Forvaltar eigedom og bygg

Helse Vest IKT er ei av dei største IT-bedriftene på Vestlandet. Vi forvaltar og har driftsansvar for både kliniske og administrative systemløysingar for alle helseføretaka i Helse Vest. Dette inkluderar alt frå store komplekse regionale system, til mindre, lokale system på dei enkelte sjukehusa. Mange av løysingane er svært kritiske i pasientbehandlinga og stiller strenge krav til oppetid og kvalitet.

Seksjon for Administrative system høyrer til under avdelinga Tenesteutvikling. Her blir mange av dei store systemløysingane i Helse Vest forvalta, som til dømes dei for HR, prosjektstyring, HMS,
sak/arkiv, kvalitetsstyring, samt drift og eigedom. I tillegg har
seksjonen forvaltaransvar for Sjukehusapoteka Vest sine kjernesystem.

Vi søkjer no etter ein medarbeidar som kan bidra i forvaltingsarbeidet rundt systemløysingar innanfor drift- og eigedomsforvaltning. Dette inneber mellom anna forvaltningsansvar for FDVU-system, reinhaldssystem, kjøkkenlogistikksystem, planteikningssystem og liknande applikasjonar.

Du som forvaltar vil vere den som har oversikt, som planlegg og koordinerer
aktiviteten som skal skje rundt desse løysingane, og som følger opp utvikling
og bruk. Du har tett samarbeid med systemansvarlege og
superbrukarar både regionalt og lokalt, og du tek del i samarbeidsforum med helseføretaka. Internt i
Helse Vest IKT jobbar du i team med andre medarbeidarar rundt dei aktuelle
løysingane.

Arbeidsstad er Stavanger, Bergen, Haugesund eller Førde.

Arbeidsoppgåver

Du har, saman med teamet du jobbar i, ansvar for drift, forvalting og vidareutvikling av systemløysingane. Dette inneber at:  

• Forbetring er viktig for deg, og du er ein pådrivar for vidareutvikling av system og arbeidsprosessar.
• Du gir råd, bidreg til problemløysing og handterer episodar.
• Du koordinerer ulike aktivitetar inn mot brukarmiljøa og internt i Helse Vest IKT.
• Du koordinerer aktivitet mot leverandør og er eit proaktivt kontaktpunkt for oppgraderingar, funksjons- og løysingsforbetringar.
• Du bidreg til at løysinger du forvaltar er godt dokumentert.
• Du deltek i aktuelle prosjekt eller i aktuelle arbeidsgrupper.

Kvalifikasjonar

• Relevant universitets-/høgskuleutdanning med fordjuping innan IKT.
• Erfaring med forvalting av system.
• Kjennskap til bruk av drift- og eigedomssystem med tilhøyrande prosessar tel positivt.
• Kjennskap til helseføretak som brukarmasse tel positivt.
• Teknisk kompetanse, erfaring og forståing er naudsynt dersom du ikkje har fordjuping innan IKT.

Personlege eigenskapar

• Du har evne til å arbeide sjølvstendig og ta ansvar.
• Du er god på å gjere prioriteringar i ein hektisk kvardag.
• Du er strukturert, systematisk og har fokus på kvalitet.
• Du har gode samarbeids- og kommunikasjonsevner og likar å jobbe i team.
• Du har interesse for feilsøking og problemløysing.
• Du har interesse for vidareutvikling og er proaktiv.

Vi tilbyr

• Du får moglegheita til å medverke i utforminga av IKT-løysingar for framtidas helsevesen.
• Du får delta i spanande oppgåver både lokalt og regionalt.
• Du får delta i eit fellesskap og i team med mange kjekke kollegaer med brei kompetanse.
• Moglegheit for fleksible arbeidstidsordningar, inkludert fleksitid.
• Løn etter avtale.
• Medlemskap i KLP som sikrar gode pensjonsordningar.

Vi oppfordrar alle søkjarar til å nytte Vitnemålsportalen for å laste opp vitnemål og karakterutskrifter. Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemalsportalen.no. Har du har tatt utdanning i utlandet, må du leggje ved godkjenning frå Direktoratet for høgare utdanning og kompetanse i søknaden (https://hkdir.no/utdanning-fra-utlandet). Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.

Kontaktinformasjon

Oddny Sønnesyn, Seksjonsleiar, +47 94864942

Arbeidsstad

Bjørnsons gate 29
5052 Bergen

Nøkkelinformasjon:

Arbeidsgivar: Helse Vest IKT

Referansenr.: 4833481868
Stillingsprosent: 100%
Fast
Søknadsfrist: 30.09.2024

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/533fe7bb-ba41-492d-8936-6811527fb83f
IMPORTAPI