I Sogn og Fjordane Energi (SFE) jobbar vi kvar dag med å lage straum ut i frå naturkreftene våre – og utvikle nye fornybarprosjekt på lag med naturen – det er samfunnsoppgåva vår! Våre over 100 engasjerte medarbeidarar jobbar innan ulike fagmiljø som elektro-, bygg- og maskinfag, IKT, energi, miljø, automasjon, krafthandel, marknad, sal, HR, økonomi, finans og kommunikasjon med meir.

«Vi skaper den fornybare framtida» er SFE sin visjon, og denne er felles for konsernet og selskapa i konsernet. Denne fortel mykje om vår verksemd, vår rolle i samfunnet og vår verdiskaping for fellesskapet. SFE er ein stor aktør i den norske kraftindustrien, med omfattande produksjon av fornybar energi.

Det er eit godt og raust arbeidsmiljø i SFE-konsernet. Tilsette skal kome heim like heil kvar dag – både inni og utanpå. Vi har stor merksemd på det psykososiale arbeidsmiljøet, og tilsette har eit sterkt engasjement og eigarskap til verksemda.