Ekstrahjelp til Vossabadet

Er du ein sprudlande person som trivst best med badehår og shorts heile året? Er du like komfortabel med å slå av ein prat med badegjestene som du er med å ta eit svevande stup frå kanten (eller i det minste stå støtt på bassengkanten)? Då vil me ha deg med på laget!
Vossabadet og Voss Idrettshall KF lever etter mottoet #ReinGlede, og no treng me ekstrahjelpar som vil bidra til god stemning og trygge omgjevnader for alle som vitjar anlegga våre – både som badevert og til kafé/kioskdrift i Utebassenget. No når me skal gjenopna Utebassenget vert det eit utvida behov for bemanning gjennom sommaren (1.juni til 1.september), så om du vil kan du truleg kunne jobba ein del fleire timar gjennom sommaren og få ein tilpassa turnus gjennom desse månadene. Resten av året vil du kunne plukke opp ledige vaktar som ekstrahjelp.

Tilsetjinga skjer fortløpande i perioden

Om stillinga

Som tilkallingsvikar vil du bli kontakta ved behov, noko som gjev fleksibilitet for både arbeidsgivar og arbeidstakar. Og best av alt? Sommar betyr Utebasseng, sol (me kryssar fingrane!) og sjansen for fleire vakter.

Me tilbyr:

• Ein arbeidsgjevar som trur på at glade og nøgde tilsette gjev glade kundar
• Gode forsikrings- og pensjonsordningar
• Løn etter kommunalt avtaleverk og gode pensjons- og forsikringsordningar. Eit ekstra tillegg for rolla som ansvarsvakt
• Full opplæring innan livredning/fyrstehjelp, reinhald og driftsrutinar
• Fleksibel arbeidstid- perfekt om du vil kombinera arbeid med studiar eller ein aktiv kvardag
• Uniform: Shorts og slippers- året rundt 

Arbeidsoppgåver og ansvar:

• Overvake bassengområdet og sikre tryggleiken for våre badegjester. 
• Bidra til reinhald og trivsel i anlegget – tryggleik startar med reinhald.
• Levere strålande service i resepsjon og kafé. 
• Delta i vedlikehald av eigne ferdigheiter, inkludert halvårleg livredningstest.

Kvalifikasjonar

• Søkjar må vera fylt 18 år
• Du er serviceinnstilt og positivt
• Du må  bestå ein livredningstest
• Du er ansvarsbevisst og handterer myndig situasjonar når det trengst.
• Erfaring frå liknande arbeid eller interesse for aktivitet i vatn er eit pluss.

Søkjer du arbeid hjå oss og har ein partner som gjer det same, finn du mange spennande stillingar i Voss herad her: Voss herad – Våre ledige stillingar (easycruit.com)

Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn. 
Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje Offentleglova § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje.

Link til søknadsskjema: Søk her
 

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/2885e2f4-0197-4e90-8bf3-9afeeeb5b07d
IMPORTAPI