IT konsulent Infrastruktur Nordfjordnett- intern utlysing

Vil du vere med og løfte Nordfjordkommunane sitt digitale tenestetilbod?

IKT Nordfjord søker IT konsulent til Infrastruktur i driftseininga Nordfjordnett, med tilsetjing så snart som mogleg.
Som IT konsulent Infrastruktur jobbar du i ei avdeling med 4 tilsette og 1 lærling . Du jobbar også tett med CISO, Brukarstøtte og Teamleiar for Server og Appliksjon.
Du kan finne vår tenestekatalog på vår heimeside www.nordfjordnett.no.

Kommunane Bremanger, Gloppen, Kinn, Stad og Stryn samarbeider om utvikling og drift av digitale tenester. Samarbeidet omfattar driftseininga Nordfjordnett som er lokalisert i Måløy og Strategisk eining som er lokalisert på Nordfjordeid. Samarbeidet er organisert som eit oppgåvefellesskap med eige styre og representantskap.
IKT Nordfjord skal legge til rette for digitalisering i samarbeidskommunane- saman med kommunane. IKT Nordfjord sitt overordna mål er å tilby eit heilskapleg digitalt tilbod til brukarar, tilsette og innbyggarar gjennom tenleg bruk av tidsrette løysingar og verktøy. IKT Nordfjord som tenesteytar skal vere oppdatert på felleskomponentane og leverandørmarknaden og er kommunane sin rådgjevar innanfor digitalisering og informasjonstryggleik. IKT Nordfjord er kontraktspart, driv porteføljestyring og er budsjettansvarlege for fagsystem og applikasjonar i samarbeidet.

Vi søkjer ein kunnskapsrik, engasjert og omgjengeleg person som skal bidra til at innbyggarar og tilsette får betre digitale løysingar. Stillinga er lokalisert i Måløy saman med driftseininga. Kinn kommune vil ha det formelle arbeidsgjevaransvaret.

Arbeidsoppgåver

• Drift og vedlikehald av våre IT-løysingar med spesielt fokus på nettverk, datakommunikasjon og datasenter infrastruktur
• Drift av nettverksinfrastruktur som brannmurar, ruterar, svitsjar og trådlauspunkt
• 2. line brukarstøtteoppgåver
• Dialog og oppfølging av leverandørar og tredjeparts support
• Rådgjeving innan IT i både drift- og prosjektsamanheng, samt prosjektdeltaking
• Arbeid med løysingsdesign, anskaffing og implementering av ny teknologi
• Arbeid med informasjonssikkerheit

Kvalifikasjonar

• Relevant utdanningsløp på fagarbeidarnivå, med førsetnad om at ein har/får godkjent fagbrev
• Erfaring innan drift av brannmurar, ruterar, vpn, svitsjar, SAN, serverar og backup
• Erfaring med fiber og optikk, cwdm og dwdm
• Erfaring med systemovervaking, sikkerheitsløysingar,
• Erfaring med virtualisering som til dømes VmWare – ESXi 
• God kunnskap om installasjon, konfigurasjon og drift av lagringssystem (SAN)
• Må beherske norsk og engelsk, både skriftlig og muntlig
• Førerkort klasse B

Personlege eigenskapar

• Du er omgjengeleg, har godt humør og er serviceinnstilt
• Du er lærevillig, resultat- og utviklingsorientert
• Du jobbar godt i team, men også sjølvstendig
• Du har gode kommunikasjons- og samarbeidsevner og du ser samanheng mellom brukarbehov og IT-løysingar
• Du er ansvarsbevisst med fokus på sikkerheit og kvalitet

Vi tilbyr

• Løn etter avtale
• God pensjonsordning
• Intern opplæring og fagøkter
• Engasjerte kollegaer og eit godt fagmiljø

Kontaktinformasjon

Tommy Skudal, Teamleiar Infrastruktur, 90886626
Anne Ruth Botn Bjørlo, Konstituert dagleg leiar, +47 +47 91809077

Nøkkelinformasjon:

Arbeidsgivar: Kinn kommune

Referansenr.: 4859133931
Stillingsprosent: 100%
Fast
Søknadsfrist: 08.10.2024

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/2257db20-2581-48b3-9780-36a1f255f2bc
IMPORTAPI