Sveio kyrkjelege fellesråd har to sokn, Sveio sokn og Valestrand og Førde sokn. Det er tre kyrkjer og eitt kapell der arbeidet vert gjennomført. Mykje arbeid er felles og vert gjennomført i Sveio soknehus.

Hva vi ser etter

Kvalifikasjonar

Utdanning som kyrkjelydspedagog eller anna relevant utdanning innan kristendom/ teologi, pedagogikk eller musikk. Anna utdanning kan vurderast.

Erfaring med kyrkjeleg arbeid for barn og unge.

Personlege eigenskapar vil bli særleg vektlagde.

Du må trivast med ein del kvelds- og helgearbeid. Fleksibel arbeidstid.

Søkjar må vera medlem i Den norske kyrkja.

Den som vert tilsett, må leggja fram tilfredsstillande politiattest, jfr Kyrkjelova §29.

Arbeidsoppgaver

Arbeidsområde: Trusopplæring i Sveio sokn og Valestrand og Førde sokn.

Me søkjer ein kreativ og engasjert kyrkjelydspedagog/medarbeidar som kan leia arbeidet med trusopplæring i sokna i Sveio, i samarbeid med andre tilsette, trusopplæringsutvalet og sokneråda. Arbeidsoppgåver er mellom anna å leia babysang, dåpsskule, «Etter skoletid», arbeid for «Tweens» og andre tiltak i trusopplæringsplanen. Den som blir tilsett får nytta sine kvalifikasjonar og interesser og gjera aktivitetane i trusopplæring til sitt eige.

Sokna i Sveio har lange tradisjonar for å arbeida med frivilleg arbeid, og ein viktig del av arbeidet for alle tilsette er å byggja relasjonar og inspirera frivillege til å delta i soknet sitt arbeid.

Sokna i Sveio arbeider i stor grad saman for å styrkja arbeidet for born og unge i begge sokna, og ein del av arbeidet er felles for begge sokna.

Vi tilbyr

Vi kan tilby

Utfordrande og meiningsfylte arbeidsoppgåver i eit godt tverrfagleg stabsfellesskap med kompetente og engasjerte medarbeidarar.

Fagleg og personleg utvikling.

Løn etter gjeldande KA-tariff.

Pensjonsordning i KLP.

Tilsetjing skjer med Sveio kyrkjeleg fellesråd som arbeidsgjevar og med sokna Sveio og Valestrand og Førde som arbeidsområde.

Kontorstad: Sveio kyrkjekontor i Sveio soknehus.