Ønsker du å bli med i nytt sjukehus som sjukepleiar i ei spennande stilling? – Medisinsk sengepost 1, Helse Førde
Health and social care Sykepleier(1 uke siden)
Stillingsbeskrivelse
Published 02-12-2024
Deadline: 22-12-2024
Ønsker du å bli med i nytt sjukehus som sjukepleiar i ei spennande stilling?
Medisinsk sengepost og Bemanningssenteret ønskjer å kome i kontakt med deg som har eit fagleg engasjement og ønskje om å bidra til god kvalitet i tenestene våre. Vi søkjer både nyutdanna og erfarne sjukepleiarar som ønsker å være med oss. Oppstart etter nærare avtale.
- Medisinsk sengepost 1: 60% stiling
- Bemanningssenteret: 40% stilling
Vi legg opp til 100% arbeid på Medisinsk sengepost 1 den første tida for å bli godt kjent med ei avdeling først.
Rekrutteringstillegg for sjukepleiarar i Bemanningssenteret kr 23.000,- pr år i 100% stilling , tillegget blir redusert ved lågare stillingsandel
Du vil oppleve gode, mindre gode, tunge, fine, triste, morsomme, spennande, aktive, lærerike, frustrerande og innhaldsrike dagar. Vi kan og love at du vil oppleve å være omringa av eit mangfald av kollegaer. Du vil alltid ha nokon å spørje, lene og støtte deg på. Her er det gode moglegheiter for fagleg utvikling og nye erfaringar.
Bemanningssenteret formidlar pleiepersonell til poliklinikkar og sengepostar innan både psykiatri og somatikk ved kortare og lengre fråvær. Du vil få opplæring og arbeide på 1-3 avdelingar.
Medisinsk sengepost har nyleg flytta inn i nytt og moderne sjukehus der vi har nyre og endokrinologi, mage/tarm, lunge, lungekreft & utgreiing og hjartesjukdommar som spesialiserte fagfelt.
Arbeidsoppgåver
Som sjukepleiar i kombistilling, vil du møte akutte og kronisk sjuke pasientar med ulike sjukdomsbilete, mange av pasientane er eldre med samansette helseplager. Arbeidet er tverrfagleg og vi samarbeider også med pårørande og primærhelsetenesta. I det tverrfaglege arbeidet samarbeider ein til dømes med lege, fysioterapeut, ergoterapeut og apotekpersonell. Dokumentasjon i DIPS og Meona er ein del av det daglege arbeidet. Ved Bemanningssenteret er det sengepostar innan kirurgi, ortopedi og nevrologi, psykiatrisk klinikk og poliklinikkar stadar ein kan arbeide ved
Kvalifikasjonar
Søkjar må vere autorisert sjukepleiar/spesialsjukepleiar. Avdelinga set fokus på auka kompetanse og det er mogleg å legge til rette for vidareutdanning innan våre hovudfagfelt. Det vil være ein fordel om du har erfaring frå sengepostarbeid frå tidlegare, men ikkje påkrevd. Er det område eller spesifikke problemstillingar du brenn for eller ønskjer å forbetre, vil avdelinga legge til rette for dette. Dette kan ein t.d. gjere gjennom Helse-Vest si Forbetringsutdanning der ein lærer å drive eit forbetringsarbeid.
Personlege eigenskapar
Vi ser etter ein engasjert og motivert sjukepleiar som ønskjer å ta del i ein hektisk kvardag med mange varierte problemstillingar. Det er viktig at du kan arbeide både sjølvstendig og i team. Ei av våre styrker er at vi er ei inkluderande gruppe som hjelper kvarandre og har lav terskel for å stille spørsmål. Fagleg utvikling, evne til fleksibilitet og omstilling er eigenskapar som er viktige hos oss.
Vi tilbyr
Medisinsk sengepost og Bemanningssenteret tilbyr god opplæring med eigen fadder du følgjer. Vi jobbar aktivt med organisasjonsutvikling på våre tenester og ønskjer gode og glade medarbeidarar med oss på laget for å skape eit nytt og betre sjukehus for våre pasientar og tilsette. Vi har fokus på å styrkje sosial tilhøyrsle og trivsel på arbeidsplassen med årlege treffpunkt som julebord, sommarfest og blå-tur.
Rekrutteringstillegg for sjukepleiarar i Bemanningssenteret kr 23.000,- pr år i 100% stilling , tillegget blir redusert ved lågare stillingsandel
Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.
Kontaktinformasjon
Mette-Lise Sørland, Seksjonsleiar, 917 26 175
Magnus Jarl Midtvoll, Seksjonsleiar, 407 29 970
Arbeidsstad
Svanehaugvegen 2
6812 Førde
Nøkkelinformasjon:
Arbeidsgivar: Helse Førde
Referansenr.: 4892282574
Stillingsprosent: 100%
Fast
Søknadsfrist: 22.12.2024
DIVERSE INFO
| Arbeidsgiver | Medisinsk sengepost 1, Helse Førde orgnr: |
|---|---|
| Kort om arbeidsgiver |
Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 200 tilsette og eit budsjett på over 3,6 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset. Helseføretaket er eigd av det statlege Helse Vest RHF. Føretaksgruppa i Helse Vest skal spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, fleirkulturell bakgrunn eller om du har hatt opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering. |
| Webside | https://www.helse-forde.no/ |
| Bransje | Helse og sosial |
| Yrke | Sykepleier |
| Sted | FØRDE (Adresse: Svanehaugvegen 2 Postnr: 6812) |
| Stillingstype | Fast Heltid Antall stillinger: 2 |
| Sektor | Offentlig |
| Krav | Unknown |
| Tiltredelse | Unknown |
| Søknadsfrist | 22-12-2024 |
