Fagarbeidar på Hovden skule – Oppvekst, kultur og inkludering, Ørsta kommune
Carpenters Rorlegger(18 timer siden)
Stillingsbeskrivelse
Published 13-10-2024
Deadline: 30-10-2024
Fagarbeidar på Hovden skule
Hovden skule i Ørsta kommune har behov for fagarbeidarar i skule og SFO. Arbeid i ferie-SFO vil utgjere ein del av stillinga. Vi har ledig to vikariat frå dags dato og ut skuleåret 2024/2025.
Hovden skule er ein 1-7 skule med SFO. Det er omlag 110 elevar på skulen og ca 20. tilsette samla i skule og SFO.
Arbeidsoppgåver
- Arbeide med elevar i skule og SFO, og vere ein del av grunnbemannniga på SFO og ferie-SFO
- Assistere elevar med særskilte behov
- Følgje opp og arbeide med både enkeltelevar og elevgrupper
- Gjennomføre undervisningsopplegg, planlagt av, og under rettleiing av pedagog
- Delta i praktisk tilrettelegging av elevar sin skule- og SFO-kvardag
- Delta aktivt under måltid, friminutt og på turar
- Bruke elevane sitt kommunikasjonsverktøy aktivt
Kvalifikasjonar
- Vi søkjer etter barne- og ungdomsarbeidarar (fagbrev) med erfaring frå arbeid i grunnskulen
- Søkjarar med erfaring frå liknande miljøarbeid vil også kunne vere interessante for stillinga
- God norsk muntleg og skriftleg framstillingsevne. Kommunen nyttar nynorsk i all skriftleg kommunikasjon
- Det vert stilt krav om politiattest ved tilsetjing
Personlege eigenskapar
- Gode samarbeidsevner og høg relasjonskompetanse
- Vere løysningsorientert, fleksibel og sjølvstendig
- Ha eit positivt elevsyn og vektlegge inkludering av born med særskilte behov
- Er ein god rollemodell og ein trygg og tydeleg vaksenperson
- Tek i mot rettleiing og er lojal mot våre rutiner
- God på samarbeid både med born, føresette og andre tilsette
- Kunne bidra til utviklinga av eit inkluderande og raust arbeidsmiljø
Vi tilbyr
- Eit godt arbeidsmiljø
- Varierte arbeidsoppgåver og eit stimulerande arbeidsmiljø der elevane si læring og utvikling står i sentrum
- Gode pensjons– og forsikringsordningar for tilsette i KLP
Stillinga er plassert i kap. 4 gr.1.2 – Fagarbeidarstilling
Stillingskode 7517 – Barne- og ungdomsarbeidar, 6684 – Miljøarbeidar alternativt 6572 – Assistent
Referansar vert nytta og aktuelle søkjarar vert kalla inn til intervju.
Personlege eigenskapar vert vektlagde i ei heilskapleg vurdering av søkjarane.
Løns- og arbeidsvilkår i samsvar med gjeldande lov, forskrift og avtaleverk.
Dokumentasjon
Framlegging av vitnemål og attestar saman med søknaden er ein føresetnad for best mogleg sakshandsaming. Vitnemål og attestar dannar grunnlag for fastsetjing av ansiennitet og rett løn. Vi ber om at attestar og vitnemål scannast og lastast opp som vedlegg til søknaden din.
Ørsta kommune arbeider for å skape ein heiltidskultur, der heile stillingar er det naturlege. Kvalitet på tenestene, kontinuitet og tryggleik skal stå i sentrum. Som tilsett er du ein viktig medspelar i kommunen sine utviklingsarbeid.
Om offentleglova
I samsvar med offentleglova § 25, kan opplysningar om søkjaren unnatakast offentleg søkjarliste, dersom søkjaren sjølv oppmodar om dette. Den som ønskjer at namnet skal vere unnateke offentleg søkjarliste må grunngje dette. Søkjaren sine behov vil verte vurdert konkret opp mot omsynet til offentleg interesse og kravet om ålment innsyn. Elles vil oppmodinga verte vurdert i høve prinsippet om meirinnsyn på vanleg måte. Dersom kommunen meiner at det ikkje er grunnlag for fritak, vil søkjaren verte kontakta og få tilbod om å trekkje søknaden før endeleg søkjarliste vert laga.
Kontaktinformasjon
Annelin Wangen, Rektor, 91 24 84 76, annelin.wangen@orsta.kommune.no
Arbeidsstad
Skulevegen 6
6160 Hovdebygda
Nøkkelinformasjon:
Arbeidsgivar: Ørsta kommune
Referansenr.: 4868467977
Stillingsprosent: 50%
Vikar
Startdato: 01.11.2024
Sluttdato: 31.07.2025
Søknadsfrist: 30.10.2024
DIVERSE INFO
Arbeidsgiver | Oppvekst, kultur og inkludering, Ørsta kommune orgnr: |
---|---|
Kort om arbeidsgiver |
Utvikling – gjennom medverknad, tilbakemelding og verdsetjing av kunnskap |
Webside | https://www.orsta.kommune.no/arbeid/ |
Bransje | Håndverkere |
Yrke | Rørlegger |
Sted | HOVDEBYGDA (Adresse: Skulevegen 6 Postnr: 6160) |
Stillingstype | Vikariat Deltid Antall stillinger: 2 |
Sektor | Offentlig |
Krav | Unknown |
Tiltredelse | 01-11-2024 |
Søknadsfrist | 30-10-2024 |