi, miljøterapi, fysisk aktivitet og livsmeistring. Eininga har fokus på brukarmedverknad.
Arbeidsoppgåver
- Miljøterapi til pasientar som treng behandling i sikkerhetspsykiatrisk døgnpost.
- Du deltek i miljøbehandlinga i eit team beståande av psykiater, psykolog, sjukepleiar, miljøterapeut, sosionom, helsefagarbeidar.
- Relasjonsbygging og motivasjonsarbeid for å skape endring.
- Du vil få medansvar for å koordinere den miljøterapeutiske behandlinga i posten.
- Vere med å vurdere og lage handteringsplanar ift valdsrisiko.
- Utforme kortsiktige- og langsiktige behandlingsplanar.
Kvalifikasjonar
- Norsk autorisasjon som sjukepleiar/vernepleiar
- Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten eller anna norsktest på B2-nivå. Dokumentasjon må leggjast ved søknad
- Ønskeleg med erfaring og realkompetanse innan psykiatri
- For å oppretthalde samansetninga av personalgruppa oppfordrast spesielt menn til å søkje
Personlege eigenskapar
Hos oss er det viktig at du:
- er initiativrik, interessert og har respekt for kvar enkelt pasient
- trivst i eit aktivt og travelt miljø
- er tilpasningsdyktig og taklar stressande situasjonar med ro og fagleg haldning
- likar å jobbe tverrfagleg
- bidreg til eit godt arbeidsmiljø
- etterspør rettleiing
- er lojal i forhald til avgjerdsler
Vi tilbyr
- Triveleg arbeidsmiljø.
- Tilbod om opplæring, internundervisning og rettleiing.
- Løn i samsvar med gjeldande overeinskomst.
Vitnemålsportalen
Vi oppfordrar alle søkjarar til å nytte Vitnemålsportalen for å laste opp vitnemål og karakterutskrifter.
Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemalsportalen.no. Har du har tatt utdanning i utlandet, må du leggje ved godkjenning frå UDIR/NOKUT i søknaden. Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.
Mangfaldserklæring
Helse Fonna ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Helse Fonna ønskjer å leggje til rette for inkluderande rekruttering.
Kontaktinformasjon
Espen Åkra Seberg, Funksjonsleiar, + 47 94434942
Arbeidsstad
Sjukehusvegen 26
5451 VALEN
Nøkkelinformasjon:
Arbeidsgivar: Helse Fonna HF
Referansenr.: 4857213074
Stillingsprosent: 100%
Vikariat
Startdato: 14.10.2024
Sluttdato: 31.08.2025
Søknadsfrist: 29.09.2024
DIVERSE INFO
| Arbeidsgiver | Sikkerhet og rehabilitering post, Valen sjukehus orgnr: |
|---|---|
| Kort om arbeidsgiver |
Helse Fonna har rundt 4200 medarbeidarar som jobbar for å gi best mogleg behandling og pleie til pasientane. Vår oppgåve er å gi spesialiserte helsetenester til dei over 180 000 innbyggarane i Sunnhordland, Indre Hardanger og Nord-Rogaland. Helse Fonna er eit lokalt helseføretak eigd av Helse Vest RHF. Vi har tre somatiske sjukehus i Haugesund, Stord og Odda, eit psykiatrisk sjukehus på Valen i Kvinnherad, fire distriktspsykiatriske senter (Stord, Karmøy, Haugesund og Folgefonn) og ti ambulansestasjonar.
For å bli betre kjend med oss, kan du sjå www.helse-fonna.no. Følg oss også gjerne på Facebook.
|
| Webside | |
| Bransje | Helse og sosial |
| Yrke | Sykepleier |
| Sted | VALEN (Adresse: Sjukehusvegen 26 Postnr: 5451) |
| Stillingstype | Vikariat Heltid Antall stillinger: 1 |
| Sektor | Offentlig |
| Krav | Unknown |
| Tiltredelse | 14-10-2024 |
| Søknadsfrist | 29-09-2024 |
