Konsulent – Teknisk, eigedom og landbruk, Ørsta kommune
Construction Andre ingeniorer(19 timer siden)
Stillingsbeskrivelse
Published 17-10-2024
Deadline: 05-11-2024
Konsulent
I Ørsta kommune er det ledig ei 100 % fast stilling som konsulent ved kommunalområdet teknisk, eigedom og landbruk. Stillinga er tillagt merkantilt tverrfaglege oppgåver med hovudansvar for kommunale eigedomsgebyr. Den som tiltrer i stillinga vil vere ein del av kommunalsjefen sin stab.
Ørsta kommune skal vere med og utvikle samfunnet. Kommunalområdet teknisk, eigedom og landbruk er ein viktig leverandør av tenestene til innbyggjarar og næringsliv i kommunen. Teknisk, eigedom og landbruk leverer tenester innan vatn og avløp, plan og samfunnsutvikling, byggesak og oppmåling, brann og redning, beredskap, prosjektutvikling og forvaltning og har eige landbrukskontor og eigedomsskattekontor.
Arbeidsoppgåver
- Fakturering av kommunale eigedomsgebyr
- Bidra med merkantile oppgåver for eigedomsskattekontoret
- Bidra med administrative oppgåver og sakshandsaming for kommunalsjef
- Yte kundeservice ovanfor innbyggjarar
Andre oppgåver kan tilkome stillinga.
Kvalifikasjonar
- Høgskule eller fagskule innan administrasjon eller tekniske fag
- Relevant erfaring og praksis kan vege opp for manglande utdanning
- Erfaring med kommunale system som Acos Websak +, Komtek, Documaster og Visma Enterprise er ein fordel
- God digital kompetanse
- God norsk muntleg og skriftleg framstillingsevne. Kommunen nyttar nynorsk i all skriftleg kommunikasjon
Personlege eigenskapar
- Du er fleksibel og open for endringar
- Du er serviceinnstilt og har gode samarbeidsevner
- Du kan arbeide målretta, systematisk og sjølvstendig
- Du har evne til å utvikle deg fagleg
- Du er initiativrik
Vi tilbyr
- Eit spanande og tverrfagleg arbeidsområde og varierte oppgåver
- Godt arbeidsmiljø
- Moglegheit for personleg utvikling
- Gode pensjons- og forsikringsordningar for tilsette i KLP
Stillinga er plassert i kapittel 4 i samsvar med HTA
Stillingskode og lønsplassering vert fastsett etter kvalifikasjon og avtale ved tilsetting.
Referansar vert nytta og aktuelle søkjarar vert kalla inn til intervju.
Personlege eigenskapar vert vektlagde i ei heilskapleg vurdering av søkjarane.
Løns- og arbeidsvilkår i samsvar med gjeldande lov, forskrift og avtaleverk.
Dokumentasjon
Framlegging av vitnemål og attestar saman med søknaden er ein føresetnad for best mogleg sakshandsaming. Vitnemål og attestar dannar grunnlag for fastsetjing av ansiennitet og rett løn. Vi ber om at attestar og vitnemål scannast og lastast opp som vedlegg til søknaden din.
Ørsta kommune arbeider for å skape ein heiltidskultur, der heile stillingar er det naturlege. Kvalitet på tenestene, kontinuitet og tryggleik skal stå i sentrum. Som tilsett er du ein viktig medspelar i kommunen sine utviklingsarbeid.
Om offentleglova
I samsvar med offentleglova § 25, kan opplysningar om søkjaren unnatakast offentleg søkjarliste, dersom søkjaren sjølv oppmodar om dette. Den som ønskjer at namnet skal vere unnateke offentleg søkjarliste må grunngje dette. Søkjaren sine behov vil verte vurdert konkret opp mot omsynet til offentleg interesse og kravet om ålment innsyn. Elles vil oppmodinga verte vurdert i høve prinsippet om meirinnsyn på vanleg måte. Dersom kommunen meiner at det ikkje er grunnlag for fritak, vil søkjaren verte kontakta og få tilbod om å trekkje søknaden før endeleg søkjarliste vert laga.
Kontaktinformasjon
Eldar Rune Øye, Kommunalsjef Teknisk, eigedom og landbruk, 93439790, eldar.oye@orsta.kommune.no
Arbeidsstad
Dalevegen 6
6153 Ørsta
Nøkkelinformasjon:
Arbeidsgivar: Ørsta kommune
Referansenr.: 4872707276
Stillingsprosent: 100%
Fast
Startdato: 01.01.2025
Søknadsfrist: 05.11.2024
DIVERSE INFO
Arbeidsgiver | Teknisk, eigedom og landbruk, Ørsta kommune orgnr: |
---|---|
Kort om arbeidsgiver |
Utvikling – gjennom medverknad, tilbakemelding og verdsetjing av kunnskap |
Webside | https://www.orsta.kommune.no/arbeid/ |
Bransje | Bygg og anlegg |
Yrke | Andre ingeniører |
Sted | ØRSTA (Adresse: Dalevegen 6 Postnr: 6153) |
Stillingstype | Fast Heltid Antall stillinger: 1 |
Sektor | Offentlig |
Krav | Unknown |
Tiltredelse | 01-01-2025 |
Søknadsfrist | 05-11-2024 |