Vi søkjer avdelingsleiar – INFRASTRUKTUR OG VEG
Salg og service Personlig tjenesteyting(2 uker siden)
Stillingsbeskrivelse
Published 06-04-2025
Deadline: 27-04-2025
Vi søkjer avdelingsleiar
Avdeling infrastruktur og veg i Vestland fylkeskommune arbeider for trygge kvardagsvegar. Vi skal planlegge og bygge vegane våre slik at dei er sikre og tilpassa framtida. Kvardagsvegane er viktige vegar som bind menneske og lokalsamfunn saman.
Vi er ein stor byggherre innan samferdsle og har mange spennande investerings- og vedlikehaldsprosjekt i åra som kjem.
Vi er organisert i fire ulike avdelingar og til ei nyoppretta avdeling for våre vegfag søkjer vi etter ein tydeleg og utviklingsorientert leiar som skaper engasjement og set retning.
Arbeidsoppgåver
Den nye avdelinga er ei av totalt fire avdelingar som rapporterar til direktør for infrastruktur og veg. Avdelinga er nyoppretta etter ei omorganisering, og omfattar ansvar for fagområda planlegging, prosjektering, grunnerverv og geologi/skred fordelt på fire seksjonar. Avdelinga leverer tenester til, og samarbeider tett med, dei andre avdelingane i organisasjonen.
Om stillinga
Som avdelingsleiar vil du ha ansvar for:
- om lag 90 medarbeidarar, med kompetanse innan planleggingsleiing, vegplanlegging, prosjekteringsleiing, konstruksjonar, grunnerverv, geologi, geoteknikk mm.
- leiing og utvikling av eigen leiargruppe
- at leveransar held avtalt kvalitet, framdrift og kostnad.
- ressursdisponering internt, samt kjøp av eksterne tenester ved behov.
- framtidsretta utvikling innan fagområda.
- å bidra til eit godt samarbeid både internt og eksternt
Hjå oss kan du vente
Du blir ein del av leiargruppa i avdeling for infrastruktur og veg. Vi kan gje deg ein variert og meiningsfull arbeidskvardag med mykje ansvar. Vi er ein organisasjon med store moglegheiter for påverknad og utvikling.
Kvalifikasjonskrav
Du har relevant utdanning frå universitet eller høgskule og du har erfaring frå leiing. Dersom du har leiarerfaring frå eit eller fleire av dei aktuelle fagområde ved avdelinga, vil det vere ein fordel.
- Du er engasjert og kommuniserer tydeleg
- Du er dyktig til å bygge og vedlikehalde relasjonar og tillit, både internt og eksternt
- Du er tydeleg og står støtt i dine avgjersler
- Du evner å etterleve verdiane våre; kompetent, open og modig
- Du har gode formidlingsevner, både munnleg og skriftleg
Avdelinga har tilsette på fleire kontorstader i fylket og du må rekne med ein del reiseverksemd. Det vil difor vere eit føremon at du har førarkort.
Vi tilbyr
- Ei utfordrande stilling i ein flott organisasjon der du kan vera med å setta preg på utviklinga i Vestland fylke
- Gode moglegheiter for fagleg utvikling
- Tillitsbasert leiing
- Gode pensjons- og forsikringsordningar
- Kontorstad anten i Bergen eller Leikanger i nye, moderne bygg
- Løn etter avtale
Kontaktinformasjon
Gunhild Vangsnes, Avdelingsleiar utbygging, 95088609
Dina Johanne Lefdal, direktør, 95700813
Arbeidsstad
5008 Bergen
Nøkkelinformasjon:
Arbeidsgivar: Vestland fylkeskommune
Referansenr.: 4947797330
Stillingsprosent: 100%
Fast
Søknadsfrist: 27.04.2025
DIVERSE INFO
| Arbeidsgiver | INFRASTRUKTUR OG VEG orgnr: 923723048 |
|---|---|
| Kort om arbeidsgiver |
Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg. Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland. Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista blir offentleggjort. Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk. |
| Webside | www.vestlandfylke.no |
| Bransje | Salg og service |
| Yrke | Personlig tjenesteyting |
| Sted | LEIKANGER (Adresse: Askedalen 2 Postnr: 6863) |
| Stillingstype | Fast Heltid Antall stillinger: 1 |
| Sektor | Offentlig |
| Krav | Høyere utdanning |
| Tiltredelse | Unknown |
| Søknadsfrist | 27-04-2025 |
