Politiadvokat 2 fagleiar

I Vest politidistrikt, Felles eining for påtale, Seksjon Bergen, Askøy og Øygarden, er det ledig ei fast stilling som politiadvokat 2 med funksjon som fagleiar for allmennsaker knytta til ei av juristgruppene ved seksjonen.

Seksjonen har påtaleansvar for alle straffesaker der det straffbare forholdet truleg er gjennomført i Bergen, med unntak av saker der saksansvaret ligg til Seksjon for vald og seksuelle overgrep eller seksjon for organisert kriminalitet, øko og miljø.

Formålet med stillinga er å ha eit overordna ansvar for juristgruppas/den samla straffesaksporteføljen til teamet og bidra til rett prioritering og oppfølging/porteføljestyring. Vidare vil stillinga ha eit særskilt ansvar for at etterforskings- og påtaleteamet jobbar tett og formålsstyrt saman med faste møtepunkt, klar rolleforståing og felles straffesaksgjennomgangar som blir leidde av fagleiar. 

Fagleiar har ansvar for å bidra til at straffesaksbehandlinga skal halde høg kvalitet, med høg oppklaring og adekvat reaksjon og dessutan bidra til måloppnåing når det gjeld saksbehandlingstid.  I tillegg vil den som har fagleiarstillinga ha eit ansvar for vidareutvikling av metode og gode samhandlingsrutinar mellom etterforskinga og påtale.

Utover dette vil stillinga innebere vanleg påtale- og porteføljearbeid ved seksjonen, likevel slik at den som blir tilsett både må ha evne og kompetanse til å ta på seg påtaleansvar for store og kompliserte straffesaker/ekstraordinære saker.

Arbeidsoppgaver

• Ansvar for juristgruppas/den samla straffesaksporteføljen til teamet og bidra til rett prioritering og oppfølging/porteføljestyring og at straffesaksbehandlinga held høg kvalitet, med høg oppklaring og adekvat reaksjon og dessutan bidra til måloppnåing når det gjeld saksbehandlingstid .
• Ansvar for at etterforskings- og påtaleteamet jobbar tett og formålsstyrt saman med faste møtepunkt, klar rolleforståing og felles straffesaksgjennomgangar  som blir leidde av fagleiar
• Ansvar for vidareutvikling av metode og gode samhandlingsrutinar mellom etterforskinga og påtale.
• Hjelp seksjonsleiar i og med fagkunnskap, fagleiing, saksprioritering, koordinering og porteføljestyring på saksområdet.
• Avgjere når det skal setjast i verk etterforsking og leie etterforskinga til polititenestemennene, under dette bruk av tvangsmiddel
• Innanfor eigen saksportefølje, sikre at sakene blir etterforska i tråd med gjeldande regelverk og faglege standardar, under dette straffeprosesslova, påtaleinstruksen, Riksadvokatens mål og retningslinjer for straffesaksarbeidet, nasjonale og lokale retningslinjer og andre direktiv jf. påtaleinstruksen § 7-5 anna ledd
• Foreta løpande påtalevurderingar og påtalevedtak i eigen saksportefølje, under dette vedta eller krevje avgjerda til retten om bruk av tvangsmiddel og metodebruk, jf. straffeprosesslova § 67, og føre kontroll med bruk av tvangsmiddel, under dette skjulte metodar
• Utføre aktorat, jf. straffeprosesslova § 76 for tingrett og lagmannsrett
• Gi fagleg støtte og rettleiing til politifagleg etterforskingsleiar, etterforskarar, ordensstyrken og operasjonssentral om saksbehandlinga 
• Utøve legalitetskontroll, under dette sikre rettstryggleik og objektivitet på alle trinn av saksbehandlinga 
• Ev. leie tilrettelagde avhøyr 
• Gjennomføre kvalitetssikring eller bidra til evaluering dersom saka er gjenstand for dette 
• Jourtjeneste kan bli pålagt
• Andre oppgåver pålagt av overordna

Kvalifikasjoner

Nødvendig

• Juridisk embetseksamen/Master i rettsvitenskap
• Minst 5 års arbeidserfaring med leiing av straffesaker, eller minst 6 års relevant arbeidserfaring hvorav minst 3 års påtaleerfaring. Unntak til kravet om arbeidserfaring kan bli vurdert for særskilt sterkt kvalifiserte søkjarar
• Særleg høg fagleg kompetanse innanfor påtalearbeid
• God munnleg og skriftleg framstilling
• Du må ha plettfri vandel og vere skikka for teneste i politiet. Politiattest (uttømmande og utvida) må innhentast ved ev. tilsetting, jf. politilova § 18 og politiregisterlova § 41.

Ønskeleg:

• Erfaring med fagleiing og/eller arbeid med å utvikle metode/rutinar
• Erfaring med større og kompliserte straffesaker
• God innsikt i politiet sine oppgåver og organisasjon
• Vidareutdanning innan leiing og rettleiingspedagogikk, eller andre relevante kurs/tilleggsutdanning

Personlige egenskaper

• Vere sjølvstendig med evne til å treffe avgjerder i hektiske og pressa situasjonar
• Vere ansvarsbevisst og strukturert
• Evne til å arbeide effektivt og vere mål- og resultatorientert
• Gode kommunikasjons- og samarbeidsevner, og kunne bidra til eit godt arbeidsmiljø

Som medarbeidar i politiet har du høgt etisk medvit, du blir kjenneteikna av å vera modig og heilskapsorientert, du viser respekt og er tett på. Du kan lesa meir om dei etiske retningslinjene våre og medarbeidarplattform her:  https://www.politiet.no/om-politiet/jobb-i-politiet/medarbeiderplattform/

Vi tilbyr

• Ein utfordrande og spanande arbeidsplass for deg som vil vere med å forme politiet for framtida.
• Eit arbeidsmiljø med engasjerte og dyktige kollegaer
• Stilling som politiadvokat 2 med funksjon som fagleiar (stillingskode 1543), vert for tida lønna frå lønnstrinn 82/ kr 919.200. Vidare lønnsutvikling vil skje gjennom lokale lønnsforhandlingar, jfr. hovudtariffavtalane i staten.
• Medlemskap i Statens pensjonskasse, med blant anna gode pensjons- og forsikringsordningar (sjå https://www.spk.no/ for meir info)

Generelt
Politiet meiner at inkludering og mangfald er ein styrke. Me treng medarbeidarar med ulike kompetansar, bakgrunn, erfaring og perspektiv for å bidra til endå betre oppgåveløysing. Dersom det er mogleg vil me leggja til rette for medarbeidarar som har behov for det.

Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal me kalla minst inn éin søkjar i kvar av desse gruppene til intervju. For å bli vurdert som søkjar i desse gruppene, det vil seia positivt særbehandla på denne måten, må søkjarane oppfylla visse krav.

For å ha eit godt vurderingsgrunnlag ber me deg om å registrera utfyllande CV i rekrutteringsportalen vår og lasta opp relevante attestar og vitnemål. Dersom du har funksjonsnedsetjing, hol i CV-en eller innvandrarbakgrunn oppmodar me deg til å kryssa av for dette i rekrutteringsportalen vår. Avkryssingane dannar grunnlag for anonymisert statistikk som alle statlege verksemder rapporterer i årsrapportane sine.

Du kan lesa meir på arbeidsgivarportalen https://arbeidsgiver.difi.no/positivsaerbehandling

Opplysningar om deg kan bli offentleggjort sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.

Kontaktinformasjon

Elisabeth Soglo, Seksjonsleiar, 55 556245
For spørsmål om elektronisk søknad/CV, Kontakt Seksjon for HR, 207.hr@politiet.no

Arbeidssted

Allehelgens gate 6
5016 Bergen

Nøkkelinformasjon:

Arbeidsgiver: Vest politidistrikt

Referansenr.: 4870262203
Stillingsprosent: 100%
Fast stilling
Søknadsfrist: 05.11.2024

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/74c0734c-0386-4c77-a874-bb24802bd271
IMPORTAPI