KYRKJEVERJE

VINDAFJORD KYRKJELEGE FELLESRÅD

Vindafjord kommune ligg på Haugalandet med kommunesenter i Ølen. I kommunen er det
eit levande landbruk og eit dynamisk næringsliv. Kommunen har om lag 9 000 innbyggjarar
og har eit aktivt kultur- og kyrkjeliv. Her er variert natur som byr på rike naturopplevingar,
både til fjells og til fjords. Kyrkjelydane har fokus på frivillege medarbeidarar og har eit aktivt
kyrkjelydsarbeid. Det er 7 sokn med 8 kyrkjer. Kyrkjekontoret er i Skjold kyrkje og kyrkjeverja
har kontor der. Fellesrådet har for tida 11 tilsette, fordelt på om lag 7 årsverk, og det er 3
sokneprestar.

KYRKJEVERJE (100% stilling)

Vindafjord kyrkjelege fellesråd har ledig stilling som kyrkjeverje.

Kyrkjeverja er dagleg leiar for kyrkjeleg fellesråd i Vindafjord kommune. Me ser etter ein
engasjert og samlande leiar som vil vera med på å leia og vidareutvikla kyrkja i Vindafjord,
og som kan vera med å gjera kyrkja til ein viktig del av det daglege livet til innbyggjarane. Me
ønskjer oss ei kyrkjeverje som vil leia strategi- og utviklingsarbeid, som inspirerer, vekkjer
engasjement og bidreg til å nå målsettingane våre. Du vil få ansvar for at fellesrådet har god
kvalitet på sine tenester, samstundes som det enkelte sokn vert ivareteke. Økonomi og
eigedommar må forvaltast på ein god og ryddig måte som sikrar langsiktig drift.
Gravplassforvaltning er ein viktig del av stillinga.

Som kyrkjeverje vil du også ha hovudansvar for å vidareføra og utvikla samarbeidet med
bispedømmeråd og presteteneste til beste for kyrkjelydane. Like viktig er det å utvikla vidare
den gode relasjonen til kommunen og andre naturlege samarbeidspartnerar. Du vil også
representera fellesrådet i møte med offentlegheit og media.
Kyrkjeverja er dagleg leiar for fellesrådet si verksemd og rapporterer til fellesrådet.

Vindafjord kyrkjelege fellesråd heldt for tida på med eit utgreiingsarbeid i lag med 3 andre
fellesråd i området, der me ser på eit nærare samarbeid/eventuelt samanslåing mellom
fellesråda.

Ansvar og arbeidsoppgåver

• Personal-leiing, HMS, organisasjonsutvikling
• Dagleg drift, økonomi, bygg og vedlikehald
• Saksbehandling, plan- og budsjettarbeid for fellesråd
• Gravplassforvalting, og drift og forvalting av kyrkjer og andre kyrkjelege bygg og
  eigedommar
• Ivareta sokna og fellesrådet sine interesser i forhold til kommunen og andre
  offentlege/kyrkjelege organ

Kvalifikasjonar

• Relevant høgare utdanning frå universitet/høgskule, gjerne innan administrasjon,
  leiing og økonomi eller tilsvarande. Relevant erfaring vil bli vektlagt i tillegg til
  utdanning.
• God kjennskap til og forståing for kyrkja sin eigenart, arbeid og organisering, samt
  kunnskap om offentleg forvalting.
• Utviklingsorientert, aktiv og engasjert med gode samarbeids- og
  kommunikasjonsevner.
• Medlemsskap i Den norske kyrkja.
• Det vil bli lagt stor vekt på at søkjaren er personleg eigna.
• Referansar vil bli kontakta etter nærare avtale.

Me tilbyr

• Løn etter avtale.
• Pensjonsordning via KLP.
• Den nye kyrkjeverja tiltrer 4. august 2025.

For nærare opplysningar, ta kontakt med leiar i Fellesrådet, Steinar Sørhus (477 55 746)
eller nestleiar i Fellesrådet, Dag Tormod Milje (934 15 401)

Søknad elektronisk på www.kirkejobb.no eller på epost til: dm873@kirken.no

Søknadsfrist 23. mars 2025

Kontaktinformasjon

Steinar Sørhus, Fellesrådsleiar , 47755746
Dag Tormod Milje, Nestleiar , 93415401

Arbeidssted

Kleivavegen 2
5574 Skjold

Nøkkelinformasjon:

Arbeidsgiver: Vindafjord kyrkjelege fellesråd

Referansenr.: 4928335474
Stillingsprosent: 100%
Fast
Søknadsfrist: 23.03.2025

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/63e0d0b3-f04c-42c8-a30b-b062f630bd7a
IMPORTAPI