Stillingsbeskrivelse
Published 01-10-2024
Deadline: 20-10-2024
Sakshandsamar
Om stillinga
Vil du bidra i utvikling av vår interkommunale barnevernteneste? Osterøy kommune er vertskommune for Vaksdal og Modalen barnevernsteneste. Saman skal vi i Sørfjorden barnevernsteneste skape gode tenester og bidra til at barn og unge får den hjelpa dei treng. Vil du vere ein del av dette viktige samfunnsoppdraget kan du vere personen vi søkjer!
Sørfjorden barnevernsteneste har ledig stilling som sakshandsamar i 100 %. Stillinga er ledig frå snarast.
I dag har me 12 tilsette, og er organisert i Familiens hus. Her finn du og tenestene PPT, Barn- og familieteamet og Osterøy helsestasjon.
Familiens hus er organisert i sektor for Oppvekst, undervisning og kultur. Vår barnevernteneste har fokus på tidleg innsats, og ønskjer difor i tillegg å fylgje opp einskildsaker og bidra på systemnivå i høve satsing på førebyggjande arbeid for alle barn i tråd med ny barnevernlov/oppveksteform. Familiens hus er lokalisert i nye, fine lokale i Lonevåg sentrum. Tenesta disponerar også kontorlokaler i Vaksdal kommune.
Arbeidsoppgåver
- Sakshandsaming etter Lov om barnevern og anna relevant lovverk
- Kartleggje og undersøke barnet sitt behov
- Samarbeide med barn, ungdom og deira familiar
- Koordinere og samarbeide med kollegaer, familiar og andre instansar
- Følgje opp barn og unge med tiltak
- Møte i barnevern- og helsenemnd og andre rettsinstansar som representant for kommunen
Vi tilbyr
- God rettleiing og tett oppfølging
- Ein spanande jobb i ein kommune med heilskapleg satsing på barn/ungdom og deira familiar
- Tverrfagleg samarbeid
- Eit høgt fagleg nivå med fokus på fagleg utvikling og kompetanseheving
- Løn etter gjeldande avtaleverk
- Fleksibel arbeidstidsordning
- Gode pensjons- og forsikringsordningar
- Hektisk miljø med gode kollegaer
Kvalifikasjonskrav
- Krav om bachelor eller masterutdanning i barnevern eller sosialt arbeid, eller anna relevant fagområdet.
- Relevant arbeidserfaring vert vektlagt.
- God skriftleg og munnleg framstillingsevne, hovudmålet til kommunen er nynorsk
-
Krav om førarkort klasse B Godkjend politiattest
Vi ønskjer tilsette som:
- Er stabile og har eit fagleg engasjement med barn sitt beste i fokus
- Visar rausheit og respekt i møte med barn og familiar
- Du må vere god på relasjonsbygging og samarbeid med barn og deira familiar
- Du meistrar stress og har tryggleik til å stå i krevjande situasjonar
- Du har evne til å arbeide sjølvstendig, målretta og i team
- Du er strukturert, løysingsorientert og har gode kommunikasjon- og samarbeidsevner
- Du har ei positiv haldning sjølv i ein hektisk kvardag, og du beherskar eit høgt arbeidstempo og tidvis stor arbeidsmengde
- Du har endring- og fleksibilitetsvilje Du må opptrå i samsvar med Osterøy kommune sitt verdigrunnlag
- Personleg eignaheit vert vektlagt til stillinga
Anna:
Kopi av vitnemål og attester tar du med deg dersom du skal møte til intervju. Oppmøtestad vil være på Osterøy, men ein må pårekne arbeid i Vaksdal og Modalen.
Offentleg tenestepensjon
I denne stillinga har du rett på ei av Noregs sikraste pensjonsordningar: offentleg tenestepensjon. Der dei fleste tenestepensjonar berre utbetalast i 10 år, er offentleg tenestepensjon ei utbetaling som varar frå den dagen du sluttar å arbeide – og livet ut!
Pensjonen inkludera og uføre- og etterlattepensjon dersom noko uventa skulle skje. Med pensjonsrett i KLP får du og medlemspris og gunstige betingelsar på ei rekke bank, forsikring og spareproduktar!
Sjå vår Pensjonsguide for meir informasjon om kva for godar du som tilsett i Osterøy kommune får med deg!
DIVERSE INFO
| Arbeidsgiver | Osterøy kommune orgnr: 975319008 |
|---|---|
| Kort om arbeidsgiver |
Osterøy kommune – Nær byen, nær naturen. Osterøy, ei av Nord-Europas største innlandsøyer, eit levande lokalsamfunn med allsidig næringsliv, godt utbygd servicetilbod og vakkert landskap. Folketalet er på om lag 8 000 innbyggjarar og det er både bru- og ferjesamband til nabokommunen Bergen. Frå Lonevåg sentrum, kommunesenteret vårt, tar køyreturen til Bergen om lag 45 minutt, til Åsane tar det om lag 30 minutt og til Arna kjem du på om lag 20 minutt. I tillegg til Lonevåg har ein og Valestrand, Haus, Fotlandsvåg og Bruvik som større bygder/tettstadar. Osterøy har ein allsidig og livskraftig småindustri innan mekanisk, møbel, tekstil og næringsmiddelindustri. Fiskeoppdrett/-foredling er og ei viktig næring. Landbruk sysselset om lag 300 personar og tømraryrket står framleis høgt i kurs her på Osterøy. I Osterøy skal det vere godt å bu både for unge og eldre. Kommunen har eit rikt kulturliv, ulike idrettsaktivitetar, godt utbygd skule- og barnehagetilbod og gode helse- og sosiale tenester. Bli med på laget i Osterøy kommune! Me ønskjer oss stadig fleire kompetente og engasjerte medarbeidarar. Me ser fram til å ta godt i mot deg og gje deg ein meiningsfull arbeidskvardag. |
| Webside | https://www.osteroy.kommune.no/ |
| Bransje | Kontor og økonomi |
| Yrke | Økonomi, statistikk og regnskap |
| Sted | LONEVÅG (Adresse: Geitaryggen 8 Postnr: 5282) |
| Stillingstype | Fast Heltid Antall stillinger: 1 |
| Sektor | Offentlig |
| Krav | Unknown |
| Tiltredelse | Unknown |
| Søknadsfrist | 20-10-2024 |
