Fagansvarleg for opplæring innan forskingsetikk og personvern

Høgskulen på Vestlandet, Fellesadministrasjonen, avdeling for utvikling av læring og undervisning har ledig stilling som rådgivar

Avdeling for utvikling av læring og undervisning (ALU) ved Høgskulen på Vestlandet har ledig rådgivarstilling som fagansvarleg for opplæring innan forskingsetikk og personvern. Stillinga er plassert under prorektor for utdanning og krev tett samarbeid med prorektor for forsking og med fakulteta.

Vi søker ein motivert og kompetent medarbeidar med høg kompetanse i opplæring innan forskingsetikk og personvernbruk. Stillinga vil gje den som vert tilsett høve til å arbeide med varierte oppgåver og å utvikle institusjonen. Arbeidsplass kan være på et av de fem campusane på HVL (Haugesund, Stord, Bergen, Førde, Sogndal). Ettersom HVL er ein fleircampusinstitusjon må noko reiseverksemd påreknast.

Stillinga skal bidra til å sikre at leiarar, vitskapleg og administrativ tilsette med ansvar innan forsking, undervisning og rettleiing har god forståing til og tek i vare krava i forskingsetikklova og personvernregelverket. Stillinga har ei sentral kulturbyggjande rolle på HVL innan forskingsetikk og personvern i forsking og i studentoppgåver. Særleg sterke kandidatar kan vurderast til seniorrådgivar.

Ansvars- og arbeidsoppgåver:

• Bidra til at alle tilsette som arbeider med og har ansvar innan forsking, undervisning og rettleiing har god forståing av forskingsetikk og personvernreglar, og er i stand til å implementere desse prinsippa i sitt arbeid
• Ansvar for utvikling og gjennomføring av opplæringsprogram innan forskingsetikk og personvern for både leiarar, administrative og vitskaplege tilsette
• Samarbeide med fakulteta og andre administrative avdelingar for å identifisere opplæringsbehov og utviklingsmoglegheiter for dei tilsette
• Vere ein ekstra støtte for dei som har ansvar for opplæring på ph.d.-utdanningane
• I samarbeid med HR sikre god leiaropplæring knytt til rolle og ansvar for forskingsetikk og personvern
• Vere ei støtte i opplæring av forskingsetiske komitear ved fakulteta
• Samarbeid kring opplæring og rådgjeving med IT, bibliotek og HVL sitt personvernombod
• Delta i utgreiing-, analyse- og implementeringsarbeid knytt til ansvarsområdet
• Halde seg oppdatert på nasjonale og internasjonale bestemmingar og retningslinjer innan forskingsetikk og personvern og delta i nasjonalt og internasjonalt arbeid på feltet der dette er relevant for HVL
• Halde seg oppdatert på aktuelle system og pedagogiske verktøy som KI innanfor eiget ansvarsområde

• Andre oppgåver kan bli tillagt stillinga 

   

Kvalifikasjonskrav:

Formell utdanning og kompetanse:

• Relevant høgare utdanning
• Erfaring innan arbeid med forskingsetikk og personvern, enten gjennom arbeidserfaring, utdanning og/eller forsking
• Evne til å tilpasse og undervise komplekse tema på ein forståeleg måte til ulike målgrupper
• God til å jobbe sjølvstendig og kunne planlegge utvikling og gjennomføring av opplæringsprogram for tilsette og leiarar

• God kommunikasjonsevne og evne til å samarbeide godt med ulike interessentar internt og eksternt

   

Ønskede kvalifikasjonar:

• Relevant utdanning på masternivå
• God kunnskap om forskingsetikk og personvern i forsking og i studentoppgåver
• Gode ferdigheiter i engelsk, skriftleg og munnleg
• Erfaring frå universitets- og høgskulesektoren
• Kjennskap til forskingsprosessar

• Kompetanse om personvern og informasjonssikkerheit

   

Personlige egenskaper:

• Høgt etisk medvit
• Reflektert og analytisk
• Initiativtakande
• Nytenkande
• Personleg eignaheit vil bli vektlagt

Vi tilbyr:

• Gode pensjons-, forsikrings-, og låneordningar i Statens pensjonskasse
• Spennande fagmiljø med moglegheit for kompetanseheving – og utvikling
• Høve for trening i arbeidstida

Stillinga som rådgivar er løna etter Statens lønsregulativ, i stillingskode 1434 – rådgivar.

Frå løna vil det bli trekt 2 % innskot til Statens pensjonskasse.

Korleis søke på stillinga?

Send søknad og CV ved å klikke på knappen merka ”Søk stilling” på denne sida.

Det er søkjar sitt ansvar å sørgje for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Dersom vedlegga overskrid 50 MB må dei komprimerast før opplasting eller leggjast ved som lenkje.

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  Sjå www.hkdir.no for meir informasjon om vurdering av høgare utdanning. 

HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her.

Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din. 

Søknadar kan ikkje sendast på e-post til enkeltpersonar ved høgskulen.

Generell informasjon:

Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.

Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetjing og rekruttere personar med minoritetsbakgrunn, nedsett funksjonsevne og hol i CV.

Arbeids- og opphaldsløyve i Norge er ein føresetnad for å tiltre stillinga. 

Høgskulen på Vestlandet er underlagt forskrift for eksportkontrollsystem. Forskrifta kan komme til anvending i behandlinga av søknadane.

Vi tek atterhald om at stillinga si plassering i organisasjonen kan bli endra som følgje av ev. justeringar i HVL si interne organisering.

Kontaktperson ved Høgskulen på Vestlandet er:

1) Avdelingsleiar Karl Robert Isaksen, karl.robert.isaksen@hvl.no

Inkludere, utfordre og samhandle

Les meir på våre heimesider.

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/9e78a482-507d-461b-b25b-14b482488a78
IMPORTAPI
https://www.jobbnorge.no/ledige-stillinger/stilling/272277