Overingeniør ved Institutt for biomedisin (vikariat)

Kunnskap som formar samfunnet

Gjennom eit sterkt og tett samspel med omverda – globalt, nasjonalt og lokalt – skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Overingeniør ved Institutt for biomedisin (1-årig vikariat)

Ved Det medisinske fakultet, Institutt for biomedisin er det ledig eit 100 % vikariat som overingeniør, frå og med 1. januar til og med 31. desember 2025. 50 % av stillinga vil vere tilknytt Eining for translasjonell kreft og vaskulær forsking (TCVR), og den andre 50 % av stillinga vil vere tilknytt teknologiplattforma Molecular Imaging Center (MIC).

TCVR består av seks ulike forskingsgrupper, som alle utfører grunnleggjande og preklinisk forsking, med ei sterk tilknytting til kliniske miljø. I fem av desse gruppene, som overingeniøren vil vere knytt til, er målet med forskinga å forstå dei biologiske mekanismane som ligg til grunn for initiering og progresjon av vondarta kreftsvulstar i hjernen og å identifisera og karakterisera nye molekylære mål, innan til dømes exosomer og microRNA, som kan nyttast i framtidig utvikling av målretta terapi. For meir informasjon, sjå https://www.uib.no/tcv.

MIC blei starta i 2003 og er ein open kjernefasilitet for alle forskarar på like vilkår, innafor avansert subcellulær, cellulær og smådyrs-avbilding. Vi har høgt kvalifisert vitskapeleg og teknisk personale som opererer og held ved like utstyret. Forsking og metodeutvikling er ein integrert del av aktivitetane på MIC. Vi arrangerer årleg fleire kurs innan bruken av instrumenta våre. For meir informasjon, sjå https://www.uib.no/en/rg/mic. 

Arbeidsoppgåver:

• Arbeide med pasientprøver, cellelinjer og eksosomer i cellekultur.
• Arbeide med ulike oppgåver relatert til Tumorbanken.
• Utføre ulike biologiske analysemetodar, som til dømes proteinanalysar, immunohistokjemi, mikroskopiske teknikkar, ultrasentrifugering og STR-fingerprinting.
• Parafininnstøyping, farging og snitting av vevsprøver for lysmikroskopi.
• Innstøyping, farging og snitting av prøver for  transmisjons elektronmikroskopi (TEM).
• Hjelpe til i dyreforsøk.
• Smådyrsavbilding (i første rekkje MRI, men PET og CT kan og bli aktuelt).
• Vere med og arrangere kurs på MIC.
• Førefallande laboratoriearbeid.
• Ordensmannsansvar i lab, drift, lage buffere og dyrkingsmedia, registrering av kjemikaliar, prosedyreskriving og bestilling av varer.
• Ta imot og lære opp master- og doktorgradsstudentar i ulike laboratorietekniske metodar.

Det kan bli aktuelt å leggje andre oppgåver til stillinga.

Kvalifikasjonar og eigenskapar:

• søkjar må ha mastergrad innanfor biologiske emne. Lang relevant praksis kombinert med relevant etter- og vidareutdanning kan i særskilte høve kompensere for manglande formell utdanning
• søkjar må ha relevant erfaring med arbeide i biologiske forskingslaboratorium
• søkjar må ikkje ha allergi mot dyr eller kjemikalia som blir handtert med vanlege sikringstiltak, og må vere villig å ta dei nødvendige vaksinane for laboratoriearbeid
• søkjar må ha godkjenning for å arbeida med forsøksdyr (FELASA C)
• søkjar må ha evne til å uttrykke seg godt skriftleg og munnleg på norsk og engelsk
• tidlegare erfaring med smådyrs-avbilding (MRI) er ei føremon
• det er ønskjeleg med tidlegare erfaring frå tidlegare nemnte biologiske analysemetodar, samt prekliniske eksperimentelle dyreforsøk
• gode IT kunnskapar er ei føremon
• erfaring frå kreftforsking er ei føremon
• det vil lagt stor vekt på personlege eigenskapar. Søkjar må ha stor arbeidskapasitet, interesse for forsking, vere ansvarsmedviten og serviceinnstilt
• søkjar blir vurdert på evner til å arbeide systematisk, sjølvstendig og kreativt, men samstundes kunne arbeide i team

Vi søkjer ein person som:

• har tidlegare erfaring med å arbeide innan laboratoriearbeid
• har erfaring med celle- og molekylærbiologi, dyreforsøk og preklinisk avbilding (MRI)
• har god serviceinnstilling, gode evner og vilje til kommunikasjon og samarbeid
• er systematisk, sjølvstendig, fleksibel og kreativ, og kan arbeide i team

Ved vurdering av søkjaren vil vi leggje stor vekt på dei personlege eigenskapane som er naudsynte for stillinga. 

Vi tilbyr:

• Spanande og utviklande arbeidsoppgåver i eit sterkt arbeidsmiljø 
• Løn er for tida kr 584 500 – 604 900 (kode 1087, lønssteg 60-62, med Mastergrad). Løn er for tida kr 584 500 – 646 000 (kode 1087, lønssteg 60-66, med doktorgrad/Ph.d.). Løn er brutto pr. år for ei fulltidsstilling i lønsregulativet til staten ved tilsetjing. For særleg kvalifisert søkjar kan det verte aktuelt å vurdere høgare løn.
• Medlemsskap i Statens pensjonskasse
• Gode velferdsordningar

Generell informasjon:

Utfyllande opplysningar om stillinga kan ein få ved å vende seg til: Professor Frits Thorsen, Institutt for biomedisin, tlf 957 49 681, e-post: frits.thorsen@uib.no.

Universitetet i Bergen er underlagt regelverket for eksportkontroll, og regelverket gjeld ved behandling av søknader til stillinga.

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/ba8adc4a-a355-42d1-8246-fd4b7f8220ff
IMPORTAPI
https://www.jobbnorge.no/ledige-stillinger/stilling/270012