Ráđđeaddi/seniorráddeaddi gulahallamis

Bargoviidodat virggis

Mis lea rabas virgi gulahallanráđđeaddin/seniorráđđeaddin ja háliidivččiimet du áinnas bargan Sámi allaskuvlii!

Gulahallama fágasuorgi lea miellagiddevaš ja dehálaš. Bargobeaivvit leat girjái ja beasat máŋggalágan gulahallanbargguiguin bargat.

Mii ohcat du gii máhtát strátegalaččat plánet ja vuoruhit gullanbargguid. Fertet leat čeahppi gulahallat siskkáldasat fágabirrasiiguin ja ovttasráđiid singuin hábmet bargguid ja proseassaid gulahallamis.

Don leat fágalaččat nanus, dárkil ja čeahppi. Fertet hálddašit čállima bures, máhttit govvet ja ovdamunnin lea jus hálddašat filbmema. Dán virgái gullá sihke sisdoaluid buvttadeapmi ja
ovdánahttinbarggut.

Bargoviidodat virggis
• Doaibmat Sámi allaskuvlla gulahallanbargguid fágalaš jođiheaddjin, earret eará plánet ja koordineret bargguid vai gulahallan doarju ásahusa strategalaš mihtuid olaheami
• Doaibmat Sámi allaskuvlla gulahallankanálaid redaktevran
• Leat mielde buvttadeame ođđasiid ja dieđuid Sámi allaskuvlla gulahallankanálaide
• Veahkkin ovddidit ja álggahit strategiijaid mot buoridit allaskuvlla
márkanfievrridandoaimmaid
• Ovddasvástádus almmuhemiin, digitála gulahallanreaidduin ja sosiála mediain, ovddidan dihtii allaskuvlla mearkagálvvu ja oinnolašvuođa
• Viidáset ovddidit digitála gulahallanreaidduid geavaheami, maiddái goanstajierpmi geavaheami gulahallanbarggus

Eará barggut maid lagamus jođiheaddji bidjá.
Virgi raportere allaskuvladirektevrii.
Virggi ja ossodaga bargoviidodat ja ovddasvástádussuorggit sáhttet rievdat ásahusa dárbbuid mielde

Gelbbolašvuođagáibádusat

Virggis gáibiduvvo alit oahppu allaskuvla- ja universitehtadásis, vuosttažettiin journalistihkka-, media- dahje gulahallanfágas.

Guhkes ja relevánta bargohárjáneapmi sáhttá buhttet osiid oahppogáibádusas. 

Hárjáneapmi gulahallamis ja ovdánahttinbargguin deattuhuvvo.

Son gii virgáibiddjo ferte bures máhttit ovttasbargat ja gulahallat sihke mielbargiiguin ja earáiguin, seammás go ferte máhttit iešheanalaččat bargat.

Sus ferte maid viiddis áddejupmi ja hárjáneapmi márkanfievrrideamis; dasa gullá márkanfievrridanstrategiijaid ovddideapmi ja implementeren.

Virgái gáibiduvvo buorre njálmmálaš ja čálalaš máhttu sámegielas ja skandinávalaš gielas.

Eará gelbbolašvuođat ja persovnnalaš heivvolašvuohta:

• Attáldagat oaidnit ja áddet stuorát gova ja guhkesáiggi mihttomeriid allaskuvlla gulahallanbarggus
• • Gelbbolašvuohta struktureret ja plánet márkanastindoaimmaid, ja analyseret bohtosiid
  • Čehppodat geavahit digitála vuogádagaid ja sosiála mediaid márkanastindoaimmaide
  • Buorit ovttasbargonávccat, ja návccat jođihit bargoproseassaid
  • Persovnnalaš heivvolašvuohta deattuhuvvo sakka
  • Ovdamunnin jos dovdá alitoahpu- ja dutkansuorggi

Bálká

Virgi bálkáhuvvo oahpu ja ánssu mielde Stáhta bálkáplána 90.500 vuođul, čuovvovaš virgekodaid mielde:

 – ráđđeaddi virgekoda 1434, bálká gaskal 502 300 – 646 000 

– seniorráđđeaddi virgekoda 1364, bálká gaskal 575 400 – 692 400 

Formála lassigelbbolašvuohta sámegielas unnimustá 60 oahppočuoggá bachelordásis, addá 20 000,- lassibálkán vuođđobálkái vuosttašgeardde virgáibidjamis Sámi allaskuvllas. 

Bálkkás gesso 2% geatnegahtton divat Stáda penšuvdnakássii

Mii fállat

Mii fállát earet eará: 

• Virggi mas ovdánahttinvejolašvuođat, viiddis ja máŋggabealat fágabirrasis 
• Máŋggabealat čálgofálaldagaid ja heivehahtti bargoáiggi
•  Buori bargobirrasa gos alla gelbbolaš bargit iešguđetge fágasurggiin 
• Ealli sámegielbirrasa guovddáš sámi guovllus

Ohcan

Ohcan sáddejuvvo elektrovnnalaččat www.jobbnorge.no bokte, oktan daid dokumentašuvnnaguin: 

• CV 
• Duođaštuvvon oahppo- ja bargoduođaštusat 
• Eará relevántta duođaštusat 
• Bivdit du maiddái almmuhit guokte referánssa 

Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: support@grade.no dahje riŋget telefovdnii: 75 54 22 20.

Máŋggabealatvuohta ja searvadahttin

Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis. 

Jus leat gelbbolaš ohccit geat leat doaimmashehttejuvvon, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii. 

Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš. 

Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain. 

Sámi allaskuvllas lea šiehtadus Ovttastahtti bargoeallima birra, ja deattuha bargodili láhčimis juohke mielbargái.

Oppalaččat

Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris. 

Fárrendoarjja máksojuvvo stáhta njuolggadusaid mielde. 

Finnmárkkus lea sierra ortnet geahpedit lohkanloana ja vearrogeahpádus. Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii. 

Virggis lea 6 mánu geahččalanáigi.

Oktavuođadieđut

Eanet dieđuid virggi birra oažžu allaskuvladirektoras Anne-Marie Gaino, tlf. +47 78448686/+47 99690188, e-boasta: annemg@samas.no

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/50bcd53e-974d-4924-bcc2-f0186037ec9c
IMPORTAPI
https://www.jobbnorge.no/ledige-stillinger/stilling/278034