Undervisningsstilling yrkessjåfør – SOG – SOGNDAL VGS, Vestland fylkeskommune
Utdanning Videregaende skole(1 uke siden)
Stillingsbeskrivelse
Published 30-03-2025
Deadline: 22-04-2025
Undervisningsstilling yrkessjåfør
Sogndal vidaregåande skule er ein stor skule i Vestland med omlag 750 elevar og 130 tilsette. Skulen har for tida 38 klasser fordelt på utdanningsprogramma bygg- og anleggsteknikk, elektrofag, idrettsfag, helse- og oppvekstfag, studiespesialisering, sal, service- og reiseliv, restaurant- og matfag og teknologi- og industrifag. Vi har også landslinje for yrkessjåførar, vaksenopplæring og ansvar for fengselsundervisning. Lokala våre er nye og moderne og vi held til på Fosshaugane Campus. Vi har godt arbeidsmiljø for dei tilsette og vi legg vekt på å ha gode læringsmiljø for elevane.
Meir informasjon om skulen får du på heimesida www.sogndal.vgs.no
Frå 01.08.25 har skulen ledig 100 prosent fast stilling som trafikklærar for tunge køyretøy innan programområdet teknologi og industrifag. Hovuddelen av undervisninga vil vere på vg3 nivå ved nitten vekers kurset for yrkessjåfør. Det kan også vere aktuelt å undervise i andre programfag innan teknologi- og industrifag og bygg og anleggsteknikk.
Arbeidsoppgåver
Undervisning og elevoppfølging innan vg3 yrkessjåførutdanning og/eller vg2 transport og logistikk
Planlegge, gjennomføre og evaluere undervisning
Delta og bidra i skulens pedagogiske utviklingsarbeid i samsvar med fagfornyinga
Kvalifikasjonar
Godkjenning som trafikklærar eller yrkesfaglærer for tunge køyretøy klasse CE og DE
Relevant arbeidspraksis frå fagområdet
Gode ferdigheiter i bruk av digitale verktøy
Førarbevis og/eller instruktørkompetanse innan truck og/eller lastebilkran er ynskjeleg
Trafikklærar for klasse B med minimum 3 års erfaring frå tungbil er også velkomne til å søke. Ved tilsetting kan det då bli gitt stipend for å ta seks månadar med vidareutdanning som trafikklærar klasse CE og DE.
Personlege eigenskapar
Du må vere positiv og like å jobbe med ungdom
Du må vere strukturert, samtidig som du kan jobbe i eit hektisk og nyskapande miljø
Du må vere sjølvstendig, samtidig som du er god på relasjonar og samarbeid
Utviklings og løysingsorientert
Romsleg, raus og fleksibel
Det vert lagt stor vekt på personlege eigenskapar ved tilsetjing
Vi tilbyr
Eit aktivt og stimulerande fagmiljø
– Nært samarbeid med kollegaer
– Ordna lønns- og arbeidsforhold
– Gode pensjonsvilkår i Statens pensjonskasse
– Fylkeskommunale tilsetjingsvilkår
Vi gjer merksam på at i følgje offentleglova § 25, 2. ledd kan opplysningar om søkjaren blir offentleggjort sjølv om du har oppmoda om å ikkje bli ført på den offentlege søkjarlista. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.
Nærare opplysningar om stillingane får du ved å kontakte assisterande rektor Henry Helle.
Kontaktinformasjon
Henry Arne Helle, ass. rektor, 90849591
Jorunn Felde, rektor , 95191964
Arbeidsstad
Lunnamyri 2
6856 Sogndal
Nøkkelinformasjon:
Arbeidsgivar: Vestland fylkeskommune
Referansenr.: 4947038246
Stillingsprosent: 100%
Fast
Søknadsfrist: 22.04.2025
DIVERSE INFO
| Arbeidsgiver | SOG – SOGNDAL VGS, Vestland fylkeskommune orgnr: 974571056 |
|---|---|
| Kort om arbeidsgiver |
Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg. Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland. Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista blir offentleggjort. Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk. |
| Webside | www.sogndal.vgs.no |
| Bransje | Utdanning |
| Yrke | Videregående skole |
| Sted | SOGNDAL (Adresse: Lunnamyri 2 Postnr: 6856) |
| Stillingstype | Fast Heltid Antall stillinger: 1 |
| Sektor | Offentlig |
| Krav | Unknown |
| Tiltredelse | Unknown |
| Søknadsfrist | 22-04-2025 |
