Vernepleiar/sjukepleiar

Bu- og habiliteringsavdelinga, for tida ved seksjon lunde, har ledig ei fast stilling som vernepleiar/sjukepleiar i 75 prosents stilling. Seksjon lunde er ein av tre seksjonar i avdelinga. Dei to andre er seksjon gneis og seksjon båre.

Stillinga er hovudsakleg knytt til personar med utviklingshemming og andre med funksjonsnedsettingar. Vi nyttar vanlegvis 1:1-bemanning. Arbeidet er organisert i todelt turnus med ei arbeidsveke på 35,5 timar og arbeid fire helgar over ein periode på tolv veker. Vi har både ordinære og lange vakter i turnusen. Det kan bidra til fleksible friperiodar.

Som vernepleiar/sjukepleiar i seksjon lunde vil du spele ei sentral rolle i å etablere rutinar og prosedyrar i samarbeid med andre miljøterapeutar. Målet er saman å skape struktur, rammer, tillit og tryggleik gjennom målretta miljøarbeid.

For å møte kommunen sine framtidige behov, kan kompetansen din også bli brukt på andre område innan helse- og omsorgstenestene.

Vi søkjer deg som ønskjer faglege utfordringar og kan jobbe sjølvstendig i ein travel kvardag. Du vil få dyktige kollegaer som arbeider målretta med fokus på individuell pleie og omsorg av høg kvalitet og med refleksjon. Du finn små og store tiltak som skaper meistring.

Arbeidsoppgåver

• bistand og rettleiing knytt til helsehjelp, daglege gjeremål og fritid, etter brukarane sine behov
• verdibaserte oppgåver, sjølvbestemming, utvikling og meistring
• praktiske gjeremål i bustad og andre delegerte oppgåver frå leiar
• fagleg hovedansvar for legemiddelhandtering
• dokumentasjon etter gjeldande lovverk i journalsystemet Gerica
• bistand i ADL-trening (trening på aktivitetar i dagleglivet)
• ansvar for å utarbeide og følge opp miljøterapeutiske tiltak
• rettleie og samarbeide med pårørande og andre samarbeidspartar
• rettleie og samarbeide med medarbeidarar
• bidra til kompetanseutvikling og fagleg ajourhald for å kvalitetssikre tenesta

Kvalifikasjonar

• bachelor innan helse- og sosialfag, fortrinnsvis vernepleie eller sjukepleie
• andre søkjarar med særskilt erfaring frå liknande arbeid og med bachelorutdanning innan helse og sosialfag kan bli vurderte
• relevant erfaring frå arbeid med barn og unge som har utfordringar
• gode datakunnskapar
• kjennskap og erfaring kring Helse- og omsorgstenestelova kapittel 9, gjeldande tvang og makt
• førarkort klasse B
• gode ferdigheiter i munnleg og skriftleg kommunikasjon på norsk

Vi har nynorsk som administrasjonsmål.

Godkjent politiattest må leggast fram før tilsetting.

Personlege eigenskapar

• Du er positiv, kreativ og har genuin interesse for brukargruppa.
• Du er trygg på deg sjølv og er god på relasjonsbygging.
• Du samarbeider godt med kollegaer og trivst godt med å jobbe i team.
• Du er fleksibel og løysingsorientert, med høg gjennomføringsevne.
• Du kan jobbe målretta, er lojal mot opplegg rundt brukar og kan omsette teori til praksis i det daglege.
• Du handterer stress og utfordrande situasjonar.
• Du likar ein aktiv arbeidskvardag med moglegheit for bevegelse både inne og ute.

Vi legg stor vekt på personlege eigenskapar, i tillegg til kunnskap og erfaring.

Stabilitet og personlege eigenskapar vil verte vektlagde saman med utdanning og praksis. Referansar vert nytta.

Vi tilbyr

• utfordrande, varierte og interessante arbeidsoppgåver saman med gode kollegaer
• løn etter gjeldande tariffavtale
• IA-bedrift
• god pensjons- og forsikringsordning gjennom KLP
• moglegheit for komprimert turnus
• fagleg utvikling, fagdag i turnus
• tverrfaglige yrkesgrupper med vernepleiar, sosionom og fagarbeidarar
• elektroniske kurs gjennom Norsk Helseinformatikk (NHI) og Visma Veilederen
• stipendordning ved vidareutdanning i tråd med kompetanseplanen til helse- og omsorg

Vi tilset på dei vilkåra som går fram av  gjeldande tariffavtale, lover og reglement.

Aktuelle kandidatar vil verte kalla inn til intervju. Søkarlista kan verte offentleggjort.

Kontaktinformasjon

Hildegunn Svastuen, Seksjonsleiar, +47 90684321

Arbeidsstad

Kvithaugsmyra 4
6092 Fosnavåg

Nøkkelinformasjon:

Arbeidsgivar: Herøy kommune

Referansenr.: 4862021996
Stillingsprosent: 75%
Fast
Startdato: 01.11.2024
Søknadsfrist: 21.10.2024

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/85cc28b2-50fc-4ac1-94b6-3c03c7dadb11
IMPORTAPI