Konsuleanta/ Vuosttaškonsuleanta – Sámi allaskuvla – Samisk høgskole
Uoppgitt/ ikke identifiserbare Ikke identifiserbare(1 uke siden)
Stillingsbeskrivelse
Published 16-12-2024
Deadline: 12-01-2025
Konsuleanta/ Vuosttaškonsuleanta
Rabas virgi konsuleantan/ vuosttaškonsuleantan
Sámi allaskuvlla bargiidossodagas lea rabas gaskaboddosaš 100% virgi bálkákonsuleantan. Virgi lea rabas gitta 30.4.2025, muhto sáhttá árvvoštallat guhkiduvvot jus ossodagas rahpasa vejolašvuohta dasa. Álgin farggamusat.
Bargoviidodat virggis
Virggis lea erenomáš ovddasvástádus hálddašit buot bálkámáksimiid ja dasa relevántta bargguid.
Barggut leat earet eará:
- Bálkkáid ja mátkegoluid máksimiid doaimmahit –
- Doarjut bálká- ja mátkebušeahta čuovvuleamis
- Bálkárehkenastin ja -raporteren
- Áššemeannudeapmi bargiidossodagas
- Eará barggut maid lagamus hoavda bidjá
Virggis lea dehálaš duddjot buori gulahallama sihke jođiheddjiiguin ja bargiiguin.
Njuovžilvuohta bargguid hárrái lea eaktu.
Lea maid dehálaš doaimmahit bargguid sihke iešheanalaččat ja ovttas earáiguin.
Gelbbolašvuođagáibádusat
- Virgái gáibiduvvo oppalaš lohkangelbbolašvuohta, ja lea ovdamunni jus lea oahppu universitehta dahje allaskuvlla dásis
- Hálddahuslaš vásáhusat ja buorre máhttu bálkáhálddašeamis stádas lea ovdamunni
- Virggehasas gáibidit dárkilvuođa ja čorgatvuođa bargguid čađaheamis, ja ahte leat buorit bargonávccat. Son gii virgáiduvvo ferte máhttit bargat sihke iešheanalaččat ja ovttas earáiguin. Lassin fertejit leat buorit gulahallanattáldagat.
- Lea ovdamunni jus dovdá vuogádagaid maid geavahit otne, nu go arkiivavuogádaga Public 360, ja personála- ja bálkávuogádaga SAP.
- Son gii virgáibiddjo ferte bures máhttit sihke sámegiela ja ovtta skandináva giela njálmmálaččat ja čálalaččat.
Bálká
Virgi bálkáhuvvo Stáhta bálkáregulatiivva mielde. Bálká mearriduvvo ohcci oahpu ja bargohárjáneami vuođul, virgekoda 1065 konsuleanta dahje virgekoda 1408 vuosttaškonsuleanta.
Formála lassigelbbolašvuohta sámegielas unnimustá 60 oahppočuoggá bachelordásis, addá 20 000,- lassibálkán vuođđobálkái vuosttašgeardde virgáibidjamis Sámi allaskuvllas.
Bálkkás gesso 2% geatnegahtton divat Stáda penšuvdnakássii.
Mii fállat
- Virggi mas ovdánahttinvejolašvuođat, viiddis ja máŋggabealat fágabirrasis
- Ođđaáigásaš visttiid
- Máŋggabealat čálgofálaldagaid ja heivehahtti bargoáiggi
- buori bargobirrasa gos lea stuora fokus alla kvalitehtii ja ovdánahttimii
- Ealli sámegielbirrasa guovddáš sámi guovllus
Ohcan
Ohcan oktan CV:in ja dokumentašuvnnaiguin sáddejuvvojit elektrovnnalaččat www.jobbnorge.no bokte.
Bivdit almmuhit unnimusat guokte referánsa.
Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: support@grade.no dahje riŋget: 75 54 22 20.
Ohcanáigemearri: 12.1.2025
Máŋggabealatvuohta ja searvadahttin
Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccain dahje kultuvrralaš duogážis.
Jus leat gelbbolaš ohccit geat leat doaimmashehttejuvvon, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii.
Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš.
Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain.
Sámi allaskuvllas deattuha bargodili láhčimis juohke mielbargái.
Oppalaččat
Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris.
Fárrendoarjja máksojuvvo stáhta njuolggadusaid mielde.
Finnmárkkus lea sierra ortnet geahpedit lohkanloana ja vearrogeahpádus. Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii.
Oktavuođadieđut
Eanet dieđuid virggi birra oažžu bargiidhoavddas May Kristin Utsi Vars, tlf. +47 78448509/ +47 91385485, eboasta: maykuv@samas.no.
DIVERSE INFO
| Arbeidsgiver | Sámi allaskuvla – Samisk høgskole orgnr: |
|---|---|
| Kort om arbeidsgiver |
Sámi universitehta boahtteáiggi Sápmái – mii ollašuhttá sámi servodagaid máhttodárbbuid. Sámi allaskuvla lea njunuš sámegielat alitoahppo- ja dutkanásahus mii buvttada alladási gelbbolašvuođa mainna ovddida sámi iešmearrideami, guoddevaš ealáhusaid ja servodagaid. Min ásahusas lea miehtasámi perspektiiva, mii fátmmasta ja olaha olles Sámi, buot sámegielaid ja sámi servodagaid.Min luhtte galget buohkat dovdat oadjebasvuođa. Mii dovdat oahpes bálgáid ja seammás ráhkadit ođđa bálgáid amas duovdagiidda. Mii galgat nannet sámi gielaid, árvvuid ja máhttovuođuid, ja nu maiddái sámi servodagaid. Dál mii ohcat du guhte háliidat leat mielde ollašuhttimis ásahusa mihtuideamet |
| Webside | http://www.samas.no |
| Bransje | Uoppgitt/ ikke identifiserbare |
| Yrke | Ikke identifiserbare |
| Sted | KAUTOKEINO (Adresse: Hánnoluohkká 45 Postnr: 9520) |
| Stillingstype | Vikariat Heltid Antall stillinger: 1 |
| Sektor | Offentlig |
| Krav | Unknown |
| Tiltredelse | Unknown |
| Søknadsfrist | 12-01-2025 |
