Studieadministrasjonskonsulenter – Institutt for filosofi, idé- og kunsthistorie og klassiske språk

Om stillinga

Institutt for filosofi, idé- og kunsthistorie og klassiske språk søker to engasjerte og dyktige medarbeidarar til faste 100 % stillingar som førstekonsulent/seniorkonsulent (SKO1408/SKO1363) innan studieadministrasjon. Dette er ei unik moglegheit for deg som vil kombinere dagleg drift med spennande utviklingsarbeid innan studieområdet. Stillingane er del av eit stort og tverrfagleg team på eit institutt med internasjonal profil, nyskapande forsking og framragande undervisning. Dei to stillingane vi søker medarbeidarar til er:

1.Eksamenskonsulent/internasjonal koordinator: Du vil ha ansvaret for å administrere eksamensavviklinga for fleire av instituttet sine fag, i tillegg til å utvikle og saksbehandle studentutveksling for IFIKK sine studentar. Dette er ei stilling der du får moglegheit til å jobbe både med eksamen og internasjonalisering, i samspel med både studentar og fagmiljø.

2. Studiekonsulent/Førsteårssatsinga: Du vil ha hovudansvaret for undervisningsplanlegginga ved Examen philosophicum, samtidig som du blir ein del av prosjektleiinga for Førsteårssatsinga – eit nyskapande prosjekt som er ein del av ei større satsing ved Det humanistiske fakultetet. Les meir om satsinga her: Fakultetets strategiske satsinger er godt i gang! – Det humanistiske fakultet (uio.no)

Om instituttet

På instituttet er det i alt 11 tilsette som arbeider med studieadministrasjon, inkludert studieleiar. I studieadministrasjonen arbeider vi både sjølvstendig og tett saman. Vi er eit godt koordinert team, som stiller opp for kvarandre og har eit godt og raust arbeidsmiljø. Profesjonalitet, og det å utvise godt skjønn når ein driv med saksbehandling, er viktig for oss.

For å lykkast i jobben, må du vere sjølvstendig, ha solid digital kompetanse, og kunne kommunisere godt. God rolleforståing er viktig for å samhandle effektivt med både studentar og tilsette. Begge stillingane har travle periodar, så du må kunne handtere stress, planlegge godt framover og overhalde fristar. I tillegg krev oppgåvene i begge rollene høg grad av nøyaktigheit og struktur.

For nærmare informasjon om instituttet sjå nettsida: Forside – Institutt for filosofi, ide- og kunsthistorie og klassiske språk (uio.no)

Arbeidsoppgåver

Det er lyst ut to stillingar.

Desse arbeidsoppgåvene er felles for begge stillingane:

• Saksbehandling av studentsaker
• Svare på spørsmål fra studentar
• Administrativ støtte til vitskapeleg tilsette og leiinga ved instituttet

Spesifikt for eksamenskonsulent/internasjonal koordinator:

• Planlegging og gjennomføring av eksamen innan fleire fag
• Organisering og utviklingsarbeid innan internasjonalisering

Spesifikt for studiekonsulent/Førsteårssatsinga:

• Undervisningsplanlegging ved Examen philosophicum
• Være del av prosjektleiinga for utviklingssatsinga kalla Førsteårssatsinga.

Det kan bli lagt andre studieadministrative oppgåver til stillingane.

Kvalifikasjonar

• Utdanning frå universitet eller høgskule (minimum tilsvarande bachelornivå).
• Erfaring frå studieadministrasjon i universitets- og høgskulesektoren. Relevant kompetanse frå Universitetet i Oslo vil bli tillagt vekt
• Gode kommunikasjonsevner
• Særs god skriftleg og munnleg framstillingsevne på norsk og engelsk
• Gode IT-kunnskapar

Vi legg stor vekt på motivasjon og at personen høver stillinga.

Vi ser etter deg som:

• er nøyaktig og systematisk
• er god til å disponere tid og evnar å følge opp fleire ulike oppgåver samtidig
• har gode samarbeidsevner, og som vil bidra til eit godt arbeidsmiljø for studentar, vitskapeleg tilsette og for administrasjonen ved instituttet.
• har evne til å arbeide målretta og strukturert, og som kan etablere og følge gode rutinar og system.
• er løysningsorientert og evnar å tenke nytt

Vi tilbyr

• lønn frå kr 502 300 til kr 540 500 per år, avhengig av kompetanse for stilling som førstekonsulent
• lønn frå kr 540 500 til kr 604 900 per år, avhengig av kompetanse for stilling som seniorkonsulent
• eit hyggeleg og stimulerande arbeidsmiljø
• god pensjonsordning i Statens Pensjonskasse
• stilling i ei IA-verksemd, gode velferdsordningar og høve til trening i arbeidstida
• varierte arbeidsoppgåver og gode moglegheiter for utvikling

Tiltredingsdato : Så snart som mogleg

Søknaden skal innehalde

• søknadsbrev
• CV
• Evt. vitnemål, attestar, liste med 2-3 referansar (namn, tilknyting til søkjar, e-postadresse og telefonnummer)

I søknaden må du å oppgi kva for ei av dei to stillingane du søker på, eller om du søker på begge.

Søknad (evt. med vedlegg) må sendast inn via rekrutteringssystemet vårt, Jobbnorge.

Andre opplysningar

Aktuelle søkjarar vil bli kalla inn til intervju.

I høve til offentleglova § 25, 2. ledd kan opplysningar om søkjaren bli offentleggjorde sjølv om søkjaren har bede om ikkje å bli oppført på søkjarlista.

UiO har eit personalpolitisk mål om å oppnå ei balansert kjønnssamansetjing og rekruttere personar med innvandrarbakgrunn. Eventuelt ved leiarstilling med mindre enn 40 % kvinnedel oppmodast kvinner særskild til å søkje.

Inkludering og mangfald er ein styrke. UiO har eit personalpolitisk mål om å oppnå ei balansert kjønnssamansetjing. Vidare ønskjer vi medarbeidarar med ulike kompetansar, fagkombinasjonar, livserfaring og perspektiv. Vi vil leggje til rette for medarbeidarar som har behov for det. 

Om det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.

Kontaktinformasjon

Studieleiar: Hanne Katrine Lindemann 
Administrativ leiar: Anne Cathrine Modahl

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/908a94e3-4fe4-4620-8abf-e5b47669117d
IMPORTAPI
https://www.jobbnorge.no/ledige-stillinger/stilling/268848