Rektor  

ER DU DEN NYE REKTOREN VED KVAM VAKSENOPPLÆRING?

Me treng ein raus, tydeleg og engasjert rektor som kan leia Kvam Vaksenopplæring frå 1. august 2025! 
Kvam Vaksenopplæring er sentralt plassert i Norheimsund i Hardanger og skal komande skuleår flytta inn i lokaler i nye Kvam vidaregåande skule. 

Viktige fokusområde for skulen: 

• Modulstruktuert  opplæring (FOV)
• Arbeidsretta norskopplæring 
• Intensiv startopplæring
• Implementering av ny opplæringslov
• BTI /Betre Tverrfagleg Innsats
• HMS for tilsette

Variasjon i undervisning og arbeidsmåtar, gode relasjonar og inkluderande klasseleiing er viktig i Kvammaskulen.

Arbeidsoppgåver

Rektor har ansvar for den totale drifta av skulen: pedagogisk, administrativt og økonomisk. Rektor har inneverande år 100% leiingsressurs og åtte årsverk til undervisning. Dei tilsette har høg fagleg kompetanse og god samarbeidskultur. Det er om lag 90 elevar ved skulen, men elevtalet varierer ein del gjennom året, og kan variera frå år til år. 
Rektor arbeider tett med skuleeigar og rektorkollegiet i grunnskulen i Kvam, og samarbeider tverrfagleg med PPT, Nav, helsesjukepleiar, psykolog, barnevern og familiesenteret. Kvam har nettverk for rektorar i grunnskulen, kor også rektor for Vaksenopplæringa deltek når tema høver. Vidare har skulen kompetanseutviklingssamarbeid med Hardanger/ Voss kompetanseregion.

Som rektor vil du:

• leia skulen i tråd med vedtekne rammer, politiske og administrative vedtak og gjeldande lovverk
• vidareutvikla ein trygg og god skule, med eit inkluderande læringsmiljø for elevane og eit profesjonsfellesskap for dei tilsette
• forvalta skulen sine totale ressursar strategisk slik at han sikrar god undervisning og læring
• vidareutvikla det pedagogiske arbeidet, slik at læringsutbytet for kvar elev aukar
• bruka forskingsbasert kunnskap og skapa engasjement om felles mål
• involvera og samarbeida med elevar, tilsette og andre samarbeidspartar             

Kvalifikasjonar

Me søkjer ein rektor som har:

• godkjend kompetanse etter Opplæringslova §17
• rektorerfaring og/eller leiarutdanning eller sekundært er villig til å gjennomføra leiarutdanning
• oversikt over nyare forsking på skuleutvikling
• administrativ kompetanse, samt IT-kompetanse
• kjennskap til aktuelle lover og avtaleverk
• grunnleggjande realkompetanse om offentlig forvaltning og  økonomistyring

Krav om politiattest i samband med tilsetjing jfr. Opplæringslova §17-11. Denne skal ikkje leggjast ved søknaden. 

Personlege eigenskapar

Me treng ein rektor som :

• er raus, engasjert og tydeleg
• er visjonær og ambisiøs på elevane og skulen sine vegne
• har eit positivt elevsyn og fokus på meistring for elevar og tilsette
• er utviklings- og endringsorientert 
• er imøtekomande og til stades for elevar, tilsette og samarbeidspartnarar
• toler høgt arbeidstempo og kan arbeida etter tidsfristar
• kan bidra til å utvikla det profesjonelle læringsfelleskapet på skulen og gjennom samhandling i oppveksteininga i Kvam herad
• kan analysera, planleggja, gjennomføra og styra innan vedtekne rammer 

Me tilbyr

• samarbeidsfora med alle skuleleiarane i kommunen og med overordna skuleleiing 
• leiarsamlingar med alle 80 leiarane i kommunen
• høve til å delta i utvikling av Kvammaskulen
• leiarstøtte frå sentrale IT, HR og økonomifunksjonar  
• høve til å delta på rektorutdanning
• godt kollegialt samarbeid
• godt tverrfagleg samarbeid 
• Lønn etter avtale, med gode pensjons- og forsikringsvilkår

Generell informasjon:
Den kommunale organisasjonen skal i størst mogleg grad spegla mangfaldet i befolkinga. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad ønskjer å inkludera og leggja til rette for personar med nedsett funksjonsevne. I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta. Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette. 

Kontaktinformasjon

Inga Lill Jensen Tolo, Leiar for skule, +47 951 19 865

Arbeidsstad

5600 Norheimsund

Nøkkelinformasjon:

Arbeidsgivar: Kvam herad

Referansenr.: 4934229997
Stillingsprosent: 100%
Fast
Søknadsfrist: 24.03.2025

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/81f56062-a67e-4170-8af0-141677fe669d
IMPORTAPI