Seksjonsleiar

Finanstilsynet søker ein ny seksjonsleiar til seksjon for forsikringsføretak og pensjonskassar. Seksjonen består av 16 medarbeidarar, som er aktuarar og økonomar. Seksjonsleiaren rapporterar til avdelingsdirektøren for bank- og forsikringstilsyn og er medlem av leiargruppa i avdelinga.

Seksjonen har det operative tilsynsansvaret for forsikringsføretak og pensjonskassar og ansvaret for å forvalte soliditetsregelverket som gjeld for desse. Eit viktig formål med tilsynet er å sjå til at føretaka har god styring og kontroll, er solide og elles følger lovene og forskriftene som gjeld for verksemda. Seksjonen deltek i det internasjonale arbeidet til Finanstilsynet på området, som òg inneber å delta i komitear og arbeidsgrupper i EU/EØS, i den europeiske tilsynsmyndigheita for forsikring og tenestepensjon (EIOPA) og i den internasjonale organisasjonen for forsikringstilsyn (IAIS).  

Seksjonsleiaren har ei viktig rolle i å planlegge, følge opp og kvalitetssikre arbeidet til seksjonen og sjå til at dei har effektive arbeidsprosessar. Vidare har seksjonsleiaren ei viktig rolle i å koordinere internt og mot andre seksjonar. Vi legg vekt på å ha eit godt arbeids- og læringsmiljø.

Arbeidsoppgåvene er varierte og inneber utstrakt kontakt og samarbeid med bransjeforeningar, marknadsaktørar, andre offentlege etatar og tilsynsmyndigheiter i andre land. Anna internasjonalt samarbeid skjer i regi av EØS, men òg på globalt og nordisk nivå. 

Arbeidsoppgåver

Stillinga inneber betydelege leiingsoppgåver, både operativt og strategisk, der samfunnsomsynet og Finanstilsynet sitt hovudmål står sentralt. Seksjonsleiaren skal leie og inspirere medarbeidarane sine i ein variert arbeidskvardag, der det er store krav til fagleg kvalitet og effektivitet i gjennomføringa. Stillinga er fagleg utfordrande og omfattar eit breitt spekter av problemstillingar innan forsikrings- og pensjonsområdet.

Kvalifikasjonar

• høgare utdanning på masternivå med gode resultat
• erfaring frå offentleg verksemd er ein fordel
• relevant erfaring frå arbeid innanfor forsikring og pensjon
• solid kunnskap om finansmarknadene generelt og forsikringsområdet spesielt
• god munnleg og skriftleg framstillingsevne, på norsk og engelsk
• leiarerfaring er ein fordel, men personlege eigenskapar vil bli tillagd stor vekt

Personlege eigenskapar

• tydeleg, engasjert og motiverande
• evne til å ta initiativ, involvere og samarbeide
• takle tidspress og ha gjennomføringsevne
• analytisk, strukturert og systematisk
• positiv og løysingsorientert

Vi legg vekt på at du er personleg eigna og er motivert for stillinga.

Vi tilbyr

• interessante og utfordrande arbeidsoppgåver i eit godt arbeidsmiljø
• gode moglegheiter for utvikling på ein arbeidsplass med høg fagkompetanse
• gode velferdsordningar og ein generelt fleksibel personalpolitikk
• medlemskap og moglegheit for lån i Statens pensjonskasse
• fleksibel arbeidstid og betalt overtid
• gode treningsfasilitetar og moglegheit for å trene i arbeidstida
• tiltreding og lønn etter avtale

Anna

• Etter at søknadsfristen er gått ut, utarbeider vi ei offentleg søkarliste, jf. offentleglova § 25.
• For å bli vurdert for stillinga må du legge ved vitnemål og relevante attestar.
• Du kan skrive søknaden på nynorsk eller bokmål.
• Vi utfører bakgrunnssjekk av personen som blir tilsett i stillinga.
• Alle tilsette i Finanstilsynet må følge dei etiske retningslinjene våre, sjå: https://www.finanstilsynet.no/jobb-hos-oss/#Etiskeretningslinjer
• Finanstilsynet er oppteken av mangfald, og vi oppfordrar derfor alle kvalifiserte kandidatar til å søke jobb hos oss, uansett alder, kjønn, funksjonsevne, etnisk bakgrunn eller hol i CV-en. Dersom det er mogleg, vil vi legge til rette for medarbeidarar som har behov for det. For positiv særbehandling, sjå: http://arbeidsgiver.difi.no/positivsærbehandling
• Les meir om Finanstilsynet på nettstaden vår – www.finanstilsynet.no 

Kontaktinformasjon

Anders Sanderlien Hole, Avdelingsdirektør, 22 93 97 49

Arbeidssted

Revierstredet 3
0151 OSLO

Nøkkelinformasjon:

Arbeidsgiver: Finanstilsynet

Referansenr.: 4874591109
Stillingsprosent: 100%
Fast
Søknadsfrist: 05.11.2024

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/9ec10eff-1e65-4d1f-8435-f94116a63127
IMPORTAPI