Stillingsbeskrivelse
Published 31-12-2024
Deadline: 31-05-2025
Tilkallingsvikar – Åmot skule
Åmot skule ligg sentralt i Åmot, i Vinje kommune. Me er ein 1-10 skule med om lag 160 elevar frå alle verdas hjørne. Me ynskjer oss vikarar som er tydelege, inkluderande og har ein autoritativ arbeidsstil, med hjarte for opgåvene. Ved vår skule vil du få høve til å utvikle deg både i klasserommet og i fagfellesskapet med andre pedagogar og fagarbeidarar.
Me søkjer etter engasjerte og dyktige tilkallingsvikarar, som vil jobbe hos oss i korte og lengre oppdrag skuleåret 2024-2025.
Dette er ei open utlysing og aktuelle kandidatar blir kalla inn til intervju. Oppstart etter avtale.
Arbeidsoppgåver
- Tilkallingsvikarar for kortare og lengre fråver
- Undervisning på 1.-10. trinn og vaksenopplæring
- Aktivt bidra til å byggje laget kring elevane
- Delta på relevante møte
- Delta på skulens utviklingsarbeid
- Assistent på SFO i skuletida og feriar
- Andre relevante oppgåver som td. inspeksjon
Kvalifikasjonar
- Høgare utdanning med undervisningskompetanse
- PPU
- Fagbrev barne- og ungdomsarbeidarfaget, helsefagarbeidar, andre sosialfaglege utdanningar er relevant
- Anna relevant kompetanse kan vere aktuell
- Erfaring frå grunnskule og VO er ein fordel
- Kunnskap om Fagfornyinga
- Interesse og kunnskap for pedagogisk bruk av IKT og aktiv bruk av læringsplattform
- Interesse og kunnskap om Gaming er eit ynskje
- Interesse for å bruke naturen som klasserom
- Utdanning frå utlandet krev NOKUT-godkjenning
- Gode ferdigheiter i norsk, både skriftleg og munnleg
Personlege eigenskapar
- Du har godt humør, er raus og trivast saman med elevar
- Du har eit positivt elev- og menneskesyn
- Du likar å vera aktiv deltakande i samhandling, aktivitetar og leik
- Du er tydeleg, strukturert og evnar å omstille deg på kort varsel
- Du er ein tydeleg og omsorgsfull klasseleiar
- Du har høge ambisjonar på vegne av elevane
- Du stiller presis og godt førebudd til skuledagen
- For lærarvikarar må du planleggje og gjennomføre undervisning
- Du er ein god formidlar og evnar å skape gode relasjonar
- Du likar å arbeide i team, delar kompetanse og bidreg til gode og trygge rammer kring elevane
- Du likar å lære nye oppgåver
- Personlege eigenskaper blir vektlagd
Me tilbyr
- Ein skule som er kjend for eit godt arbeidsmiljø, høg kompetasne og stort engasjement
- God forsikrings- og pensjonsordning
- Lunsj til hyggjeleg pris for tilsette
- Aktivitetskortordning med gåvekort, og mogelegheit for å vinne flotte premiar
I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta.
I samsvar med offentleglova § 25 kan namn på søkjarane offentleggjerast.
Tilsetting er betinga av godkjend politiattest.
Kontaktinformasjon
Renate Øien, Verksemdsleiar, +47 40452948
Arbeidsstad
Skulevegen 10
3890 Vinje
Nøkkelinformasjon:
Arbeidsgivar: Vinje kommune
Referansenr.: 4892987839
Søknadsfrist: 31.05.2025
DIVERSE INFO
| Arbeidsgiver | Åmot skule, Vinje kommune orgnr: |
|---|---|
| Kort om arbeidsgiver | Vinje kommune er den største kommunen i Telemark, med om lag 3800 innbyggjarar. Kommunen ligg ved foten av Hardangervidda nasjonalpark. Vinje har spelt ei viktig rolle i høve industrihistoria og er difor på UNESCO si verdsarvliste. Vinjeskulen er opptatt av samskaping og samarbeid på tvers av einingar.
Åmot skule er omkransa av vakker natur og spennande fjellområde. Skulen er sentral i bygda vår med flotte bygg, og idrettsanlegg vegg i vegg. Skulen vår er ein 1-10 skule med vaksenopplæring. Me har om lag 210 flotte og engasjerte elevar frå alle verdas hjørne. Med 40 dyktige tilsette på laget er me opptekne av å ha rom for alle og blikk for den eine. |
| Webside | https://www.vinje.kommune.no/ |
| Bransje | Utdanning |
| Yrke | Grunnskole |
| Sted | VINJE (Adresse: Skulevegen 10 Postnr: 3890) |
| Stillingstype | Vikariat Heltid Antall stillinger: 1 |
| Sektor | Offentlig |
| Krav | Unknown |
| Tiltredelse | Unknown |
| Søknadsfrist | 31-05-2025 |
