Prosjektleder

PROSJEKTLEDER / KONSTRUKTØR

Martin Lid Trelast AS er ein solid og innovativ aktør i bygg- og trelastbransjen, med ei historie som strekkjer seg fleire tiår tilbake. Me er stolte av vår lange erfaring med å levere høgkvalitets byggeløysingar som spenner frå små, unike bustader til store næringsbygg. Som eit familieeigd firma har me alltid hatt eit sterkt fokus på kvalitet, handverk og berekraftig utvikling.

Vår visjon er å bygge med omtanke – for både menneska som skal bu i våre bygg, og for miljøet me lever i. Me er i stadig utvikling, og trur på å utfordre tradisjonelle løysingar for å skape innovative og fremtidsretta prosjekt. I vår kvardag legg me stor vekt på samarbeid, og me er ein gjeng som støttar kvarandre i å nå felles mål.

Me har eit sterkt og erfarent team som driv og utviklar spennande prosjekt over heile regionen. No ser me etter ein dyktig prosjektleiar som vil vere med på å forme framtida for både oss og dei som nyttar bygga våre.

Er du den me ser etter?

ARBEIDSOMRÅDE

● Ansvarleg for prosjekt frå planleggjing til ferdigstilling.

● Samarbeide tett med arkitektar, ingeniørar og prosjektleiarar for å sikre effektiv og presis prosjektgjennomføring.

● Sørge for at byggeløysingane er i samsvar med gjeldande forskrifter og standardar.

● Utarbeide byggetekniske teikningar og berekningar for prosjekta våre.

● Utarbeide tilbod, materiallister og kontraktar.

KVA SER ME ETTER?

● Du har stort fokus på god rådgjeving.

● Du har sans for system og kvalitet.

● Du har relevant erfaring.

● Du er god på kommunikasjon og kundebehandling.

● Du er serviceinnstilt, positiv og likar å arbeida i team.

● Du har god datakunnskap.

ME KAN TILBY DEG:

● Eit godt og uformelt arbeidsmiljø med kompetente arbeidskollegaer

● Friheit og fleksibilitet i ein variert arbeidskvardag.

● Konkurransedyktig løn og attraktive pensjonsordningar.

● Moglegheiter for fagleg utvikling og vidareutdanning

● Trygg og god arbeidsplass

Om bedrifta

Byggtorget Martin Lid Trelast AS er eit veletablert byggevarehus som har forhandla byggevarer, hus og hytter på Voss og i omegn i 65 år. Selskapet held til i eigne lokalar på Palmafossen og har i dag 20 tilsette. Eigen prosjektavdeling har i over 50 år levert tilbygg, garasjar, hus og hytter. Me hjelper private og proffkundar med teikningar, prosjektering, søknader og byggevarer.

Me brenn for eit godt arbeidsmiljø og gode kundeopplevingar.

Selskapet er medlem av byggevarekjeda Byggtorget og huskjeda Systemhus. Begge kjedene er medlemsbedrifter i Noregs største byggevarekonsern, Mestergruppen.

Byggtorget Martin Lid Trelast blei kåra til årets forhandlar i Norge og Region Vest i 2023.

Byggtorget – “Tettast på”

Byggtorget består av over 100 byggevarehus fordelt over heile landet. Me har eit breitt sortiment av varer og tenester, og hjelper deg med å skaffe det du treng for å løyse ditt prosjekt. Og me har alltid gode råd på lager — heilt gratis!

Me i Byggtorget er lokale. Me har lange tradisjonar og ekte lokal tilknyting og engasjement. Våre butikkar og me som jobbar her er forskjellige. Unike. Det er vår styrke. Me kjenner vårt lokalmiljø og korleis ting fungerer. Me kjenner våre kundar og veit kva dei set pris på. Og me strekk oss langt for å løyse deira utfordringar. Me er eigde og drivne lokalt, har stolte tradisjonar og byggevarer i blodet og hjartet.

Systemhus

Me bygger framtida er Systemhus sitt slagord, noko me føler seier mykje om våre verdiar. Nyskapning, inneklima og langsiktighet er framtida i vår bransje. Opplev i dag korleis du vil leve i morgon. Målet vårt er å lage litt betre og litt smartare heim for deg.

Me legg ned mykje tid i å utvikle nye idéar for å skape det mest funksjonelle heimen for våre kundar. Me ser alltid framover. Nye metodar og løysingar vert raskt implementert i våre velprøvde system og prosessar. Me ynskjer å bidra til utviklinga i bransjen.

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/89a9136e-cbf0-448f-a390-e319c8727e3e
Stillingsregistrering