Psykisk helsearbeidar

Psykisk helseteneste har ledig vikariat, og me søkjer etter deg som vil vera med å driva fram det gode førebyggjande arbeidet som kommunen har ansvar for. I dette ligg det både førebyggjande og helsefremjande arbeid innan psykisk helse og rus, og eit koordinert samarbeid med andre viktige instansar.

Stillinga er 100 % på dagtid, og ligg til eining for helsefremjande og førebyggande arbeid. Eininga dekkjer fire fagområde: psykisk helse for vaksne og barn, helsestasjon- og skulehelsetenesta, og fysio-/ergoterapitenesta. Eininga har i tillegg ansvar for koordinator-funksjonar og individuell plan-arbeid.

Som psykisk helsearbeidar vil du arbeida med eksisterande behandlingstilbod og lågterskel-tiltak, men òg få vera med å vidareutvikla tenestene våre innan fagfelta. Du blir ein del av eit tverrfagleg arbeidsmiljø med erfarne kollegaer i ein liten kommune med fokus på utvikling og forbetring.

I stillinga vil du hovudsakleg arbeida med vaksne, unge og foreldre/føresette. Det kan òg vera aktuelt å arbeida med oppfølging av barn og grupper.

Vikariatet er ledig til og med 28.02.24.

Arbeidsoppgåver

• Oppfølging av brukarar med individuelle samtalar.
• Samarbeida med andre tenesteutøvarar rundt brukaren sitt tenestetilbod.
• Organisera og gjennomføra gruppetilbod innan psykisk helse/rus.
• Koordinatorfunksjon i einskildsaker.
• Bidra til fagleg utvikling gjennom teamarbeid og kunnskapsdeling.
• Samarbeid internt og eksternt.
• Delta i arbeid med pasientsikkerheit, systemisk kvalitetsarbeid og kontinuerleg forbetring av tenesta.
• Andre oppgåver kan bli lagt til stillinga ut frå søkjar si kompetanse og arbeidsgjevar sitt behov.

Kvalifikasjonar

• 3-årig helse- og sosialfagleg høgskuleutdanning, fortrinnsvis sjukepleiar.
• Relevant vidareutdanning t.d. innan psykiatri/psykisk helsearbeid er eit føremon.
• Erfaring frå spesialist- eller kommunehelsetenesta.
• God kjennskap til kommunale tenester og øvrig hjelpeapparat.
• God skriftleg og munnleg framstillingsevna.
• Førarkort kl. B og tilgang til bil.
• Gyldig politiattest etter helse- og omsorgstenestelova § 12-1 må leggast fram ved tilsetjing.

Kva ser me etter hos deg?

• Evne til å skape gode relasjone.
• Kunnskap og forståing for korleis ein kommuniserar med menneske i vanskelege livssituasjonar.
• Er fleksibel og har god evne til å samarbeide.
• God rolleforståing, sjølvstendig og initiativrik.
• Beslutningsevne og evne til å oppnå resultat
• Evne og erfaring med, å skaffa oversikt og arbeida strukturert og planmessig.
• Stor arbeidskapasitet og interesse for fagleg og etisk refleksjon.
• Lærevillig, robust og trivs med variasjon i arbeidstempo.

Kvifor skal du velje oss?

Blir du motivert og engasjert av å arbeida på ei avdeling med eit viktig samfunnsoppdrag? Då trur me at du vil trivas hos oss! Me er oppteken av det samla samfunnsoppdraget til eininga og korles me kan utøva dette best mogleg for brukargruppa vår. Me har stort fokus på fagleg påfyll og utvikling, og har mellom anna  gjennomført ei omorganisering for å fremja det førebyggande arbeidet i denne nyoppretta eininga. Hos oss får du òg høve til å jobba tverrfagleg med kollegaer frå andre fagområder, og med store moglegheiter til å planlegga di eige arbeidsdag.

Me har rammer som kan sikra deg ein fornuftig balanse mellom jobb og fritid: du vil ha høve til fleksitid og me har sommartid frå 15. mai til 14. september.

Tilsetjing hos oss gjer deg medlemskap i KLP – Kommunal Landspensjonskasse. Det betyr blant anna at du får ein av dei tryggaste pensjonsordningane i Noreg, samt høve til å søkja om bustadlån med gunstige vilkår.
 
Me veit at mange ønskjer seg ein hybrid og fleksibel arbeidskvardag med høve til å veksla mellom å jobba heimafrå og møtast på kontoret. Me ønskjer fortrinnsvis at tilsette har sin arbeidsstad i arbeidsgjevar sine lokaler. Me kan legga til rette for kombinasjon av heimekontor og fast kontorarbeidsplass når arbeidsoppgåvene tilsier at det let seg gjere.
 
Stillinga er eit vikariat, og rapporterar til einingsleiar.
 
Dersom du synes dette verkar som ein spanande stilling eller er det noko du lurar på etter å ha lest annonsa? Ta gjerne kontakt med kontaktperson i annonsa.

Kontaktinformasjon

Ingvild Hustad, Einingsleiar, 97 10 04 86
Kristine Trane, Kommunalsjef helse og omsorg, 90 04 15 61

Arbeidssted

Rådhuset
5685 UGGDAL

Nøkkelinformasjon:

Arbeidsgiver: Tysnes kommune

Referansenr.: 4861002916
Stillingsprosent: 100%
Vikar
Sluttdato: 28.02.2025
Søknadsfrist: 13.10.2024

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/9732e1fe-64fa-4341-939b-7e326e6f2efe
IMPORTAPI