Prestevikariat Ulstein

Prestevikariat i Ulstein sokn 100%

Vi søkjer etter ein engasjert person som vil arbeide som prest i ein aktiv og engasjert kyrkjelyd.
Ulstein sokn er ein stor og aktiv kyrkjelyd med ei soknekyrkje lokalisert i sentrum av Ulsteinvik.
Den høge oppslutninga om gudstenestene, det gode samarbeid med lag og organisasjonar, eit rikt kulturliv og eit godt samarbeid med skular og barnehagar gjer kyrkjelyden til ein attraktiv samfunnsaktør. I kyrkjelyden er alle generasjonar og mange nasjonalitetar representerte, og det er stor frivillig aktivitet i mange aldersgrupper. Soknet driv kor og kulturarbeid, Open barnehage, diakonalt arbeid mot eldre og flyktningar, sorggrupper og ulike temasamlingar i tillegg til trusopplæring og anna fellesskapsbyggande arbeid.
Kyrkjekontoret har eigne lokalar i sentrum like ved kyrkja. Staben er samansett av: kyrkjeverje (100%), sokneprest (100%), kapellan (100%), 2 diakonar (til saman 130%), kantor (100%), kateket(100%), kyrkjelydspedagog (100%), kyrkjetenar (40%), sekretær (100%) og b/u-arbeidar (20% ).  I tillegg har vi til saman 130% stilling på kyrkjegarden og 20% stilling knytt til kyrkjelyden sin barnehage.
Ulstein sokn har føreseielege rammevilkår gjennom ein detaljert avtale med Ulstein kommune. Det er gode og positive samarbeidstilhøve mellom embets- og rådsstrukturen og med sokneråd og fellesråd, og det er eit godt arbeidsmiljø ved kontoret.

Vikariatet vil i utgangspunktet være 6 mnd, med mulighet for eventuell forlengelse.

Arbeidsoppgåver

Presten skal i tråd med “Tjenesteordning for menighetsprester” forvalte Ord og sakrament slik at kristen tru og liv blir fremja i kyrkjelyden. Gudstenester, tenesteveker som blir fordelte etter oppsett arbeidsplan.
Ta del i trus- og konfirmantopplæring, sjelesorg og andaktar på sjuke- og aldersinstitusjonane, diakonalt og anna kyrkjelydsaktivitet.
Endring av tenestestad eller oppgåver kan takast opp til vurdering dersom det skulle bli aktuelt, jf. Tjenesteordning for prester §9.

Kvalifikasjonar

Sjølv om vi søkjer primær etter ein prest, så er Ulstein sokn ein fin plass også å prøve seg som prest dersom ein sikter seg inn mot ein ny karriereveg som presteteneste.
Søkjaren vil få høve til å samarbeide kollegialt og tverrfagleg. Du må kunne arbeide med struktur og planlegging og like å samarbeide med stab, frivillige, sokneråd og fellesråd om planar og visjonar.
Dei formelle kvalifikasjonskrava for tilsetjing som kyrkjelydsprest er å finne i “Forskrift om tilsetting av kyrkjelydsprest”.
Den som får tilbod om stillinga må legge fram politiattest.

Ordinert søkjar som er statsborgar i anna EØS-land vert gjort merksam på krav om attest som viser autorisasjon til presteteneste i Den norske kyrkja, gjeve av Kyrkjerådet, krav om medlemskap i Den norske kyrkja og krav om å beherske norsk språk, jf. Forskrift om tilsetting av menighetsprest §6.

Personlege eigenskapar

Interesse for menneske og gode relasjonsbyggjande eigenskapar.
Ei engasjert forkynning som kommuniserer med kyrkjelyden. Evnen til å inspirere og dyrke fram engasjementet

Vi tilbyr

Løn etter hovudtariffavtalen for Den norske kyrkje.
Godtgjersler og tilskot etter dei vilkår som til kvar tid er fastsette. Den som vert tilsett, må rette seg etter endringar i lover, tariffavtalar, særavtalar, reglement mv. og andre avgjerder som kan ha verknad på gjeremåla i tenesta.
Eit godt samarbeid mellom staben i samarbeidsområdet, og mellom dei tilsette i prostiet.  Prestane møtest regelmessig til kollega- og fagsamlingar.

Anna

For å bli tilsett bør ein ha førerkort klasse B og kunne disponere eigen bil i arbeidet.
Den som får tilbod om stillinga må legge fram barneombodsattest (politiattest), jfr Lov om tros- og Livssynssamfunn § 20.

Møre bispedøme skal vere ein arbeidsplass med rom og respekt for mangfald, uavhengig av etnisitet, alder, kjønnsidentitet, funksjonsevne eller legning. Vi oppfordrar derfor alle kvalifiserte kandidatar til å søke.

Kontaktinformasjon

Ingeborg Matre, Prost, +47 94806965

Arbeidsstad

Kyrkjegata 11
6065 Ulsteinvik

Nøkkelinformasjon:

Arbeidsgivar: Den norske kirke

Referansenr.: 4878076049
Stillingsprosent: 100%
Vikariat
Søknadsfrist: 17.11.2024

DIVERSE INFO

Kilde: NAV stillingsannonser
https://arbeidsplassen.nav.no/stillinger/stilling/3b5b01f9-eeea-4918-a3ef-3501807f86e7
IMPORTAPI