Teamleiar

Vi søkjer dyktige etterforskarar til ledige stillingar som politiførstebetjent ved Nordre Sunnmøre politistasjon i Ålesund politistasjonsdistrikt, og ved Ulsteinvik politistasjon. Ved eit eventuelt internt opprykk kan det bli ledig stilling som etterforskar, politibetjent 3/2/1.

Formålet med stillinga er at du skal vere med på å sikre stabilitet og kvalitet i etterforskingsarbeidet i driftseininga. Du må rekne med å delta innan heile ansvarsfeltet som den geografiske driftseininga har i straffesaksbehandlinga. Du vil primært ha saksansvar i eiga saksportefølje, i tillegg til å vere ressursperson
(senioretterforskar) for andre etterforskarar ved seksjonen.

Det ligg også til stillinga å bli utpeikt til politifagleg etterforskingsleiar i dei sakene der det er behov for det.

Driftseining Sunnmøre omfattar Ålesund politistasjonsdistrikt, Ulstein og Hareid politistasjonsdistrikt, Indre Sunnmøre politistasjonsdistrikt og Søre Sunnmøre politistasjonsdistrikt. Det er ledig

• Ei stilling som teamleiar ved Nordre Sunnmøre politistasjon, Vatne
• Ei stilling som teamleiar ved Ulsteinvik politistasjon

Etterforskingsmiljøet i driftseininga er prega av å vere eit ungt etterforskarmiljø. Vi ønsker å bygge vidare på læring og utvikling i miljøet, og dette skal forsterkast vidare. Arbeidsdagen er prega av høgt tempo og stort arbeidspress.

Du må pårekne med arbeid innan krimvakttjeneste i helg, for tida kvar 6. kvar veke.

Arbeidsoppgåver

Teamleiar:

• Etterforske og gjennomføre taktisk etterforsking i eigne saker, herunder avhøyr mm.
• Utøve politifagleg etterforskingsleiing og ha fagleg ansvar for etterforsking i tildelte straffesaker
• Kvalitetssikring i straffesaksbehandlinga
• Rettleiing/opplæring av studentar og øvrige etterforskarar ved seksjonen
• Delta i operative aksjonar i regi av team/seksjon, eller som bistand til andre einingar
• I samarbeid med påtalejurist prioritere, utføre og følgje opp etterforskingsskritt
• Støtte politipatruljane sin straksetterforsking og politiarbeid på staden
• Bidra til å bygge kompetanse innan etterforskingsfaget i politidistriktet
• Vere pådrivar og støttespelar i utviklinga av eit godt medarbeidarskap, ønskt kultur og medarbeidartilfredsheit i organisasjonen
• Andre oppgåver kan påleggast av leiar

Etterforskar pb3/2/1 ved evt. opprykk:

• Etterforskingsoppgåver
• Kriminalitetsførebyggande arbeid
• Krimvakt/publikumsmottak
• Samarbeid i grupper ved etterforsking av større saker
• Utføre etterforsking med politiarbeid på staden (PPS) som arbeidsmetode
• Andre oppgåver som høyrer til den daglege tenesta ved eininga
• Bidra med rettleiing og ved opplæring/kompetansehevande tiltak ved eininga
• Støtteliste ved vakt og beredskap kvar fjerde helg
• Kan påleggast andre oppgåver

Kvalifikasjonar

Teamleiar

Nødvendig:

• Fullført og bestått politi(høg)skule.
• Brei kompetanse og erfaring knytt til etterforsking
• Særs god kjennskap til lovverket innanfor etterforsking
• Erfaring med prosjekt- og teamarbeid
• God munnleg og skriftleg formidlingsevne på norsk
• Gode kunnskapar i bruk av datasystemet til politiet

Ønskeleg:

• Vidareutdanning innan etterforsking
• Tilleggsutdanning innan eitt eller fleire fagområde innanfor etterforsking
• Relevant leiarerfaring er ein fordel
• Erfaring frå etterforskingsleiing i sak og på portefølje
• Kjennskap og forståing av planleggings- og styringssystema til politiet
• Kunne vise til god resultatoppnåing i tidlegare stillingar

Etterforskar politibetjent 3/2/1:

Nødvendig:

• Fullført og bestått Politi(høg)skule. Vitnemål skal leggast ved. Karakterskjema skal fyllast ut og leggast ved søknaden, sjå https://www.politiet.no/sok/?SearchText=karakterskjema 
• God skriftleg og munnleg formidlings- og kommunikasjonsevne
• Operativ godkjenning kategori 4 eller vere kvalifisert for og villig til å bli IP4-godkjent

Ønskeleg:

• Relevant erfaring frå politistilling
• Erfaring frå etterforsking
• Gode resultat frå utdanning ved Politi(høg)skulen
• Etter/-vidareutdanning innan etterforsking
• Anna relevant tilleggsutdanning/kurs/erfaring

For stillingane må ein ha plettfri vandel og vere skikka for tjeneste i politiet. Politiattest (uttømmande og utvida) må innhentast ved eventuell tilsetting, jf. politiloven § 18 og politiregisterloven § 41. Ved søknad på stillinga må du pårekne at det blir henta inn opplysingar frå enkelte av politiet sine register og system til bruk i vandels- og skikkaheitsvurderinga.

Personlege eigenskapar

Teamleiar

• Du har god evne til å samarbeide internt og eksternt, samt evner å motivere og utvikle medarbeidarar.
• Du er heilskapsorientert, og kan sette retning, drive endring, og skape resultat i samhandling med andre.
• Du er villig til å utvikle deg og lære deg nye fagområde.
• Du har god gjennomføringsevne, og kan jobbe sjølvstendig med god struktur og
  framdrift.
• Du har gode kommunikasjonsevner og er dyktig i relasjonsbygging.
• Du tar ansvar, er kreativ og løsningsorientert, og du er flink til å sjå moglegheiter innanfor tildelte rammer.

Etterforskar politibetjent 3/2/1:

• Motivasjon og interesse for etterforskingsfaget
• Gode samarbeidsevner
• Strukturert og ansvarsbevisst i arbeidet ditt

Som medarbeidar i politiet har du høg etisk bevisstheit, du kjenneteiknast av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og om medarbeidarplattformen her: https://www.politiet.no/om-politiet/jobb-i-politiet/medarbeiderplattform/

Vi tilbyr

• Ei utfordrande og spennande stilling for deg som vil vere med og forme politiet for framtida
• Stillinga blir lønna som politiførstebetjent, stillingskode 0285/1455, i Møre og Romsdal politidistrikt med brutto årslønn frå kr. 584 500,- til kr. 679 700,-
• Ved ledig stilling som politibetjent 3/2/1 (SKO 1461/1459/1457) er tilsetting avhengig av erfaring og kompetanse, jf. Kompetansekriteriene for politibetjenter.
  Politibetjent 3 – brutto årslønn frå kr. 575 400 – kr. 667 700
  Politibetjent 2 – brutto årslønn frå kr. 509 300 – kr. 565 900
  Politibetjent 1 – brutto årslønn frå kr. 487 700 – kr. 532 200
• Godtgjersle etter gjeldande ATB og tillegg for eventuell turnusteneste
• For særskilt kvalifiserte kan høgare lønn vurderast 
• Medlemskap i Statens pensjonskasse (SPK) med gode pensjons- og forsikringsordningar. Sjå www.spk.no for meir informasjon
• Moglegheit for trening i arbeidstida
• Møre og Romsdal politidistrikt er ei IA-bedrift og knytt til bedriftshelseteneste

Tilsetting skjer på vilkår fastsett i statsansatteloven og personalreglementet for politi- og lensmannsetaten, derunder at prøvetida er seks månadar.

Kontaktinformasjon

Renate Grande, Politistasjonssjef, Nordre Sunnmøre, 70118829
Hilde Sæter, Politistasjonssjef, Ulsteinvik, 92261533

Arbeidsstad

Vatnevegen 9
6265 Vatne

Nøkkelinformasjon:

Arbeidsgivar: Møre og Romsdal politidistrikt

Referansenr.: 4890181164
Stillingsprosent: 100%
Fast stilling
Søknadsfrist: 29.12.2024

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/bd1d37a0-7578-4f58-b198-f6ed1ba84ecc
IMPORTAPI