Helgestillingar og tilkallingsvikarar ved Seljetunet – Seljetunet omsorg og rehabilitering, Stad kommune
Transport og lager Logistikk lagerarbeid og innkjop(2 uker siden)
Stillingsbeskrivelse
Published 09-09-2024
Deadline: 30-09-2024
Helgestillingar og tilkallingsvikarar ved Seljetunet
Er du interessert i å arbeide med mennesker og helsefaget? Er du under utdanning eller på utkikk etter nye utfordringar?
Seljetunet omsorg og rehabilitering i Stad kommune har fleire ledige helgestillingar og har behov for tilkallingsvikarar. Stillingane er ledige frå dags dato.
Seljetunet utfører tenester til bebuarar i institusjon og bufelleskap. Seljetunet har totalt 47 plassar der 31 rom er for langtidsopphald i institusjon og 16 bemanna omsorgsbustadar. Vi har tre avdelingar for langtidsopphald, der den eine avdelinga er spesielt tilpassa bebuarar med behov for skjerming i kvardagen. I tillegg har eininga avlastingsopphald og korttidsopphald. Seljetunet har eige institusjonskjøkken som og leverer mat til heimebuande i ytre del av Stad kommune
Vi er opptekne av å utvikle tenestene i tråd med nasjonale føringar for morgondagens eldreomsorg. Vi arbeider målretta med kompetanseutvikling og eit best mogleg arbeidsmiljø for våre tilsette og legg vinn på god livskvalitet for bebuarane.
Arbeidsoppgåver
- Gjennomføre faglege oppgåver, omsorg og behandling
- Kartlegge og vurdere behov
- Følge opp og dokumentere tenesteytinga etter kvalitetskrav, lovverk og kommunale retningslinje
Kvalifikasjonar
- Ønskeleg med autorisasjon som helsefagarbeidar, sjukepleiar eller vernepleiar
- Lærlingar, studentar innan helsefaglege utdanningar kan gjerne søkje.
- Er du vernepleiar – eller sjukepleiestudent er det mogleg å få stipendordning med kommuna.
- Andre med interesse for eldreomsorg kan og søkje
- Gode språkkunnskapar i norsk både munnleg og skriftleg
Personlege eigenskapar
- Gode kommunikasjonsevner, høfleg og interessert
- Likar utfordringar og varierte arbeidsoppgåver
- Er fleksibel og interessert i forbetringsarbeid
- Tek initiativ og ansvar
- Kan arbeide sjølvstendig og saman med andre
- Fokus på etikk
Vi tilbyr
- Godt tverrfagleg samarbeid og godt arbeidsmiljø
- Høve til fagleg utvikling
- Løn- og arbeidsvilkår i samsvar med gjeldande lov- og avtaleverk
- Gode pensjons- og forsikringsordningar
- Politiattest skal leggast fram før start i stillinga
- Om du ynskjer høgare stillingsprosent og vil arbeide i fleire einingar så vil vi prøve å legge tilrette for det
Vi ber om at attestar og vitnemål vert lasta opp saman med søknaden. Politiattest skal leverast før start i stillinga.
Stad kommune har 6 månader prøvetid.
Vi gjer merksam på at etter § 25 i offentleglova kan opplysningar om søkjaren bli offentlege sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast.
Kontaktinformasjon
Stine Fylling, avdelingsleiar Seljetunet, 984 82 449, stine.fylling@stad.kommune.no
Heidi Munch Starheim, einingsleiar Seljetunet, 480 45 210, heidi.munch.starheim@stad.kommune.no
Arbeidsstad
6740 Selje
Nøkkelinformasjon:
Arbeidsgivar: Stad kommune
Referansenr.: 4856560094
Stillingsprosent: 30%
Fast
Søknadsfrist: 30.09.2024
DIVERSE INFO
| Arbeidsgiver | Seljetunet omsorg og rehabilitering, Stad kommune orgnr: |
|---|---|
| Kort om arbeidsgiver |
Stad kommune har om lag 9 600 innbyggjarar og ligg i Nordfjord i Vestland fylke. Kommunen vart oppretta 1. januar 2020 då kommunane Eid og Selje og bygdene Maurstad, Bryggja og Totland vart slått saman. Kommunen består av fleire livskraftige tettstader og strekkjer seg frå storhavet i vest til fjell- og fjordlandskap i aust. I kommunen finn du Vestkapp, surfemiljø i Hoddevika, Selja kloster, Harpefossen skisenter, vikingsenteret Sagastad, Malakoff rockfestival, Opera Nordfjord og Europas djupaste innsjø, Hornindalsvatnet. Kommunen har ledige bustadtomter, gode kommunale tenester, eit variert næringsliv og innbyggjarar med initiativ og pågangsmot. Stad kommune har som overordna mål å bli fleire. Vi treng deg som ønskjer å flytte til kommunen vår, og vi treng deg som har budd ute ei stund og ønskjer å flytte heim. Vi ønskjer å utvikle eit livskraftig og trygt samfunn der vi alle dreg i lag. I Stad kommune vil du møte lokalsamfunn som skil seg ut. Kommunen er stor nok til å gje deg rom og la deg leve ut draumane dine, og liten nok til å sjå deg og ta vare på deg. Vi ønskjer deg med på laget! https://www.nordfjord.no/stad https://www.einstadistad.no/ |
| Webside | http://www.stad.kommune.no |
| Bransje | Transport og lager |
| Yrke | Logistikk, lagerarbeid og innkjøp |
| Sted | SELJE (Adresse: Postnr: 6740) |
| Stillingstype | Fast Deltid Antall stillinger: 5 |
| Sektor | Offentlig |
| Krav | Unknown |
| Tiltredelse | Unknown |
| Søknadsfrist | 30-09-2024 |
