Mii ohcat oahpaheaddji – Nesseby Oppvekstsenter
Uoppgitt/ ikke identifiserbare Ikke identifiserbare(14 timer siden)
Stillingsbeskrivelse
Published 17-10-2024
Deadline: 03-11-2024
Mii ohcat oahpaheaddji
Mii ohcat oahpaheaddji Unjárgga Oahppogáldui/ Nesseby Oppvekstsenter
Háliidat go don váikkuhit Unjárgga ohppiid boahtteáiggi?
Mii ohcat áŋgiris ja čeahpes oahpaheaddji, gii háliida bargat máŋggakultuvrralaš ja guovttegielat birrásis, rievdadeamen mánáid ja nuoraid dili.
Min luhtte beasat váikkuhit mánáid ja nuoraid ovdánahttimii, mánáidgárddis gitta vuođđoskuvlii, ovttas eará mielbargiiguin.
Unjárgga Oahppogáldus/ Nesseby Oppvekstsenter leat sullii 100 máná ja oahppi, mánáidgárddis, skuvllas, Asttus/ SFO:s ja ollesolbmuid oahpahusas. Mii vuoruhit ollislaš oahpu ja dáhkidit buori sirdima mánáidgárddis skuvlii. Dáppe min guovttegielat gielddas, gos sihke sámegiella ja dárogiella leat vuosttašgielat, beasat bargat erenoamáš birrásis, gos giella ja kultuvra lea guovddážis.
Mii fállat:
- Positiivvalaš, gelddolaš ja fátmmasteaddji bargobirrasa
- Bargosaji gos ovdáneapmi oahpahusa ektui lea dehálaš
- Bargosaji gos lea vejolaš oahpahit iešguđetge agi mánáid ja váikkuhit mánáid oahppamii ja ovdáneapmái Oahppogáldus
- Ovdamuniid nu go loatnaluoittáhat Statens Lånekasse ja vearroovdamuniid Stuoradikki mearrádusaid mielde (geahčas eambbo dán birra tiltakssonen.no)
- Vejolašvuođa ássat guovttegielat gielddas, gos lea lagasvuohta lundui, kultuvrii ja lagašservvodahkii
Virggi birra:
Dat lea bistevašvirgi vuođđoskuvlaoahpaheaddjin 1. -10. luohkkái. Mii ohcat oahpaheaddji, geas lea gelbbolašvuohta oahpahit sihke sámegillii ja dárogilli . Mii ohcat oahpaheaddji geas lea fágamáhttu sámegielas, eaŋgalasgielas, matematihkas ja musihkas.
Mii dáhttut:
- Oahpaheaddji geas lea oahpaheaddjeoahppu 1.- 10. luohkkái
- Oahpaheaddji gii máhttá oahpahit sihke dárogillii ja sámegillii
- Oahpaheaddji geas lea buorre gulahallan- ja ovttasbargomáhttu
- Gii máhttá buori oahppodili láhčit buot ohppiide ja oaidná ovttaskasoahppi ge
- Geas lea buorre digitálagealbu ja máhttá geavahit IKT oahpaheamis
Mii sávvat:
- Muhtima gii lea oahpahan eaŋgalasgiela, matematihkka ja musihka ovdal
- Muhtima gii máhttá láhčit ja heivehit oahpu ohppiide sin dárbbuid vuođul
- Muhtima gii lea bargan guovttegielat skuvllas ovdal ja geas lea kulturipmárdus.
- Muhtima gii máhttá ovdánahttit min organisašuvnna ja gii oassálastá aktiivvalaččat skuvlla ovdánahttinbargguide
- Muhtima gii máhttá movttiidahttit bargoskihpáriid ja ohppiid
Virgái guoskevaš dieđut:
- Virgáibiddjojupmi dahkko guoskevaš lágaid vuođul
- Dohkkehuvvon politiijaduođaštus gáibiduvvo ovdal virgáibidjama
- Dohkkehuvvon oahppu, bargoduogáš ja persovnnalaš heivvolašvuohta vuoruhuvvo
- Mii ávžžuhit du fárret min gildii ja fállat veahki dutnje gávdnat orrunsaji
Eambbo dieđuid oaččut doaibmajođiheaddjis Kåre Aasprong, tlf: 40440577, dahje geahča ollislaš virgealmmuheami gieldda ruovttusiidduin; www.nesseby.kommune.no
Mana áinnas min Facebook siidui: Unjárgga Oahppogáldu / Nesseby Oppvekstsenter.
Ohcanáigemearri: Skábmamánu 3. beaivi
Sádde ohcamuša, CV ja gulahallanolbmuid namaid ohcanportálas. Duođaštusaid válddát fárrui jearahallamii.
Mii eat fuola oktavuođa annonsavuvdiiguin. Duššefal elektrovnnalaš ohcamušat váldojuvvojit mielde árvvoštallamii.
DIVERSE INFO