Einingsleiar Sunnylven og Geiranger distrikt – Stranda kommune
Health and social care Leder innenfor helsetjenester(16 timer siden)
Stillingsbeskrivelse
Published 24-10-2024
Deadline: 07-11-2024
Einingsleiar Sunnylven og Geiranger distrikt
Stranda kommune er organisert etter prinsippet om flat struktur (2-nivåmodell) med 14 driftseiningar og stab/støttefunksjon direkte underlagt kommunedirektør.
Sunnylven distrikt og Geiranger distrikt er to av tre omsorgsdistrikt i Stranda kommune. Einingsleiar har eit sjølvstendig ansvar for fag, økonomi og personal og er organisatorisk underlagt kommunalsjef for helse og omsorg.
Frå 01.01.2025 har vi ledig fast stilling som einingsleiar Sunnylven og Geiranger distrikt i 100% stilling.
Sunnylven distrikt er ein omsorgsbustad med 23 leilegheiter, i tillegg blir det gitt heimeteneste og matombering til eit varierande tal heimebuande.
Geiranger distrikt er ein omsorgsbustad med 9 leiligheiter, i tillegg blir det gitt heimeteneste på dagtid til heimebuande.
Helse og omsorgssektoren i kommunen er i omstilling og i samband med dette skal einingsleiarfunksjonen delast mellom dei to distrikta, med oppmøtestad Sunnylven omsorgssenter. Einingsleiaren skal vere ved Geiranger omsorgssenter ein gong i veka eller oftare ved behov.
Aktuelle søkjarar vil bli innkalla til intervju. Tilsetting skjer etter gjeldande lover, reglement og tariffavtalar, herunder 6 mnd. prøvetid og 2% pensjonsinnskot. Vi gjer merksam på at opplysningar om søkjaren kan bli offentleggjort sjølv om søkjaren har oppmoda om å ikkje bli ført opp på søkjarliste. Søkjar vert varsla om dette vert gjort. Jf. Offentleglova § 25.
Arbeidsoppgåver
- Leiing av eininga, der både eininga og kommunen sine interesser skal stå i fokus
- Økonomi- og personalansvar
- Omstillingsprosessar
- Prosjektarbeid
- Ansvar for HMS og interkontroll
- Arbeide strukturert for å nå eininga sine målsettingar
Kvalifikasjonar
- Helsefagleg kompetanse på universitets- / høgskulenivå eller anna relevant utdanning
- Leiarutdanning og/eller økonomisk/administrativ utdanning er ynskjeleg, men ikkje eit krav. Det vil bli lagt til rette for at ein kan tileigne seg manglande leiarutdanning
- Gode leiareigenskapar og leiarerfaring blir vektlagt
- Kunnskap om økonomi, budsjettarbeid og personalleiing
- Kjennskap til helsesektoren og offentleg forvaltning, herunder lov- og avtaleverk
- Gode norskkunnskaper munnleg og skriftleg
Personlege eigenskapar
- Gode kommunikasjons- og samarbeidsevner
- Utviklingsorientert, samlande, handlekraftig og tydeleg
- Evne til å motivere, inspirere og støtte personalet i å skape eit godt arbeidsmiljø
- Evne til å leie omstillings- og utviklingsprosessar
Det vert lagt stor vekt på personlege eigenskapar
Vi tilbyr
- Ein arbeidsplass som byr på varierte, krevjande og spennande arbeidsoppgåver
- Samarbeid med fagleg dyktige medarbeidarar
- Konkuranssedyktig lønn
- I stillinga har du rett på ein av Norges sikraste pensjonsordningar. Der dei fleste tenestepensjonar kun vert utbetalt i 10 år, er offentleg tenestepensjon ei utbetaling som varer fra den dagen du sluttar å arbeide og livet ut. Pensjonen inkluderar også uføre- og etterlattepensjon om noko uventa skulle skje. Med pensjonsrett i KLP får du medlemspris og gunstige betingelsar på ei rekke bank-, forsikrings- og spareprodukt.
Les meir: Offentleg tenestepensjon
Kontaktinformasjon
Jane Petrin Solheimsnes, Kommunalsjef, +47 46411003
Arbeidsstad
Sjøgata 16
6200 Stranda
Nøkkelinformasjon:
Arbeidsgivar: Stranda kommune
Referansenr.: 4876298886
Stillingsprosent: 100%
Fast
Søknadsfrist: 07.11.2024
DIVERSE INFO
Arbeidsgiver | Stranda kommune orgnr: 974617854 |
---|---|
Kort om arbeidsgiver |
Stranda kommune med bygdene Stranda (kommunesenter), Hellesylt, Geiranger og Liabygda ligg på indre Sunnmøre, ca. 1 times reisetid frå Ålesund. Kommunen har ca. 4.400 innbyggjarar, eit variert næringsliv med høg sysselsetting, godt utbygd barnehage- og skuletilbod inkl. 2 vidaregåande skular, eit aktivt idretts- og foreiningsliv og gode vilkår for friluftsliv sommar og vinter. Vi har det største skisenteret på Nordvestlandet, regionalt kulturhus og treningssenter. Til å vere stolt av er kommunen sin visjon. Verdiar som omsorg, openheit, samhandling og engasjement skal danne grunnlaget for vår organisasjonskultur. Les meir om Stranda og dei kommunale tenestilboda. |
Webside | https://www.stranda.kommune.no |
Bransje | Helse og sosial |
Yrke | Leder innenfor helsetjenester |
Sted | STRANDA (Adresse: Sjøgata 16 Postnr: 6200) |
Stillingstype | Fast Heltid Antall stillinger: 1 |
Sektor | Offentlig |
Krav | Høyere utdanning |
Tiltredelse | Unknown |
Søknadsfrist | 07-11-2024 |