Psykologspesialist/psykolog – Allmennpsykiatrisk poliklinikk BUP Stord, Helse Fonna HF
Health and social care Psykolog(6 days ago)
Job Description
Published 16-03-2025
Deadline: 31-03-2025
Psykologspesialist/psykolog
Vil du vera med å styrka psykisk helsevern for barn og unge?
Me søkjer ein engasjert psykologspesialist eller psykolog under spesialisering til vår avdeling. Hos oss blir du del av små, tverrfaglege team som jobbar tett saman, der både fagleg utvikling og samarbeid står sterkt. Me har faste fagdager der leiing og medarbeidarar saman drøftar og finn løysingar på faglege utfordringar.
Me er ei stabil personalgruppe med god lokal tilknyting, og har solid dekning av psykologar og spesialistar. Det sikrar god støtte og kvalitet i arbeidet vårt. Me legg vekt på fagleg utvikling som tek omsyn til behova hos pasientane og interessene hjå medarbeidarane våre.
Opptaksområdet for poliklinikken dekkjer 6 kommunar (Stord, Fitjar, Bømlo, Tysnes, Kvinnherad og Ullensvang).
Arbeidsoppgåver
- Utgreiing, diagnostisering og behandling av barn og ungdom
- Aktiv deltakelse i tverrfaglige diskusjoner og problemløsing
- Rettleiing og formidling av kunnskap internt og eksternt
- Kontakt med føresette og andre aktuelle instansar rundt barn/ungdom
- Som spesialist t.d.: Rettleiing, vurderingar, ansvarleg for pasientar
Kvalifikasjonar
- Norsk autorisasjon som psykolog, fortrinnsvis spesialist med fordjuping i barne- og ungdomspsyk.
- Erfaring frå eller sterk interesse for BUP
- Gode kommunikasjonsevner skriftleg og muntleg
- Ikkje-nordiske statsborgarar må minimum ha bestått Bergenstesten eller anna norsktest på B2-nivå. Dokumentasjon må leggjast ved søknad
Personlege eigenskapar
- Du er oppteken av samarbeid og bidreg aktivt til eit positivt arbeidsmiljø
- Du viser omtanke og bidreg til å skapa psykososial tryggleik
- Du har ei open og løysingsorientert tilnærming til arbeidet
- Du har evne til å arbeida strukturert og sjølvstendig
- Du verdset tverrfagleg samarbeid og dialog
Vi tilbyr
- Eit sterkt fagleg fellesskap med fokus på medverknad, utvikling og sosialt samhald.
- Stor påverknad på eigen arbeidskvardag og faglege utvikling
- Systematisk kompetanseheving som kurs, internundervisning og moglegheiter for forsking
- Regelmessige fagdagar med kombinasjon av faglege og sosiale aktivitetar
- Små, tverrfaglege team som sikrar nærleik og god støtte, som er spesielt viktig for nytilsette
- Løn etter gjeldande avtale
- Stillinga er dagstilling, 37,5 t/veke
- Konkurransedyktig pensjonsordning. Yrkesskadeforsikring, gruppelivsforsikring og tenestereiseforsikring.
- For å kunne vurdere fortrinnsrett til stilling, må søkjar gi til kjenne dette i søknaden
Kontaktinformasjon
Thomas Hasmo Eilertsen, Avdelingsleiar, +47 93455990, thomas.hasmo.eilertsen@helse-fonna.no
Arbeidsstad
Tysevegen 64
5416 Stord
Nøkkelinformasjon:
Arbeidsgivar: Helse Fonna HF
Referansenr.: 4931835981
Stillingsprosent: 100%
Fast
Søknadsfrist: 31.03.2025
DIVERSE INFO
| Arbeidsgiver | Allmennpsykiatrisk poliklinikk BUP Stord, Helse Fonna HF orgnr: |
|---|---|
| Kort om arbeidsgiver |
Helse Fonna har rundt 4200 medarbeidarar som jobbar for å gi best mogleg behandling og pleie til pasientane. Vår oppgåve er å gi spesialiserte helsetenester til dei over 180 000 innbyggarane i Sunnhordland, Indre Hardanger og Nord-Rogaland. Helse Fonna ønsker så langt som råd å avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta. For å bli betre kjend med oss, kan du sjå her www.helse-fonna.no. |
| Webside | |
| Bransje | Helse og sosial |
| Yrke | Psykolog |
| Sted | STORD (Adresse: Tysevegen 64 Postnr: 5416) |
| Stillingstype | Fast Heltid Antall stillinger: 1 |
| Sektor | Offentlig |
| Krav | Unknown |
| Tiltredelse | Unknown |
| Søknadsfrist | 31-03-2025 |
