Job Description
Published 26-03-2025
Deadline: 23-04-2025
Rådgivarar akvakultur
Vil du bidra til ei berekraftig akvakulturforvaltning?
Vi søker etter to rådgivarar, ein i fast stilling og ein i engasjement for 1,5 år.
Vil du vere ein del av akvakulturforvaltninga i fylket og bidra til ei berekraftig næringsutvikling? No kan du vere med å finne gode løysingar innanfor dagens rammar i tillegg til å jobbe med vidareutvikling av akvakulturforvaltninga!
Arbeidsoppgåvene er varierte, med hovudvekt på behandling av akvakultursøknadar der fylkeskommunen er koordinerande myndigheit etter akvakulturlova og kan tildele oppdrettsløyve og klarere lokalitetar til oppdrett.
Arbeidsoppgåver
I stillinga skal du mellom anna
- rettleie næringsaktørar, kommunar og andre om akvakulturforvaltning og søknadsprosessen for akvakultur
- saksbehandle akvakultursøknader: kvalitetssikre, koordinere og følge opp søknader overfor andre involverte myndigheiter, sluttbehandle søknader og følge opp klagesaker
- bidra inn i prosessar for vidareutvikling av akvakulturforvaltninga
- delta i det nasjonale fagnettverket FAKS-Fylkeskommunanes akvakultursamarbeid- for kompetanseheving og samordning
- legge til rette for og delta i nettverk og møteplassar på fagområdet, og halde deg oppdatert på utviklinga i næringa
- gi innspel til politiske saker, høyringar, planer og kommunale arealprosessar, og bidra inn i andre prosjekt og prosessar på det marine fagområdet
Kvalifikasjonar
- Du har utdanning på masternivå, som rettsvitskap eller natur- og samfunnsfag.
- Du likar å skrive og er god til å formulere deg både skriftleg og munnleg på norsk.
- Det er positivt om du har god kunnskap om eller erfaring frå havbruksnæringa og interesse for berekraftig næringsutvikling.
- Du har gjerne relevant erfaring frå offentleg forvaltning, som planarbeid eller saksbehandling.
Personlege eigenskapar
- Du trivst med å arbeide systematisk, er sjølvdrivande og med stor gjennomføringsevne.
- Du har god rolleforståing og gode analytiske eigenskapar, med evne til å vurdere og avvege motstridande omsyn.
- Du er løysingsorientert, med god samfunnsforståing og eit blikk for moglegheitene for vidareutvikling av akvakulturforvaltninga.
- Du er god til å formidle faglege tema og til å til samarbeid med forskjellige aktørar.
Vi tilbyr
- ei utfordrande stilling i eit godt arbeidsmiljø
- eit dyktig og engasjert fagmiljø med nasjonalt nettverk
- moglegheiter for fagleg utvikling og fleksibilitet i kvardagen
- kontorstad i Molde
- løn etter avtale og offentleg pensjonsordning, gruppelivs- og ulykkesforsikring
Vi skal tilsette ein rådgivar i fast stilling og ein i engasjement for 1,5 år.
Kontaktinformasjon
Birgit Aarønæs, Seksjonsleiar, +4791886088, birgit.aaronas@mrfylke.no
Arbeidsstad
Julsundvegen 9
6412 Molde
Nøkkelinformasjon:
Arbeidsgivar: Møre og Romsdal fylkeskommune
Referansenr.: 4930128248
Stillingsprosent: 100%
Fast
Søknadsfrist: 23.04.2025
DIVERSE INFO
| Arbeidsgiver | Marin og miljø, Møre og Romsdal fylkeskommune orgnr: |
|---|---|
| Kort om arbeidsgiver |
Bli med å utvikle regionen saman med oss! Møre og Romsdal fylkeskommune har ansvar for vidaregåande opplæring, fagskoleutdanning, fylkesveg og kollektivtransport, tannhelsetenester, kulturtenester og samfunns- og næringsutvikling i heile fylket. Vi er ein av dei største arbeidsgivarane i regionen. Verdigrunnlaget vårt er ein lærande organisasjon, kjenneteikna av verdiskapande samarbeid og tillit. Møre og Romsdal fylkeskommune ønskjer medarbeidarar som tek ei aktiv, engasjert, reflektert og ansvarleg rolle i organisasjonen vår. Hos oss møtast menneskjer med ulik kompetanse- og utdanningsbakgrunn for å skape gode tenester til våre innbyggarar. Møre og Romsdal fylkeskommune er oppteken av mangfald, og vi oppfordrar difor alle som er kvalifisert i henhald til stillingas krav, til å søkje hos oss. Vi tilpassar arbeidsplassen om du har behov for det. For tilsetting i skole og tannhelsetenesta krevst det politiattest av kandidater som får tilbud om stilling. Dersom det kjem fram av din søknad at du ønskjer konfidensiell handsaming, gjer vi merksam på følgjande: Opplysningar om søkar kan gjerast offentleg sjølv om søkar har bedt om konfidensiell behandling. Lenke til –> Kompetanse- og næringsområdet (mrfylke.no) |
| Webside | http://mrfylke.no/jobb |
| Bransje | Uoppgitt/ ikke identifiserbare |
| Yrke | Ikke identifiserbare |
| Sted | MOLDE (Adresse: Julsundvegen 9 Postnr: 6412) |
| Stillingstype | Fast Heltid Antall stillinger: 1 |
| Sektor | Offentlig |
| Krav | Unknown |
| Tiltredelse | Unknown |
| Søknadsfrist | 23-04-2025 |
