Seksjonsleiar for Utbyggingsprosjekt i Bergen og Sunnhordland – INV – Planlegging og utbygging, Vestland fylkeskommune
Construction Construction Engineer(3 days ago)
Job Description
Published 01-01-2025
Deadline: 20-01-2025
Seksjonsleiar for Utbyggingsprosjekt i Bergen og Sunnhordland
Avdeling Infrastruktur og veg (INV) utviklar kvardagsvegane i Vestland. Kvardagsvegane bind menneske og lokalsamfunn saman. Dei skaper felles identitet samstundes som dei bind oss saman med resten av landet og Europa. Vi er ein av landets største byggherrar innan samferdsle, og vi har mange spennande investerings- og vedlikehaldsprosjekt i åra som kjem.
Til seksjonen Utbygging Bergen og Sunnhordland søkjer vi etter ein tydeleg og utviklingsorientert leiar som skaper engasjement og set retning. Med deg på laget får du 33 dyktige medarbeidarar, og eit godt leiarfellesskap.
Om stillinga
Som seksjonsleiar får du ansvar for å levere i tråd med politiske føringar og vedtekne investeringsbudsjett for det geografiske området Bergen og Sunnhordland. Prosjektportefølja er på om lag kr 800 mill pr år. I tillegg til mange mindre og større prosjekt vil du ha ansvaret for to bompengepakkar; Miljøløftet og Bømlopakken.
Vi ønskjer oss ein leiar som kan utvikle oss vidare med å ta i bruk ny teknologi og nye kontrakts- og samarbeidsformer. Dette er prioriterte satsingsområde for avdelinga.
Du må også bidra til godt samarbeid både internt i organisasjonen og med eksterne aktørar. Arbeidsstaden din vil vere på Vestlandshuset i Bergen.
Hjå oss kan du forvente
Vi kan gje deg ein variert og meiningsfull arbeidskvardag med mykje ansvar. Vi er ein organisasjon med store moglegheiter for påverknad og utvikling.
Du får tre leiarkollegaer med same ansvar, men for andre geografiske område i fylket. Du blir og ein del av leiargruppa på avdelinga.
Vi er fortida inne i ein organisasjonsutviklingsprosess på avdelinga, så vi må ta atterhald om eventuelle strukturelle endringar på eit overordna nivå.
Kvalifikasjonskrav
Du har relevant høgare utdanning og erfaring frå leiing. Det er ein fordel med erfaring med vegbygging / samferdsel. Har du erfaring frå annan utbyggingsverksemd ønsker vi sjølvsagt også å høyre frå deg. Lang og relevant erfaring kan kompensere for krav om høgare utdanning.
- Du er engasjert, har gode relasjonelle eigenskapar og greier å skape eit godt arbeidsmiljø
- Du er tydeleg, står støtt i dine avgjersler
- Du etterlev verdiane våre; kompetent, open og modig
- Du har gode formidlingsevner, både munnleg og skriftleg
Har du spørsmål om stillinga, eller ønskjer å vite meir, er du velkommen til å ta kontakt med avdelingsleiar Gunhild Vangsnes eller seksjonsleiar Cathrine Botnevik.
Anna informasjon
- Alle nytilsetjingar vert gjort med ei prøvetid på 6 månader
- Administrasjonsmålet i fylkeskommunen er nynorsk
- Vi har gode pensjons- og forsikringsordningar
- Løn og oppstart etter avtale
- Vi gjer merksam på at i fylgje offentleglova §25, 2. ledd kan opplysningar om søkaren bli offentleggjort sjølv om du har oppmoda om å ikkje bli ført på offentleg søkarliste. Dersom du har bedt om unntak frå offentleg søkarliste vil du alltid bli varsla før søkarlista vert offentleggjort
Kontaktinformasjon
Gunhild Beate Nes Vangsnes, Avdelingsleiar, 95088609, gunhild.vangsnes@vlfk.no
Cathrine Haugen Botnevik, Seksjonsleiar, 93871300, cathrine.haugen.botnevik@vlfk.no
Arbeidsstad
Nøkkelinformasjon:
Arbeidsgivar: Vestland fylkeskommune
Referansenr.: 4897196922
Stillingsprosent: 100%
Fast
Søknadsfrist: 20.01.2025
DIVERSE INFO
| Arbeidsgiver | INV – Planlegging og utbygging, Vestland fylkeskommune orgnr: |
|---|---|
| Kort om arbeidsgiver |
Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg. Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland. Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista blir offentleggjort. Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk. |
| Webside | www.vestlandfylke.no |
| Bransje | Bygg og anlegg |
| Yrke | Ingeniør bygg |
| Sted | (Adresse: Postnr: ) |
| Stillingstype | Fast Heltid Antall stillinger: 1 |
| Sektor | Offentlig |
| Krav | Unknown |
| Tiltredelse | Unknown |
| Søknadsfrist | 20-01-2025 |
