Overingeniør – plantepatogene virus

Nøkkelinformasjon

Ansvar og oppgåver for stillinga vil omfatte gjennomføring av forskingsaktivitetar og forvaltningsoppgåver i samband med studiar av biologi, epidemiologi, diagnostikk, kartlegging og bekjempelse av plantepatogene virus. Arbeidsoppgåvene føreset kompetanse innan plantebiologi/plantepatologi og molekylære metodar.

Stillinga er knytt til Avdeling virus, bakteriar og nematodar i skog, jord og hagebruk ved divisjon Bioteknologi og plantehelse, med arbeidsstad Ås. Du vil møte hyggjelege og erfarne kollegaar som vil hjelpe deg med alle typar spørsmål og opplæring. Vi har godt utstyrte og moderne laboratorium, møterom og kontorplassar.

Hovudoppgåvene til stillinga

Arbeidsoppgåvene vil knytast til både prosjekt og rutinearbeid og vil omfatte mellom anna:

• Etablere, verifisere, validere, dokumentere og utføre metodar for påvisning, identifisering og redigering av plantevirus
• Ansvar for laboratorium, inkludert vedlikehald av laboratorieutstyr og tillaging av reagens
• Vedlikehald av isolatsamlinga av plantevirus
• Plantedyrking i veksthus – oppal av testplantar
• Utføre virusoverføring ved bruk av bioassays, insektvektorar og andre relevante metodar
• Delta i prosjektplanlegging og sjølvstendig gjennomføring av prosjektaktivitetar
• Bidra til dataanalyse og rapportering

Kvalifikasjonskrav

• Mastgrad i plantevitskap og plantevirologi/plantepatologi eller tilsvarande
• Kompetanse innan molekylære metodar som DNA/RNA ekstraksjon, RT-PCR/qPCR, sekvensering og relaterte teknikkar
• Kunne kommunisere godt på engelsk, både munnleg og skriftleg
• Fremmedspråklige søkjarar må forplikte seg til å lære norsk språk skriftleg og munnleg innan to år

Det er ein fordel om du har

• Kompetanse innan plantevirologi
• Praktisk erfaring innan arbeid med plantar, metodeetablering og/eller virusoverføring med insekt
• Skriftlige og munnlege kunnskapar i norsk
• Førerkort klasse B

Personlege eigenskapar

• Du må kunne arbeide både sjølvstendig og i team
• Ta ansvar for framdrift og ha eigarskap til arbeidet
• Ha god orden og kunne arbeide systematisk og strukturert
• God evne til å organisere og prioritere oppgåver
• Evne til problemløsing
• Fleksibel

Vi tilbyr

• Moglegheit til å jobba med eit viktig samfunnsoppdrag med fokus på berekraft og framtidsretta prosjekt
• Utfordrande, spennande og varierte oppgåver i tverrfaglege team
• Ein fleksibel kvardag med moglegheit til å påverka eigne arbeidsoppgåver
• Eit sterkt fagmiljø med gode kollegaer
• Ein raus personalpolitikk med velferdsordningar og fokus på dei tilsettes ulike livsfaser

Stillinga er plassert i det statlege lønsregulativ som overingeniør kode 1087, årsløn kr 540.500 – 640.500. Løna vert vurdert etter utdanning og erfaring.

Medlemskap i Statens Pensjonskasse, noko som inneber ei god tenestepensjonsordning, yrkesskade- og gruppelivsforsikring, og tilbod om bustadlån til ei gunstig rente.

Les meir om NIBIO som arbeidsgjevar her: Jobb i NIBIO

Korleis søkja på stillinga

Søknad med CV sendar du elektronisk via lenkje på denne sida, «søk stillinga».

Vitnemål og attestar skal takast med ved eit eventuelt intervju, eller leggjast ved elektronisk.

NIBIO gjennomfører bakgrunnssjekk på aktuelle kandidatar via samarbeidspartnaren vår Semac AS.

Andre opplysingar

Vi legg vekt på mangfald på arbeidsplassen og oppmodar kvalifiserte kandidatar til å søkja – uavhengig av alder, kjønn, funksjonsevne, hol i CV, nasjonal eller etnisk bakgrunn.

Som statleg verksemd har vi moglegheit til å gi ein positiv særbehandling for søkjarar som har funksjonsnedsetjing, hol i CV eller innvandrarbakgrunn. Positiv særbehandling inneber mellom anna at du lettare vil komma til intervju.
Les meir om dette her.

Vi gjer merksam på at opplysingar om søkjaren kan verte gjorde offentlege, jf. Lov om rett til innsyn i dokumenter i offentleg verksemd (offentleglova), § 25. Ein søkjar kan be unntak frå oppføring på den offentlege søkjarlista. Dersom oppmodinga ikkje vert teken til følgje, vert søkjaren varsla om dette.

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/0b62c54c-0ccc-4e67-9feb-a134c84edee1
IMPORTAPI
https://www.jobbnorge.no/ledige-stillinger/stilling/264984