Kan du tenke deg å bidra til at barn og unge vert kjende med Jesus og får opplæring i den kristne trua? Masfjorden sokn lyser med dette ut ei fast stilling i 50% som trusopplærar frå 1.august 2025.

Hva vi ser etter

Kvalifikasjonar og eigenskapar

Du som søkjer må

• ha vilje og evne til samarbeid og formidling

• kunne arbeide strukturert og sjølvstendig

• ha evne til å arbeide med barn og unge

• være god i norsk både skriftleg og munnleg, (me nyttar nynorsk skriftleg)

• beherske data som arbeidsverktøy

• ha førarkort og disponere bil

• vere medlem av Den norske kyrkja

• ha relevant utdanning innan kristendom, trusopplæring, pedagogikk eller barne- og ungdsomsarbeid. Relevant erfaring frå kristent barne- og ungdomsarbeid kan kompensera for manglande formell kompetanse.

• Personlege eigenskapar vil verte vektlagt.

• Politiattest ikkje eldre enn tre månadar må leggast fram ved tilsetjing.

Arbeidsoppgaver

Til denne stillinga ligg for tida fylgjande oppgåver:

• Planlegging og gjennomføring av samlingar for barn og unge i alderen 0-13 år som t.d. småbarnstrall, dåpsskule, utdeling av kyrkjebøker, Tårnagenthelg og Lys Våken.

• Invitere frivillige til å bidra i arbeidet, og fylgje dei frivillige opp.

• Det kan også verta aktuelt med trusopplæringsarbeid for andre aldersgrupper.

Ein ynskjer at trusopplærar skal ha fridom til å utforme eit tilbod basert på eigne interesser og kvalifikasjonar. Men ein føreset at arbeidet skjer innan dei rammene som fellesrådet set, og at det innhaldsmessig skjer i samråd med sokneprest.

Det er også forventa at trusopplærar i einskilde samanhengar kan samarbeide med konfirmantmedarbeidar om gjennomføring av konkrete oppgåver, til dømes i samband med arrangement konfirmantarbeidar har ansvar for. I den grad omfanget av dette går ut over fastsett stillingsprosent, vert arbeidet godtgjort time for time med same løn som for øvrig arbeid.

Vi tilbyr

• Ei interessant og utfordrande stilling

• Godt arbeidsmiljø med engasjerte og kompetente kollegaer

• Løn etter tariff (KA)

• Medlemskap i KLP