Spennande moglegheit til å arbeide som fagsjukepleiar i Helse – og omsorg!

Som fagsjukepleiar får du moglegheit til å vera med å bidra aktivt med fagutvikling og implementering av nye rutinar og retningsliner som styrker sjukepleiefaget og pasientryggleiken. Du får høve til å kombinere klinisk arbeid med fagleg leiarskap og rettleiing, og vere med å forme framtida si kommunehelseteneste.

Vågå kommune har frå 01.01.25 samla Heimetenesta og sjukeheimsinstitusjonen Vågåheimen til eit felles tenesteområde, Helse- og omsorg. Dagens Heimeteneste organiserar heimesjukepleietilbod, heildøgns omsorgsbustadar og dagtilbod for personar med demens. På Vågåheimen er det korttidsplassar, langtidsplassar, demensomsorg og aktivitetssenter.

I tenestene har vi stort fokus på fagutvikling og arbeidar aktivt med kvalitetsforbetring på systemnivå og i dagleg drift. Det er mykje positivt som skjer i tenesteområdet, med byggjeprosjekt ved Vågåheimen, auka fokus på velferdsteknologiske løysningar, fagleg utvikling og kompetanseheving til våre tilsette. Vi har stort fokus på å rigge tenestene på ein slik måte at dei er berekraftige i framtida, der ein nyttar rett kompetanse på rett stad. Vi har ei god blanding av tilsette, både i alder og fagleg profesjon.

Tenesteområdet har felles nattevaktsteam, der 3 tilsette er stasjonert ved Vågåheimen og 1 er stasjonert i heimesjukepleia. Desse 4 har tilhaldsstad ved Vågåheimen.

Vi har fylgjande ledige stillingar frå dd:

· 1 x100% fast stilling som fagsjukepleiar , for tida ved Vågåheimen på dag og 4. kvar helg

· 1 x 100% fast stilling som fagsjukepleiar , for tida ved Heimetenesta på dag og 4. kvar helg

Arbeidsoppgåver:

· Ordinære oppgåver ut frå profesjon som sjukepleiar

· Fagutvikling i avdelingane

· Opplæring og fagrettleiing av tilsette

· Direkte pasientoppfylging

· Tverrfagleg samarbeid, med fokus på gode pasientforløp

· Oppdatering og utvikling av rutinar

· Internkontroll og dokumentasjon

· Innovasjon

· Samarbeid med pårørande og andre

· Ansvarsvakt for sjukepleiarar

Kvalifikasjonar

• Autorisasjon som sjukepleiar

• Relevant erfaring er ynskjeleg, men ikkje naudsynt

• Gode norskkunnskap munnleg og skriftleg (minimum tilsvarande nivå B1)

• God fagleg innsikt og tryggheit

• Søkaren lyt ha førarkort klasse B.

Eigenskapane dine:

• Fagleg engasjert

• Ansvarsbevisst og evne til å arbeide sjølvstendig

• Kreativ og endringsorientert/-viljug

• Gode kommunikasjons-, relasjons- og samarbeidsevner

• Initiativrik og søkjer å finna gode løysingar til det beste for fellesskapet

• Bidreg til eit godt arbeidsmiljø

• Fleksibel og lojal

Personleg eignaheit vil bli tillagd avgjerande vekt

Det vert kravd politiattest ved tilsetjing.

Vi tilbyr:

• Eit utfordrande og spennande arbeidsfelt i stadig utvikling

• Arbeid i tverrfagleg team

• Kompetanseheving og fagleg utvikling

• Eit godt fagmiljø, dyktige og rutinerte kollegaer

Tilsetting skjer på dei vilkår som går fram av dei gjeldande lover, reglar og avtaler.

Venlegast informer i søknaden om du kva for stillingar du eventuelt søkjer på.

Stillingsstorleikar kan endre seg ved interne rokkeringar.

Stillingsprosentane vil ikkje bli delt dersom det er til vesentleg ulempe for arbeidsgjevar. Ved krav om auka fast stillingsstorleik må ein dermed fortrinnsvis ta stillinga slik den er.

Søknad

Søknad skal sendast på elektronisk søknadsskjema . Vedlegg til søknaden kan sendast som e-post til postmottak@vaga.kommune.no.

Søknadsfrist: 18.05.2025

Nærmare opplysningar rundt stillingane blir gjeve av:

Avdelingsleiar Vågåheimen, Mariann Rosten: mariann.rosten@vaga.kommune.no , tlf 482 20 683

Avdelingsleiar Heimetenesta, Pia K. Søberg: pia.soberg@vaga.kommune.no , tlf 461 96 741

eller

Tenesteleiar Helse- og omsorg, Hanne Stokke Moen: hanne.stokke.moen@vaga.kommune.no ,

tlf 948 65 287

Vågå kommune er opptekne av mangfald og oppmodar kvalifiserte kandidatar å søkje uavhengig av alder, kjønn, funksjonsevne, etnisitet eller nasjonal bakgrunn.

Vi gjer merksame på at søkjarnamn kan bli offentleggjort sjølv om ein reserverer seg mot det, jf. Off.lova §25. Du vil i tilfelle bli varsla om dette på førehand.

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/62d7afdb-b46b-41e2-973a-cbe9cdf629a1
Stillingsregistrering