Ungdomsarbeidar 20 % – Øygarden kyrkjelege fellesråd
Kultur og kreative yrker Religiost arbeid(2 uker siden)
Stillingsbeskrivelse
Published 22-04-2025
Deadline: 18-05-2025
Ungdomsarbeidar 20 %
Øygarden kyrkjelege fellesråd søkjer ungdomsarbeidar som saman med gode medarbeidarar vil jobbe for å dele tru, håp og kjærleik til barn, ungdom og familiar i Øygarden. Stillinga vil vere knytt til Fjell sokn.
«Ei kyrkje for alle». Slik lyder Fjell sokn sin visjon. I vårt arbeid og møte med menneske skal vi kvile i og strekkje oss etter denne visjonen. Takksemd, det å vere tenande og frimodige i arbeidet er sentrale verdiar hos oss.
Ønskjer du å formidle tru, håp og kjærleik til ungdom gjennom undervisning, aktivitet, fellesskap og relasjonsbygging? Då vil vi gjerne ha deg med på laget!
Arbeidsoppgåver
- Konfirmantundervisning i team med sokneprest og kyrkjelydsarbeidar, vere med i planlegging og gjennomføring av ulike konfirmantarrangement, som konfirmantleir, fasteaksjonen og nokre gudstenester
- Vere leiar for ei KRIK-gruppe
- Vere leiar for tweensklubb og tweensarbeid i Fjell sokn, i team med kyrkjelydspedagog og frivillige medarbeidarar
- Samarbeide i team om utvikling av ungdomsarbeidet i soknet
Kvalifikasjonar
- Erfaring frå arbeid med unge i og utanfor kyrkja og/eller formidling i møte med unge er ein fordel
- Pedagogisk utdanning og/eller utdanning innan teologi/kristendomskunnskap er ønskjeleg
- Du må vere medlem av Den norske kyrkja.
- Den som blir tilsett må leggje fram politiattest utan merknad, jf. Lov om trus- og livssynssamfunn, kapittel 4, §20
Personlege eigenskapar
- Evne til god kommunikasjon og formidling i møte med unge
- Evne til å byggje gode relasjonar
- Tydeleg etisk bevisstheit rundt det å vere rollemodell for barn og unge
- Gode samarbeidsevner
- Evne til å arbeide sjølvstendig
Vi tilbyr
- Utfordrande og meiningsfulle arbeidsoppgåver i eit stort og kreativt arbeidsfellesskap
- Arbeide med fagleg dyktige og engasjerte kollegaer og frivillige
- Løn og arbeidstilhøve følgjer tariffavtalar og avtaleverk for kyrkjeleg sektor
Anna
Vi legg vekt på søkarar sine personlege eigenskapar, og at kompetanse og eigenskapar hos dei tilsette i teamet utfyller kvarandre.
Kvelds- og helgearbeid må påreknast.
Øygarden kyrkjelege fellesråd ønskjer mangfald med omsyn til kjønn, alder, funksjonshemming, kulturell bakgrunn og/eller hol i CV-en, og oppfordrar alle som er kvalifiserte til å søkje stillinga.
Kontaktinformasjon
Rannveig Vestbøstad Vik, Seksjonsleiar barn og unge, 41507011
Mathilde Dale Løvfall, Personalleiar, 90272703
Arbeidssted
Kyrkjehaugen 2
5357 Fjell
Nøkkelinformasjon:
Arbeidsgiver: Øygarden kyrkjelege fellesråd
Referansenr.: 4958885434
Stillingsprosent: 20%
Fast
Søknadsfrist: 18.05.2025
DIVERSE INFO
| Arbeidsgiver | Øygarden kyrkjelege fellesråd orgnr: 977012147 |
|---|---|
| Kort om arbeidsgiver |
«Nær Gud, nær menneske.» Slik lyder kyrkja i Øygarden sin visjon. I alt vårt arbeid og i alle våre møte med menneske skal vi både kvile i, og strekkje oss etter denne visjonen. Øygarden kyrkjelege fellesråd er eit stort fellesråd, med om lag 40 000 innbyggarar og 28 600 medlemer. Fellesrådet har om lag 50 tilsette som er organisert i fagseksjonar. Dei tilsette er i tillegg delt inn i 5 tverrfaglege sokneteam som samarbeider med kvar av dei 5 sokneprestane og sokneråda i fellesrådsområdet. Fellesrådet yter administrativ og diakonal hjelp overfor 16 tilsette knytt opp mot ungdomsdiakonitiltaket Basecamp, som er eigd av kyrkja, kommunen og Sartor storsenter i fellesskap. Takknemlegheit, og det å vere tenande og frimodige i arbeidet er sentrale verdiar i Øygarden kyrkjelege fellesråd. Vi ønskjer medarbeidarar som vågar å reflekterer over om praksisen vår samsvarar med dei verdiane vi forkynner og ønskjer å etterleve. Besøk nettsida vår her og bli betre kjend med oss, eller kom innom for ein prat på vårt trivelege kyrkjekontor på Straume. |
| Webside | http://kyrkja.no/oygarden |
| Bransje | Kultur og kreative yrker |
| Yrke | Religiøst arbeid |
| Sted | FJELL (Adresse: Kyrkjehaugen 2 Postnr: 5357) |
| Stillingstype | Fast Deltid Antall stillinger: 1 |
| Sektor | Privat |
| Krav | Unknown |
| Tiltredelse | Unknown |
| Søknadsfrist | 18-05-2025 |
