Barnehagelærarvikariat

Om stillinga

Haus barnehage ligg i naturskjønne omgjevnader ved Mjeldavatnet i Haus på Osterøy berre 15.min køyretur frå Arna. Langs vatnet ligg barnehagen i rein idyll, kor vi har ein unik mogleghet til å følge både årstider og naturens rike liv. Saman med barna opplever vi verda på nytt og det å få utforska fjæra, helsa på ørna som er næraste nabo, eller kjenne på korleis straumen i vatnet tar oss med på sin ferd gjennom Coasterringen, gjer nettopp vår barnehage til ein heilt unik plass å vera.

Vi har ein fin og variert leikeplass med bålhus, i tillegg til eit skogområde vi disponerer med lavvo på Åsheim. Hit går dei eldste barna regelmessig på tur.

I Haus barnehage set vi det relasjonelle arbeidet høgt og praktiserer ein atoritativ vaksenrolle kor det å være ein varme tydelege vaksne vert vektlagt. Vi jobbar kontinuerleg med å utvikle oss og utviklingsfokuset den siste tida har vore knytt til leik- og læringsmiljø og bevegelse, leik og utforsking.

Barnehagen består av to småbarnsavdelingar og to storbarnsavdeling med til saman 62 barn og 19 tilsette.

Grunna svangerskapspermisjon har vi ledig ein 100% vikarstilling som barnehagelærar med tiltredelse 09.desember eller etter nærare avtale med leiar. Vikariatet varer ut barnehageåret med moglegheiter for forlenging.

Arbeidsoppgåver

• Samarbeide tett med andre pedagogar og delta aktivt i utvikling av vårt pedagogiaske tilbod.
• Ansvar for å planlegge, leggja til rette, organisere, gjennomføre og evaluere det pedagogiske tilbodet til barna i tråd med Rammeplanen.
• Støtte og vere til stades for barn i leik og alvor.
• Arbeide systematisk for å sikre eit godt og nært foreldresamarbeid.
• Bidra til godt arbeidsmiljø og bidra i kollektiv kompetanseutvikling i barnehagen.
• Vere ein god rollemodell og kunne rettleie kollegaer i det pedagogiske arbeidet.
• Skriftlig arbeid, til dømes planarbeid og individuell utviklingsplan for enkeltbarn.
• Delta i daglege gjeremål på avdelingane og ha medansvar for samarbeid mellom avdelingane og personalet.

Hos oss får du

• Moglegheit for fagleg utvikling og tett samarbeid mellom kollegaer.
• Godt arbeidsmiljø og du blir ein del av ein lærande organisasjon.
• Dedikerte, engasjerte og positive kollegaer.
• Ein arbeidsplass med naturen rett utenfor døra.
• Ein arbeidsstad som er inkluderande arbeidsliv (IA) bedrift.

Kvalifikasjonskrav

• Vi søkjar primært deg som har bachelorutdanning som barnehagelærar, men har du anna pedagogisk høgare utdanning vil vi gjerne høyre frå deg.
• Har du i tillegg grunnleggande gode datakunnskaper, interesse for språkarbeid, pedagogisk dokumentasjon og utviklingsarbeid, er det gjerne nettopp deg vi ønskjer å kome i kontakt med.
• Det er eit krav med gode norrskkunnskaper, både munnleg og skriftleg.

Kven er du?

• Du er fagrleg sterk og evner å setje om planar til praksis.
• Du let barna medverke i val av pedagogisk innhald, og er god i leik og samspel med barna.
• Du evner å ha overblikk over barnegruppa og skape inkluderande fellesskap.

• Du er engasjert og god på å samarbeide og kommuniser med foreldre og kollegaer.
• Du bidrar til større fagleg utvikling i heile personalgruppa.
• Du er positiv, fleksibel og utprega løysingsorienter.
• Du er lojal og bevisst din profesjonelle rolle

Offentleg tenestepensjon

I denne stillinga har du rett på ei av Noregs sikraste pensjonsordningar: offentleg tenestepensjon. Der dei fleste tenestepensjonar berre utbetalast i 10 år, er offentleg tenestepensjon ei utbetaling som varar frå den dagen du sluttar å arbeide – og livet ut! 

Pensjonen inkludera og uføre- og etterlattepensjon dersom noko uventa skulle skje. Med pensjonsrett i KLP får du og medlemspris og gunstige betingelsar på ei rekke bank, forsikring og spareproduktar! 

Sjå vår Pensjonsguide for meir informasjon om kva for godar du som tilsett i Osterøy kommune får med deg! 

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/37cead42-32d4-4a1c-a7a5-ae2a944e709c
IMPORTAPI
https://www.jobbnorge.no/ledige-stillinger/stilling/270140