Avsnittsleiar for UEH og instruksjon

I Vest politidistrikt, for tida ved Felles eining for operativ teneste (FOT) ved seksjon for operative spesialfunksjonar, er det ledig stilling som politioverbetjent (stillingskode 0287)med funksjon som avsnittsleiar for UEH og instruksjon. Stillinga er stadsplassert ved treningssenteret i Godvik, Bergen. 

Seksjon for operative spesialfunksjonar sitt oppdrag er vakt og beredskap, i tillegg til å drive operativ trening og være ein premissleverandør for det operative faget i Vest politidistrikt. Seksjonen består av tre avsnitt, henholdsvis avsnitt for UEH og instruksjon, avsnitt for hundeteneste og avsnitt for instruksjon, trafikk, sjøteneste og drone. I tillegg til seksjonsleiar og tre avsnittsleiarar består seksjonen av fleire fagleiarar, politispesialistar og polititilsette. Dei tilsette er fordelt på ulike lokasjonar, herunder Godvik, Førde/ Florø og Kvinnherad.

Avsnitt for UEH og instruksjon har fagansvaret for samtlige UEH mannskap i distriktet. UEH er ein viktig del av vakt- og patruljeberedskapen til politiet, og ein betydeleg ressurs i den samla kriminalitetsbekjempinga til politiet. Avsnittet har fagansvar for distriktet sine  IP3 mannskap. I  tillegg har seksjon for operative spesialfunksjonar eigne UEH mannskap.

Vi søkjer deg som er motivert, handlekraftig og ein lagspelar som er genuint oppteken av å leie medarbeidarar ved eit operativt spissa fagmiljø. Du evnar å samhandle på tvers for å sørgja for best mogleg ressursutnytting ved seksjonen for å  levere best mogleg beredskap og tenester av høg kvalitet. 

Ein del reiseverksemd må påreknast

Arbeidsoppgåver

• Personal-, resultat-, og HMS-ansvar for avsnittet
• Ansvar for organisering og dagleg oppfølging av tilsette og oppgåver ved avsnittet
• Ansvar for kompetanseoppbygging ved avsnittet / seksjonen
• Bidra aktivt i seksjonen sin leiargruppe
• Fagansvar for IP3
• Ansvar for rekruttering og fagleg oppfølging av IP3-personell i politidistriktet
• Ansvar for at det blir utarbeidd risiko- og sårbarheitsanalysar som grunnlag for organisering og planlegging av tenesten i heile distriktet 
• Skal bidra til å koordinera tenesteplanlegginga for IP3 i heile distriktet, i samhandling med Felles tenestekontor
• Ansvar for at Vest PD etterlever IP3-instruksen
• Fagleg ansvar for UEH- koordinatorar
• Overordna materiellansvarleg i UEH
• Rådgjevar i stab
• Må pårekne å inngå i den ordinære patruljeverksemda i distriktet når det er naudsynt
• Må pårekne noko undervisningsaktivtetar knytta til avsnittsleiarstillinga
• Andre oppgåver pålagt av overordna

Som leiar av avsnittet skal du utøve dagleg tryggleiksmessig leiing. Du skal rettleie og følgje opp dine tilsette slik at dei har kunnskap, ferdigheiter og haldningar som tar hand om tryggleiken ved avsnittet.

Kvalifikasjonar

  Nødvendig:

• Vitnemål frå Politiskule/Politihøgskulen
• God resultatoppnåing i tidlegare stillingar
• Brei operativ erfaring
• Kunnskap om politidistriktet sitt plan- og instruksverk og styrande dokument
• Kunnskap om HMS
• God kjennskap til politiets oppgåver og utfordringar
• God skriftleg og munnleg framstillingsevne på norsk og engelsk
• God digital kompetanse, med evne til å setje seg raskt inn i nye system
• Søkjar må ha IP3-bakgrunn eller tilsvarande
• IP4 godkjend, eller kvalifisert og villig til å bli godkjend
  
• Må kunne klarerast og autoriserast for HEMMELEG  
• Du må ha plettfri vandel og vere skikka for teneste i politiet. Politiattest (uttømmande og utvida) må innhentast ved ev. tilsetting, jf. politiloven § 18 og politiregisterloven § 41.
   
  Ønskeleg:

• Leiarutdanning fortrinnsvis på høgskule-/ universitetsnivå og/ eller leiarerfaring blir vektlagt
• Operativ instruktørkompetanse blir vektlagt
• Kjennskap til Vestportalen eller tilsvarande system er ein fordel
• Kunnskap om offentleg forvaltning og statleg avtaleverk er ein fordel 

Personlege eigenskapar

• Evne til å setje retning, drive endring og bidra til god verksemdsutvikling
• Evne til å prioritere, halde fokus, meistre stress og handtere pressa situasjonar
• Gode leiareigenskaper, med evne til å vise god personalomsorg og motivere andre
• Fremtidsretta leiar med relasjonelt mot, som evner å utfordre det etablerte
• Ha ein reflekterande og pedagogisk tilnærming til fagutvikling
• Stillinga har særleg stor kontaktflate, og gode evner til kommunikasjon og relasjonsbyggjing blir vektlagt
• Resultat- og løysingsorientert med evne til å ta avgjerder og ha god gjennomføringsevne
• Samfunnsorientert med forståing for eininga si rolle i politiet sitt samfunnsoppdrag

Som medarbeidar i politiet er du modig og heilskapsorientert, du viser respekt og er tett på. Som leiar må du i tillegg kunne leie i samsvar med vår medarbeiderplattform. 

Vi tilbyr

• Ein utfordrande og spennande arbeidsplass for deg som vil vere med å forme framtidas polititenester
• Eit arbeidsmiljø med engasjerte og dyktige kollegaer
• Stillinga blir lønna som politioverbetjent SKO 0287 frå ltr  78/ 821.100,-  til  ltr 80/ 870.900,- brutto per år.
• Medlemskap i Statens pensjonskasse, med blant anna gode pensjons- og forsikringsordningar (sjå https://www.spk.no for meir info)
• Bedriftshelseteneste

Generelt

Politiet meiner at inkludering og mangfald er ein styrke. Me treng medarbeidarar med ulike kompetansar, bakgrunn, erfaring og perspektiv for å bidra til endå betre oppgåveløysing. Dersom det er mogleg vil me leggja til rette for medarbeidarar som har behov for det.

Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal me kalla minst inn éin søkjar i kvar av desse gruppene til intervju. For å bli vurdert som søkjar i desse gruppene, det vil seia positivt særbehandla på denne måten, må søkjarane oppfylla visse krav.

For å ha eit godt vurderingsgrunnlag ber me deg om å registrera utfyllande CV i rekrutteringsportalen vår og lasta opp relevante attestar og vitnemål. Dersom du har funksjonsnedsetjing, hol i CV-en eller innvandrarbakgrunn oppmodar me deg til å kryssa av for dette i rekrutteringsportalen vår. Avkryssingane dannar grunnlag for anonymisert statistikk som alle statlege verksemder rapporterer i årsrapportane sine.

Du kan lesa meir på arbeidsgivarportalen https://arbeidsgiver.difi.no/positivsaerbehandling 
Opplysningar om deg kan bli offentleggjort sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.

Saksnr. 24/228680

Kontaktinformasjon

Andre Vatle Lilletvedt, Seksjonsleiar, 2475
Seksjon for HR, Spørsmål om elektronisk søknad/ CV, 207.hr@politiet.no

Arbeidssted

Godviksvingene 174
5179 Godvik

Nøkkelinformasjon:

Arbeidsgiver: Vest politidistrikt

Referansenr.: 4862398766
Stillingsprosent: 100%
Fast stilling
Søknadsfrist: 20.10.2024

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/b72d830c-281c-4902-ba0a-d99a5833628a
IMPORTAPI