Vurdering og koordineringsavdelinga (VOK) søkjer sakshandsamar i 100 % stilling. VOK held til på Rådhuset i Rosendal. Avdelinga har ansvar for vurdering, tildeling/avslag av helse- og omsorgstenester i Kvinnherad kommune. VOK, saman med koordinerande eining for habilitering og rehabilitering samhandlar med ulike råd- og støttefunksjonar.  

Vi ynskjer å byggje eit tverrfagleg team av sakshandsamarar som kan bidra til tenesteutvikling og ivareta god og forsvarleg tenesteforvaltning i tråd med kommunen sine målsetjingar.  

Arbeidsoppgåver 

• Handsame søknader om:

           – kommunale helse- og omsorgstenester (institusjonsopphald) 

           – kommunal bustad, omsorgsbustad og bufellesskap  

           – heimeteneste 

           – psykiatrisk heimeteneste 

           – velferdsteknologi  

• I samarbeid med tenesteområda følgje opp, evaluere og evt. endre tenestevedtak 

• Behandle klagesaker 

• Som ledd i saksutgreiing kartlegge hjelpebehov og ressursar, vurdere om søkjar har rett til teneste, vurdere utforming og utmåling av teneste  

• Utforme enkeltvedtak 

• Gje informasjon og vegleiing til brukar, pårørande og andre 

• Koordinere ved utskriving frå sjukehus 

• Bidra til gode overgangar mellom tenestenivå 

• Andre oppgåver ut frå behov og etter kvalifikasjonar 

Oppgåvene krev utstrekt samarbeid og samhandling med pasient/brukar, pårørande, spesialisthelsetenesta, tenesteytande einingar og andre.  

Kvalifikasjonar 

• Minimum 3- årleg høgskule utdanning innan helsefag (eller juridisk kompetanse) 

• Kompetanse innan helserett og forvaltningsrett 

• Erfaring frå offentleg forvaltning og sakshandsaming   

• Kompetanse innan helsefremjande og førebyggjande arbeid, velferdsteknologi, arbeid med psykisk utviklingshemma, demens etc.  

• Det er ynskjeleg med kjennskap til kommunen sitt tenesteapparat og samarbeidspartar 

• Gode IT kunnskapar.  

• God munnleg og skriftleg framstillingsevne 

• Førarkort kl B 

Personlege eigenskapar

• Du er positiv, motivert og engasjert 

• Du er ansvarsbevisst og sjølvstendig, men og god på samhandling 

• Du har evne til å planlegge, strukturere, prioritere og koordinere 

• Du meistrar å står i utfordringar og forventningar 

Vi tilbyr 

• Spennande arbeidsoppgåver  i tverrfagleg arbeidsmiljø 

• Pensjonsordning, ulykkes- og gruppelivsforsikring gjennom KLP 

• Fleksitid 

• Dekning av flytteutgifter etter nærare reglar 

Tilsetjing skjer etter gjeldande vilkår for kommunale arbeidstakarar i samsvar med HTA og AML.