Spesialbibliotekar / universitetsbibliotekar – eining for studiestøtte – Høgskulen på Vestlandet
Kontor og økonomi Bank finans forsikring(3 weeks ago)
Job Description
Published 06-04-2025
Deadline: 01-05-2025
Spesialbibliotekar / universitetsbibliotekar – eining for studiestøtte
Ved Høgskulen på Vestlandet er det ledig 100 % mellombels stilling som spesialbibliotekar/universitetsbibliotekar i perioden 01.08.2025 – 31.07.2026
Stillinga er knytt til bibliotekets eining for studiestøtte og rapporterer direkte til leiar for eininga.
Arbeidsstad er campus Førde. Stillinga har likevel eit medansvar for samkøyring og utvikling av bibliotektenester på tvers av HVL sine fem campus. Stillinga medfører utstrekt samarbeid med fagmiljø i HVL samt innad i høgskulebiblioteket.
Stillinga er ledig i perioden 01.08.2025 – 31.07.2026, med moglegheit for forlenging.
Ansvars- og arbeidsoppgåver:
- Kontaktbibliotekar for utdanninger og fagmiljø knytt til Fakultet for helse- og sosialvitskap og Fakultet for teknologi, miljø- og samfunnsvitskap ved campus Førde
- Undervisning og rettleiing til studentar i informasjonssøking, referansehandtering og akademisk skriving – både fysisk og digitalt
- Opplæring og rettleiing i referansehandteringsverktøy som Zotero og EndNote
- Samlingsutvikling innan aktuelle fagområde, inkl pensumlistearbeid
- Brukaropplæring i, og ansvar for, system som Bolk og Leganto
- Skranketeneste
Andre arbeidsoppgåver kan bli lagt til stillinga ved behov
Kvalifikasjonskrav:
- Utdanning innan bibliotek- og informasjonsvitskap eller tilsvarande bibliotekfagleg utdanning, fortrinnsvis på masternivå, eller anna masterutdanning innan relevante fag for stillinga
- Erfaring med undervisning og rettleiing frå fag- og forskingsbibliotek er ønskjeleg,
- Kjennskap til kunnskapsbasert praksis i helsefag er en fordel
- God digital kompetanse
- Relevant arbeidserfaring og personleg eignaheit vert vektlagt
- For tilsetting som spesialbibliotekar krevst bachelor i bibliotek- og informasjonsvitskap eller tilsvarande bibliotekfagleg utdanning
-
For tilsetting som universitetsbibliotekar krevst utdanning på minimum masternivå
For nyutdanna søkjarar, må utdanning dokumenterast med vitnemål pr 31.07.2025 (før oppstart i stillinga).
Personlege eigenskapar:
- Vi søkjer etter ein fagleg engasjert medarbeidar som er utviklings- og resultatorientert, systematisk, serviceinnstilt, oppsøkjande og initiativrik, fleksibel, og med gode samarbeids- og kommunikasjonsevner. Stillinga krev evne til å arbeide sjølvstendig og i team, og føreset god skriftleg og munnleg framstillingsevne på norsk og engelsk.
Vi tilbyr:
- Gode pensjons-, forsikrings-, og låneordningar i Statens pensjonskasse
- Spennande fagmiljø med moglegheit for kompetanseheving – og utvikling
- Høve for trening i arbeidstida
Stillinga er løna etter Statens lønsregulativ, i stillingskode 1515 Spesialbibliotekar eller i stillingskode 1199 Universitetsbibliotekar.
Frå løna vil det bli trekt 2 % innskot til Statens pensjonskasse.
Korleis søke på stillinga?
Send søknad og CV ved å klikke på knappen merka ”Søk stilling” på denne sida.
Det er søkjar sitt ansvar å sørgje for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Dersom vedlegga overskrid 50 MB må dei komprimerast før opplasting eller leggjast ved som lenkje.
Søknadar kan ikkje sendast på e-post til enkeltpersonar ved høgskulen.
Generell informasjon:
Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.
Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetjing og rekruttere personar med minoritetsbakgrunn, nedsett funksjonsevne og hol i CV.
Inkludere, utfordre og samhandle
Kontaktpersonar ved HVL:
Einingsleiar Gunhild Austrheim
tlf: +47 55 58 56 69
e-post: gunhild.austrheim@hvl.no
DIVERSE INFO
| Arbeidsgiver | Høgskulen på Vestlandet orgnr: 874652032 |
|---|---|
| Kort om arbeidsgiver |
Høgskulen på Vestlandet (HVL) er ein av dei største høgskulane i landet, med om lag 1 900 tilsette og 17 000 studentar fordelte på fem campus i Førde, Sogndal, Bergen, Stord og Haugesund. Biblioteket er organisert som ein del av HVLs fellesadministrasjon, og er i dag organisert med fire eningar; eining for publikumstenester, eining for studiestøtte, eining for forskingsstøtte og eining for informasjonsressursar. Bibliotektenesta omfattar fem fysiske bibliotek fordelt på fem campus. Biblioteket har eit bredt tenestetilbod for studentar og tilsette, og skal vidareutviklast som eit tidsaktuelt utdannings- og forskingsbibliotek som aktivt støttar opp under høgskulens faglege profil og ambisjonar. |
| Webside | http://www.hvl.no |
| Bransje | Kontor og økonomi |
| Yrke | Bank finans forsikring |
| Sted | FØRDE (Adresse: Svanehaugvegen 1 Postnr: 6803) |
| Stillingstype | Vikariat Heltid Antall stillinger: 1 |
| Sektor | Offentlig |
| Krav | Høyere utdanning |
| Tiltredelse | Unknown |
| Søknadsfrist | 01-05-2025 |
