Prosjektstilling Musikkterapeut – Barne- og ungdomsklinikken/ Habiliteringsteneste, barn og unge, Helse Bergen
Education Grunnskole(1 uke siden)
Stillingsbeskrivelse
Published 11-09-2024
Deadline: 30-09-2024
Prosjektstilling Musikkterapeut
Barne- og ungdomsklinikken (BUK) er landets nest største barneavdeling, regionsjukehus på Vestlandet og førande i behandling av barnesjukdommar. Vi skal dekke lokale, regionale og enkelte nasjonale behov for spesialisthelsetenesta for barn og unge inntil fylte 18 år, og er lokalisert i nye lokale i Glasblokkene ved Haukeland universitetssjukehus.
BUK har 70 senger fordelt på fem seksjonar: Nyføddintensiv, Medisin A, Medisin B, Medisin C og Barnekirurgi. I tillegg har vi Seksjon for legar, Seksjon for kontor, Energisenteret for barn og unge, Habiliteringstenesta for barn og unge, og Stab. I 2023 hadde vi totalt 350 årsverk, om lag 4 000 innleggingar og 33 000 polikliniske konsultasjonar.
Vi har eit kontinuerleg fokus på utvikling, samhandling og forbetring, og nyleg samla vi all utgreiing, behandling og oppfølging av barn innan somatikk og psykisk helsevern i Glasblokkene. Dette gir nye og spennande moglegheiter for framtida!
Vi har no ledig prosjektstilling for musikkterapeut, 50% i to år. Vi søker deg som har erfaring i frå arbeid med barn og familiar som står i krevande situasjonar, og som ønsker å gjere ein forskjell for desse.
Vedkommande som får tilbod om tilsetting må legge fram merknadsfri politiattest (vandel). Jfr Lov om helsepersonell §20A.
Arbeidsoppgåver
- Planlegging, gjennomføring og evaluering av individuelle musikkterapisesjonar til inneliggande pasientar 0-18 år ved alle klinikken sine avdelingar
- Støttande behandling til pasientar ved medisinske prosedyrar
- Sangskriving og arbeid med musikkproduksjon
- Arbeid med helsefremmande tiltak i sjukehusmiljøet
- Deltaking i tverrfaglege team/møter rundt pasientar
- Lyttegrupper for pårørande
- Journalføring
- Undervisning og foredrag
Kvalifikasjonar
- Godkjend mastergrad i musikkterapi
- Utdanning og/eller relevant erfaring innan musikkproduksjon
- Brei og variert musikalsk kompetanse
- Evne til å jobbe sjølvstendig og i team
- Det er ønskeleg med tidlegare erfaring eller spesiell interesse for fagfeltet
- God formidlingsevne, munnleg og skriftleg
- Gode datakunnskapar
- Erfaring med palliativ omsorg er ein fordel
Personlege eigenskapar
- Du har evne til å sjå ressursen i barna og omgjevnadane
- Du har eit godt lag med folk og får fram det beste i dei, både pasientar og kollegaer
- Du kan jobbe sjølvstendig og strukturert og utvise stor grad av ansvarlegheit
- Du fremmer eige fag samstundes som du er lydhøyr for andre i eit team
- Du trivst i eit aktivt og travelt miljø og likar varierte arbeidsoppgåver og utfordringar
- Du er ein fleksibel og omgjengeleg lagspelar med god arbeidskapasitet
- Du har motivasjon og interesse for fagfeltet og for å jobbe med barn og ungdom
- Du deler raust av din kunnskap og di erfaring får fram det beste i andre
Vi tilbyr
- Ein arena for læring og utvikling i lag med kompetente og spesialiserte fagpersonar
- Tverrfagleg samarbeid og ein heilskapleg tilnærming til barn og unge
- Eit arbeidsmiljø med høgt fagleg nivå, engasjerte kollegaer og tydeleg pasientfokus
- Løn i samsvar med gjeldande overeinskomst
Vi oppfordrar alle søkarar til å nytte Vitnemålsportalen for å laste opp vitnemål og karakterutskrifter.
Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemalsportalen.no. Har du har tatt utdanning i utlandet, må du leggje ved godkjenning frå Direktoratet for høgare utdanning og kompetanse i søknaden (https://hkdir.no/utdanning-fra-utlandet). Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.
Kontaktinformasjon
Pernille Schaathun Berge, Seksjonsleiar, 55978329, pernille.berge@helse-bergen.no
Arbeidsstad
Haukelandsbakken 15
5009 BERGEN
Nøkkelinformasjon:
Arbeidsgivar: Helse Bergen
Referansenr.: 4856029564
Stillingsprosent: 50%
Engasjement
Startdato: 04.12.2024
Sluttdato: 04.12.2026
Søknadsfrist: 30.09.2024
DIVERSE INFO
Arbeidsgiver | Barne- og ungdomsklinikken/ Habiliteringsteneste, barn og unge, Helse Bergen orgnr: 923809708 |
---|---|
Kort om arbeidsgiver |
Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook. |
Webside | www,helse-bergen.no |
Bransje | Utdanning |
Yrke | Grunnskole |
Sted | BERGEN (Adresse: Haukelandsbakken 15 Postnr: 5009) |
Stillingstype | Engasjement Deltid Antall stillinger: 1 |
Sektor | Offentlig |
Krav | Høyere utdanning |
Tiltredelse | 04-12-2024 |
Søknadsfrist | 30-09-2024 |