Fagansvarlig Kystlynghei

Om arbeidsstaden og stillinga

Lyngheisenteret på Lygra er eit nasjonalt og internasjonalt kunnskaps- og informasjonssenter for kystlynghei, og eit av musea i MUHO (Museumssenteret i Hordaland). Landskapet har kulturhistoriske røter 5000 år tilbake i tid og er del av Nordhordland UNESCO Biosfæreområde. Gjennom aktiv tradisjonell drift av lyngheiene med brenning og beiting med gamalnorsk sau, vernar vi lyngheilandskapet og formidlar kunnskap og tradisjonar som gjev gode opplevingar til besøkjande. Drifta er i eit nært samarbeid med grunneigarane på Ytre Lygra.

Vi samarbeider med Universitet i Bergen (UiB) og andre institusjonar om forsking og forvaltning av kystlyngheiene i eit miljø- og berekraftsperspektiv. Vi er leiar for det nasjonale lyngheinettverket og deltek aktivt i det europeiske nettverket for lyngheier.

Lyngheisenteret tilbyr kurs, undervising og ulike aktivitetar knytt til kulturlandskapet. I infosenteret er det mellom anna utstilling, møterom, auditorium og kafé/restaurant.

Det er no ledig eit 80 % vikariat i eitt år som fagansvarleg for kystlynghei, med mogelegheit for utviding og fast tilsetting. 

Vi ser etter deg som kan bidra med drivkraft og inspirasjon for å utvikle og løfte Lyngheisenteret sitt fagleg arbeid, og vere med å skape gode relasjonar med våre samarbeidspartnarar, nettverk og besøkande.

Stillinga vil ha breidde i dei faglege oppgåvene, frå formidling til forsking, med hovudansvar for å ivareta og utvikle den naturfaglege delen, og følgje opp forsking, skjøtsel og forvalting innan fagfeltet.

Dette er stillinga for deg som vil bidra til å styrke vårt faglege fokus på kystlynghei både i drift, utvikling, formidling og forsking. Du trivast i ei lita avdeling med 6 fast tilsette og fleire sesongtilsette. 

Arbeidsoppgåver

• Ansvar for å ivareta og utvikle den natur- og kulturfaglege delen av drifta.
• Følgje opp den faglege delen av forvaltninga og skjøtselen av kystlyngheia.
• Følgje opp og delta i forsking innan fagfeltet, og sørge for at Lyngheisenteret er ein relevant part i forsking innan fagfeltet.
• Nettverksarbeid innan kystlynghei og kulturlandskap.
• Utvikle og gjennomføre undervisingstilbod og drive formidling.
• Andre oppgåver ved behov.

Kvalifikasjonskrav

Vi søkjer deg som er strukturert, målretta og likar nye utfordringar. Du har ein solid naturfagleg bakgrunn og har ambisjonar om å utvikle Lyngheisenteret som ein heilskapleg kompetanse- og formidlingsarena for kystlynghei. 
Di forståing for våre tematiske og historiske fokusområde er god, og du søkjer aktivt ny lærdom.

Du er god på kommunikasjon og møter publikum på deira nivå. Du sett fagkunnskap inn i relevante og aktuelle samanhengar, og bidreg til refleksjon og lærdom.

Du evner å vere sjølvmotivert og jobbe sjølvstendig, samstundes som du samarbeider godt som del av eit team og er ein god nettverksbyggar.

Du ser mogelegheiter og fremjar idear, og er fleksibel, kreativ og løysingsorientert. Du har handlekraft og god gjennomføringsevne, og er nysgjerrig og villig til å prøve noko nytt.

Lyngheisenteret er lokalisert på Lygra og du må ha bil og førarkort.

Våre verdiar er likeverd, openheit, kompetanse og engasjement, og vi søkjer deg som kan identifisere deg med desse verdiane.

• Oppnådd mastergrad eller tilsvarande innan naturfagleg fagfelt; økologi, botanikk, zoologi, kulturlandskap og/eller andre relevante fag. Oppnådd PhD er ein fordel, men ikkje eit krav.
• Relevant arbeidserfaring innanfor naturforvalting, formidling eller forsking.
• Erfaring med prosjektarbeid, analysearbeid og søknadsskriving.
• Erfaring frå praktisk skjøtsels- eller feltarbeid i kulturlandskap er ein fordel.
• Erfaring frå undervisning er ein fordel.
• Gode kunnskapar skriftleg og munnleg i norsk og engelsk.
• Grunnleggande ferdigheiter og forståing innan IT. 
• Evne til å nytte eller rask lære å ta i bruk nye og relevante digitale verktøy. Det er ein fordel om du kjenner relevante analyse- og statistikkverktøy og handterer sosiale media godt.

Vi tilbyr

• Ein spennande og utfordrande jobb på eit unikt museum, med godt arbeidsmiljø og varierte oppgåver.
• 80 % vikariat i eitt år, med mulighet for utviding og fast tilsetting.
• Lønn etter avtale/tariff

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/6492d415-71f6-4686-bf05-8585f327bf9c
IMPORTAPI
https://www.jobbnorge.no/ledige-stillinger/stilling/277638