Ráđđeaddi/ vuosttaškonsuleanta oahppo- ja dutkanhálddahusas – Sámi allaskuvla – Samisk høgskole
(5 days ago)
Job Description
Published 25-03-2025
Deadline: 23-04-2025
Ráđđeaddi/ vuosttaškonsuleanta oahppo- ja dutkanhálddahusas
Bargoviidodat virggis
Virgái leat biddjon iešheanalaš ja viiddis barggut ja erenoamáš ovddasvástádus Sámi allaskuvlla oahppofálaldagaid diehtojuohkimii ja márkanfievrrideapmái ja daid guoskevaš
ohcanproseassaid birra. Virgi lea maid oassin oahpuid studeantasisaváldinbargguin ja internašunaliserenbargguin.
Barggut leat earret eará:
• Ođastit ja čuovvolit oahpuid rekruterenstrategiija ja -plánaid
• Plánet, koordineret ja čađahit oahpuid márkanfievrrideami ja rekrutterendoaimmaid
• Oahpuid sisaváldimiid hálddašit
• Doarjjan studeanttaid internašunaliserendoaimmain
• Ovttasráđiid fágabirrasiiguin sihkkarastit buori studeantavuostáiváldima
• Raporteren ja áššemeannudeapmi
• Eará doaimmat maid lagamus hoavda bidjá
Virgi lea oassin dutkan- ja oahppohálddahusas.
Virggi ja ossodaga bargoviidodat ja ovddasvástádussuorggit sáhttet rievdat ásahusa dárbbuid mielde.
Gelbbolašvuođagáibádusat
Virgái gáibiduvvo relevánta oahppu universitehtas dahje allaskuvllas, unnimusat bachelorgráda, áinnas mastergráda. Gáibiduvvo buorre čálalaš ja njálmmálaš máhttu sámegielas, skandináva ja eŋgelasgielas. Lea ovdamunni jus dovdá alit oahpu hálddahuslaš beliid ja jus lea vásáhus áššemeannudemiin almmolaš suorggis.
Lea maid ovdamunni jus lea
vásáhus márkanfievrridansuorggis.
Virgái deattuhit persovnnalaš heivvolašvuođa, earret eará dárkilvuođa, čorgatvuođa ja iešheanalašvuođa ja hutkáivuođa bargguid čađaheamis.
Bálká
Virgi bálkáhuvvo ánssu mielde Stáhta bálkáplána 90.500 vuođul,
virgekoda 1434 ráđđeaddi dahje Stáhta bálkáplána 90.103 vuođul, virgekoda 1408 vuosttaškonsuleanta.
Bálká mearriduvvo ohcci oahpu ja bargohárjáneami vuođul.
Formála lassigelbbolašvuohta sámegielas unnimustá 60 oahppočuoggá bachelordásis, addá 20 000,- lassibálkán vuođđobálkái vuosttašgeardde virgáibidjamis Sámi allaskuvllas.
Bálkkás gesso 2 % geatnegahtton divat Stáda penšunkássii
Mii fállat
Mii fállát earet eará:
- Virggi mas ovdánahttinvejolašvuođat, viiddis ja máŋggabealat fágabirrasis
- Máŋggabealat čálgofálaldagaid ja heivehahtti bargoáiggi
- Buori bargobirrasa gos alla gelbbolaš bargit iešguđetge fágasurggiin
- Ealli sámegielbirrasa guovddáš sámi guovllus
Ohcan
Ohcan sáddejuvvo elektrovnnalaččat www.jobbnorge.no bokte, oktan daid dokumentašuvnnaguin:
- CV
- Duođaštuvvon oahppo- ja bargoduođaštusat
- Eará relevántta duođaštusat
- Bivdit du maiddái almmuhit guokte referánssa
Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: support@grade.no dahje riŋget telefovdnii: 75 54 22 20.
Máŋggabealatvuohta ja searvadahttin
Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis.
Jus leat gelbbolaš ohccit geat leat doaimmashehttejuvvon, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii.
Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš.
Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain.
Sámi allaskuvllas lea šiehtadus Ovttastahtti bargoeallima birra, ja deattuha bargodili láhčimis juohke mielbargái.
Dievdoolbmot ávžžuhuvvojit ohcat dásseárvo- ja vealahanlága § 11 ja § 29 vuođul. Jus guovtti dahje eanet ohcciin lea sullii seamma olu gelbbolašvuohta virgái, de vuoruhuvvo dievdoolmmoš ovddabeallái nissonolbmo dásseárvo- ja vealahanlága § 11 vuođul.
Oppalaččat
Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris.
Fárrendoarjja máksojuvvo stáhta njuolggadusaid mielde.
Finnmárkkus lea sierra ortnet geahpedit lohkanloana ja vearrogeahpádus. Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii.
Virggis lea 6 mánu geahččalanáigi.
Oktavuođadieđut
Eanet dieđuid virggi birra oažžu Oahppo- ja dutkanhoavddas Áilá Márge Varsi Balto tlf. +4778448503/ +47 994 09 096, eboasta: ailamvb@samas.no
DIVERSE INFO
| Arbeidsgiver | Sámi allaskuvla – Samisk høgskole orgnr: |
|---|---|
| Kort om arbeidsgiver |
Sámi universitehta boahtteáiggi Sápmái – mii ollašuhttá sámi servodagaid máhttodárbbuid. Sámi allaskuvla lea njunuš sámegielat alitoahppo- ja dutkanásahus mii buvttada alladási gelbbolašvuođa mainna ovddida sámi iešmearrideami, guoddevaš ealáhusaid ja servodagaid. Min ásahusas lea miehtasámi perspektiiva, mii fátmmasta ja olaha olles Sámi, buot sámegielaid ja sámi servodagaid. Min luhtte galget buohkat dovdat oadjebasvuođa. Mii dovdat oahpes bálgáid ja seammás ráhkadit ođđa bálgáid amas duovdagiidda. Mii galgat nannet sámi gielaid, árvvuid ja máhttovuođuid, ja nu maiddái sámi servodagaid. Dál mii ohcat du guhte háliidat leat mielde ollašuhttimis min ásahusa mihtuid |
| Webside | http://www.samas.no |
| Bransje | Uoppgitt/ ikke identifiserbare |
| Yrke | Ikke identifiserbare |
| Sted | KAUTOKEINO (Adresse: Hánnoluohkká 45 Postnr: 9520) |
| Stillingstype | Fast Heltid Antall stillinger: 1 |
| Sektor | Offentlig |
| Krav | Unknown |
| Tiltredelse | Unknown |
| Søknadsfrist | 23-04-2025 |
