Rabas virgi: Internašunála koordináhtor – Internasjonalt Samisk Filminstitutt As
Sales, retail and retail trade Salg butikk og varehandel(6 timer siden)
Stillingsbeskrivelse
Published 18-11-2024
Deadline: 06-12-2024
Rabas virgi: Internašunála koordináhtor
RABAS VIRGI: INTERNAŠUNÁLA KOORDINÁHTORA
Internašunála Sámi Filbmainstituhtta almmuha 100% Internašunála koordináhtora sadjásašvirggi.
Álgin farggamusat ja bargoáigodat bistá gitta skábmamánu 2025 rádjai ja vejolaččat mearreáigásašvirgi sáhttá guhkiduvvot. Bargosadji lea ISFI kántuvrras Buletjávrris, Guovdageainnus.
Internašunála koordináhtora bargu lea gulahallat ISFI ovttasbargoguimmiiguin iešguđetlágan lágidemiid, nugo filbmačájáhusaid ja bargobájiid birra. Koordináhtora bargui gullá maid filmmaid almmuheapmi Sapmifilm rávdnjenbálvalussii.
Internašunála koordináhtora váldobarggut:
-
Leat mielde plánemin ja koordineremin iešguđetlágan lágidemiid nugo filbmačájáhusaid ja bargobájiid maid ISFI ovddasvástida.
-
Plánet ja koordineret sámi filbmačájáhusaid filbmafestiválain ja eará filbmaealáhusa dáhpáhusain.
-
Hukset ja doalahit oktavuođa ISFI ovttasbargoguimmiiguin.
-
Háhkat ja almmuhit filmmaid Sapmifilm rávdnjenbálvalussii.
-
Eará prošeaktabarggut dárbbu mielde.
Gelbbolašvuođagáibádusat:
-
Buorre máhttu sámegielas ja eŋgelasgielas njálmmálaččat ja čálalaččat.
-
Oahppu márkanfievrrideamis dahje prošeaktajođiheamis. Maiddái bargohárjáneapmi dáin surggiin sáhttá gealbudit.
-
Buorit gulahallanattáldagat.
-
Návccat bargat iešheanalaččat ja joavkkus.
-
Beroštupmi filbmaealáhussii ja dan deahálaš sajádahkii servodagas.
-
Beroštupmi ja vejolašvuohta johtit.
Maid mii fállat dutnje:
-
Vejolašvuođa bargat guovddáš virggis ISFIas, mii ovdána leavttuin ja mas lea dehálaš sámi servodatdoaibma.
-
Vejolašvuođa váikkuhit ja hábmet sámi filbmaealáhusa ovdaneami.
-
Movttiidahtti sámegielat bargobirrasa, gos guovddáš árvvut leat positivitehta, ovttasbargu, innovašuvnda ja áŋgirvuohta.
-
Barggu innovatiiva sámi ja internašunála filbmasuorggis.
-
Vejolašvuohta johtit ja searvat filbmafestiválaide ja eará dáhpáhusaide.
Peršuvnnalaš attáldagat:
-
Iešheanalaš, áŋgir ja olmmošeaddjái
-
Sosiála ja buorit gulahallan áttáldagat
-
Leat huŧkái, lea buorre bargomokta ja čajehat initiatiivva
-
Duostilit máhttit ovddastit ISFI ja sámi filmmaid
Bálká ja eará eavttut šiehtadeami vuođul. Bargosadji lea ISFI kántuvrras Buletjávrris, Guovdageainnus.
Ohcanáigemearri juovlamánu 6.b. 2024.
Ohcama oktan CVain sáddet elektrovnnalaččat: annelajla@isfi.no
Eanet dieđut barggu birra:
Direktevra Anne Lajla Utsi, tlf +47 907 555 74
DIVERSE INFO
| Arbeidsgiver | Internasjonalt Samisk Filminstitutt As orgnr: 891507232 |
|---|---|
| Kort om arbeidsgiver |
Internašunála Sámi Filbmainstituhtta galgá nannet sámi filbmabuvttadeami ja loktet gelbbolašvuođa ja ekonomalaš vejolašvuođaid ovdánahttit, buvttadit ja čájehit sámegielat filmmaid. Dasa lassin ISFI lea instituhtta mii ovddida ja nanne ovttasbarggu gaskkal eará álgoálbmot filbmadahkkiid ja ásahusaid riikkaidgaskkasaččat. |
| Webside | https://isfi.no/se/ |
| Bransje | Salg og service |
| Yrke | Salg, butikk- og varehandel |
| Sted | KAUTOKEINO (Adresse: Buletjavri Postnr: 9520) |
| Stillingstype | Vikariat Heltid Antall stillinger: 1 |
| Sektor | Privat |
| Krav | Unknown |
| Tiltredelse | Etter avtale |
| Søknadsfrist | 06-12-2024 |
