Sjukepleiefagleg leiar

Kirurgisk klinikk søkjer sjukepleiefagleg leiar og har ledig 100% fast stilling i stab. Stillinga rapporterer direkte til direktør i Kirurgisk klinikk, som er næraste leiar.

Vi ønskjer ein teamleiar som:

• Kan bidra til å forbetre samarbeidet i klinikken
• Deltar aktivt i stabsoppgåver som støttar dette
• Er ein brubyggjar som evnar å samle ulike einingar og profesjonar rundt gode løysingar
• Er ein pådrivar i prosessar og prosjekt
• Som medlem i klinikkstaben må du vere førebudd på å hjelpe til der det er behov, både internt i staben og overfor andre leiarar

Om oss: Staben understøttar klinikken si verksemd gjennom bistand til leiarar og tilsette. Vi bistår med leiar- og administrative oppgåver innan drift, forbetring og utvikling. Kirurgisk klinikk har seks fagavdelingar: Gastrokirurgi, Urologi, Plastikkirurgi og brannskade, Karkirurgi, Bryst- og endokrinkirurgi og Traumesenteret, som alle blir leia av avdelingssjefane. Vi har fem sengepostar og ein intensivseksjon, samt fire poliklinikkar og eit elektivt mottak/dagavdeling. Klinikken samarbeider tett med mange avdelingar internt på sjukehuset, samt med eksterne aktørar som andre sjukehus, kommunar og utdanningsinstitusjonar. Vi har høg og aukande operativ verksemd, og det er også aukande aktivitet på våre sengepostar og poliklinikkar.

Vi håpar du finn utlysinga interessant og ønskjer deg velkomen til å søkje!

Arbeidsoppgåver

• Representere seksjonsleiarar i klinikken si leiargruppe og andre møteplassar innanfor og utanfor klinikken
• Leie strategiarbeid for å rekruttere, utvikle og behalde medarbeidarar
• Systematisk arbeide for å forbetre og utvikle samarbeidet i klinikken
• Systematisk arbeide for å finne løysingar på tvers av klinikken som betrar arbeidsflyten og sparar tid
• Medansvar for partssamarbeidet knytt til sengepostar og poliklinikk
• Bidra til klinikken sin overordna strategi og langtidsplan
• Bistå seksjonsleiarane med å setje i verk dei løysingane og endringane som er vedtekne på overordna nivå
• Utvikle styrande dokumentasjon og systematikk knytt til fagspesifikke prosedyrar

Kvalifikasjonar

• Norsk autorisasjon som sjukepleiar
• Leiarutdanning og/eller leiarerfaring
• Erfaring med endringsleiing, strategisk planlegging eller kompetanseutvikling

Personlege eigenskapar

Vi søkjer deg som har sterke kommunikasjonsevner og som formidlar klart og tydeleg, både munnleg og skriftleg, for å sikre godt samarbeid og fremje felles forståing på tvers av fagområde

• Du viser ansvar og opptrer profesjonelt
• Du har vilje til å ta initiativ og drive prosessar framover, samt evne til å setje i verk tiltak som betrar arbeidsflyten og kvaliteten på pasientbehandlinga
• Du har ein proaktiv tilnærming til samarbeid, der ein aktivt byggjer bruer mellom ulike einingar og profesjonar for å finne felles løysingar
• Du har evne til å sjå heilskapen, analyseresituasjonar og utvikle langsiktige strategiar for å handtere framtidige utfordringar
• Du kan vise handlekraft i krevjande situasjonar og utfordringar

Vi tilbyr

• 100% fast stilling
• Ein spennande og utfordrande arbeidsplass
• Godt samarbeid med andre leiarar i klinikken
• Lønn etter avtale
• Gode pensjons- og forsikringsordningar

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

John-Helge Heimdal, Klinikkdirektør, 93269470

Arbeidsstad

Haukelandsveien 22
5009 Bergen

Nøkkelinformasjon:

Arbeidsgivar: Helse Bergen

Referansenr.: 4869954952
Stillingsprosent: 100%
Fast
Søknadsfrist: 22.11.2024

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/61bd51b7-2947-434e-98d7-a48920d68ae8
IMPORTAPI