Veahkkegoahtejođiheaddji

Veahkkegoahtejođiheaddji virgi rabas

Sámi allaskuvla ohcá fágalaččat nanu, duostilis ja fátmmasteaddji jođiheaddji guhte háliida ja máhttá leat mielde ovdánahttimen Sámi allaskuvlla njunuš sámi ja eamiálbmot alit oahppo- ja dutkanásahussan. 

Giela-, duoji- ja servodatdiehtagiid (GDS) goađi veahkkegoahtejođiheaddjis lea ovttas goađi jođiheaddjin guovddáš strategalaš sadji Sámi allaskuvllas. Su ovddasvástádussan lea jođihit goađi oahpporesurssaid daid rámmaid siskkobealde maid allaskuvllastivrra ja goađi goahtejođiheaddji mearridit. Son galgá ovttas njunuš sámi fágabirrasiin leat mielde olaheame Sámi allaskuvlla strategalaš mihtuid ja ulbmiliid. 

GDS goađi veahkkegoahtejođiheaddji jođiha ovttas goađi jođiheddjiin ossodaga masa gullet sullii 40 bargi, 8-10 stipendiáhta. 

Sámi allaskuvla lea nuppástuhttinproseassas ja virgi lea gaskaboddosaš virgi ovtta jahkái. Álgin lea farggamusat.

Bargoviidodat virggis

Veahkkegoahtejođiheaddji oažžu ovddasvástádusa jođihit goađi oahpporesurssaid rámmaid siskkobealde maid allaskuvlastivra, stivrra vuollásaš orgánat, rektor, direktevra dahje goahtejođiheaddji leat mearridan. Ovttas goahtejođiheddjiin lea sus ovddasvástádus dasa ahte goahti beaktilit jođihuvvo ja hálddašuvvo lágaid, láhkaásahusaid, njuolggadusaid, ja šiehtadusaid mielde mat gullet stáhtahálddašeapmái, earenomážit universitehtaide ja allaskuvllaide. 

Veahkkegoahtejođiheaddjis lea bušeahttaovddasvástádus ja personálaovddasvástádus oassái bargiide. Veahkegoahtejođiheaddji raportere goahtejođiheaddjái.

Veahkkegoahtejođiheaddji bargguide gullet earret eará: 

• Fágalaš ja hálddahuslaš ovddasvástádus jođihit goađi ollislaš oahpporesurssaid ja fuolahit ahte resurssat geavahuvvojit beaktilit ja ulbmillaččat vai olahit mihtuid ja bohtosiid oahpahusa ektui 
• oahppojođihanovddasvástádus goađi oahpuide ja ovddasvástádus ovdánahttit prográmmaoahpuid ja oahppoovttadagaid. Son bargá maiddái ovdánahttit buori oahppobirrasiid. 

• ovddasvástádus ovdánahttit systemáhtalaš kvalitehtaovdánahttinbarggu goađi oahpuide. Sus lea ovddasvástádus čuovvulit goađi prográmmajođiheddjiid ja láhčit ovttasbargoarenaid 
• bargat dan ala ahte GDS goahti šaddá nanu fágalaš ovttadat mii duste servodatdárbbuid ja ovddida daid 
• bargat dan ala ahte Sámi allaskuvlla oahpahus-, dutkan-, ja ovdánahttindoaimmat dollet alla kvalitehta ja relevánssa 
• doarjut bargiid fágalaš ovdáneami ja doaimmahit personálaovddasvástádusa 
• ovttas bargiiguin ovddidit fierpmádatovttasbargguid eará alit oahppo- ja dutkanásahusaiguin 
• láhčit buori fága- ja bargobirrasa 
• láhčit buori gulahallama, rabasvuođa, ovttasbarggu ja mielváikkuheami buot goađi doaimmain 
• muđui barggut mat lunddolaččat čuvvot ovddasvástádusaid

Gelbbolašvuođagáibádusat

Virgái gáibiduvvo unnimusat mastergráda universitehtas dehe allaskuvllas, vuosttažettiin muhtun suorggis mat gullet goađi fágasurggiide, dahje jođiheamis. Hárjáneapmi oahppu, dutkan-, ovdánahttin- ja gaskkustanbargguin alit oahppo- ja dutkanásahusas deattuhuvvo. 

Buorit jođihanattáldagat deattuhuvvojit. Jođiheaddji galgá earenoamážit máhttit strategalaččat ovddidit ja vuoruhit áigumušaid, ja daid čađahit. Vurdojuvvo ahte sus lea fátmmasteaddji jođihanmálle. Ovttasbargo- ja gulahallanattáldagat deattuhuvvojit. Jođihanhárjáneapmi galgá duođaštuvvot. Persovnnalaš iešvuođat deattuhuvvojit árvvoštallamis.

Ohcci ferte bures máhttit sámegiela njálmmálaččat ja čálalaččat beaivválaš bargogiellan. Dasa lassin ferte bures máhttit sihke skandinávalaš giela ja eaŋgalasgiela njálmmálaččat ja čálalaččat.

Mii fállat

Mii fállát earet eará: 

• Virggi mas ovdánahttinvejolašvuođat, viiddis ja máŋggabealat fágabirrasis
• Máŋggabealat čálgofálaldagaid ja heivehahtti bargoáiggi
• Buori bargobirrasa gos alla gelbbolaš bargit iešguđetge fágasurggiin
• Ealli sámegielbirrasa guovddáš sámi guovllus 

Bálká

Virgi bálkáhuvvo stáda bálkáplána 17.500 vuođul, Instituhttajođiheaddji 1475. Bálká mearriduvvo ohcci oahpu ja bargohárjáneami vuođul.

Bálkkás gesso 2% geatnegahtton divat Stáda penšuvdnakássii.

Máŋggabealatvuohta ja searvadahttin

Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis. Jus leat gelbbolaš ohccit geat leat doaimmashehttejuvvon, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii.

Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš.

Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain.

Sámi allaskuvllas lea šiehtadus Ovttastahtti bargoeallima birra, ja deattuha bargodili láhčimis juohke mielbargái.

Oppalaččat

Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris.

Fárrendoarjja máksojuvvo stáhta njuolggadusaid mielde.

Finnmárkkus lea sierra ortnet geahpedit lohkanloana ja vearrogeahpádus.

Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii.

Virggis lea 6 mánu geahččalanáigi.

Ohcan

Ohcan sáddejuvvo elektrovnnalaččat www.jobbnorge.no bokte, oktan daid dokumentašuvnnaguin:

• CV 
• Duođaštuvvon oahppo- ja bargoduođaštusat
• Eará relevántta duođaštusat
• Bivdit du maiddái almmuhit golbma referánssa

Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: support@grade.no dahje riŋget telefovdnii: 75 54 22 20.

Oktavuođadieđut

Eanet dieđuid virggi birra oaččut goahtejođiheaddjis Risten Ravna Länsman, epoasta: ristenl@samas.no, tlf +47 7844 85 50 mob: +47 951 39 557. 

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/f10c6997-d789-4a76-8dfc-2582890e4ad8
IMPORTAPI
https://www.jobbnorge.no/ledige-stillinger/stilling/277678